ടൈപ്പ് 2 പ്രമേഹം നിയന്ത്രിക്കാനും ഉയര്ന്ന രക്തസമ്മര്ദ്ദത്തെ നിയന്ത്രിക്കാനുമൊക്കെ വിറ്റാമിന് ഡി പ്രധാനമാണ്. ഹൃദയാരോഗ്യം മെച്ചപ്പെടുത്താനും വിറ്റാമിന് ഡി ആവശ്യമാണ്. വിറ്റാമിന് ഡിയുടെ കുറവ് പല ആരോഗ്യപ്രശ്നങ്ങളും സൃഷ്ടിക്കാം. വിറ്റാമിന് ഡി കുറഞ്ഞാല് ഹൃദയസംബന്ധമായ അസുഖങ്ങള്ക്ക് വരെ കാരണമാകും.
ശരീരത്തിന്റെ പ്രവർത്തനങ്ങൾക്ക് ഏറ്റവും ആവശ്യമായ ഒന്നാണ് വിറ്റാമിൻ ഡി. എല്ലുകളുടെയും പല്ലുകളുടെയും വളര്ച്ചയ്ക്ക് സഹായിക്കുന്ന കാത്സ്യത്തെ നമ്മുടെ ശരീരത്തിലേക്ക് ആഗിരണം ചെയ്യാന് സഹായിക്കുന്നതാണ് വിറ്റാമിന് ഡി. ശരീരത്തിന് പ്രതിരോധശേഷി വര്ധിപ്പിക്കാനും വിറ്റാമിന് ഡി ആവശ്യമാണ്. ടൈപ്പ് 2 പ്രമേഹം നിയന്ത്രിക്കാനും ഉയര്ന്ന രക്തസമ്മര്ദ്ദത്തെ നിയന്ത്രിക്കാനുമൊക്കെ വിറ്റാമിന് ഡി പ്രധാനമാണ്. ഹൃദയാരോഗ്യം മെച്ചപ്പെടുത്താനും വിറ്റാമിന് ഡി ആവശ്യമാണ്. വിറ്റാമിന് ഡിയുടെ കുറവ് പല ആരോഗ്യപ്രശ്നങ്ങളും സൃഷ്ടിക്കാം. വിറ്റാമിന് ഡി കുറഞ്ഞാല് ഹൃദയസംബന്ധമായ അസുഖങ്ങള്ക്ക് വരെ കാരണമാകും.
വിറ്റാമിൻ ഡി കുറഞ്ഞാല് ശരീരം കാണിക്കുന്ന ചില ലക്ഷണങ്ങള് എന്തൊക്കെയാണെന്ന് നോക്കാം...
ക്ഷീണവും തളര്ച്ചയുമാണ് വിറ്റാമിൻ ഡി കുറഞ്ഞാല് കാണുന്ന ഒരു പ്രധാന ലക്ഷണം. എല്ലുകളില് വേദന, പേശികള്ക്ക് ബലക്ഷയം, പേശി വേദന, നടുവേദ തുടങ്ങിയവയാണ് മറ്റ് ലക്ഷണങ്ങള്.
ഉത്കണ്ഠ, വിഷാദം, ഭാരം കൂടുക, മുടി കൊഴിച്ചില് തുടങ്ങിയവയാണ് വിറ്റാമിന് ഡി കുറഞ്ഞാലുള്ള ലക്ഷണങ്ങള്. ദീര്ഘകാലം ഇതേ അവസ്ഥ തുടര്ന്നാല് ഹൃദയസംബന്ധമായ അസുഖങ്ങള്ക്ക് വരെ ഇത് കാരണമാകും. അമിതമായി തലമുടി കൊഴിയുന്നതും ചിലരില് വിറ്റാമിൻ ഡിയുടെ കുറവു കൊണ്ടാകാം.
വിറ്റാമിൻ ഡിയും മാനസികാരോഗ്യവും തമ്മിൽ ശക്തമായ ബന്ധമുണ്ടെന്നാണ് ഗവേഷണങ്ങൾ സൂചിപ്പിക്കുന്നത്. വിറ്റാമിൻ ഡി കുറഞ്ഞവരില് മൂഡ് സ്വങ്സ്, വിഷാദം തുടങ്ങിയവയും കാണപ്പെടാം. നിങ്ങളുടെ മുറിവുകളും മറ്റും ഉണങ്ങാൻ പതിവിലും കൂടുതൽ സമയമെടുക്കുന്നതായി തോന്നിയാല്, അതും വിറ്റാമിൻ ഡിയുടെ കുറവായിരിക്കാം. വിറ്റാമിന് ഡി കുറഞ്ഞവരില് ഉയര്ന്ന രക്തസമ്മര്ദ്ദവും കാണപ്പെടാറുണ്ട്.
മറ്റ് വിറ്റാമിനുകളെ പോലെ ഭക്ഷണം മാത്രമല്ല വിറ്റാമിന് ഡി യുടെ സ്രോതസ്സ്. സൂര്യപ്രകാശത്തില് നിന്നും നമ്മുക്ക് കിട്ടുന്നതു കൂടിയാണ് വിറ്റാമിന് ഡി. സൂര്യരശ്മികള് നമ്മുടെ ചര്മ്മത്തില് വീഴുന്നത് വഴി നടക്കുന്ന പല രാസപ്രവര്ത്തനങ്ങളുടെയും ഫലമായാണ് ശരീരത്തില് വിറ്റാമിന് ഡി ഉത്പാദിപ്പിക്കപ്പെടുന്നത്.
വിറ്റാമിന് ഡി കിട്ടുന്ന ഭക്ഷണങ്ങള് ഏതൊക്കെയാണെന്ന് നോക്കാം...
പാല്, തൈര്, ബട്ടര്, ചീസ്, മുട്ട, ഓറഞ്ച് ജ്യൂസ്, സാൽമൺ മത്സ്യം, കൂണ്, ഗോതമ്പ്, റാഗ്ഗി, ഓട്സ്, ഏത്തപ്പഴം തുടങ്ങിയവ കഴിക്കുന്നത് വിറ്റാമിന് ഡി ലഭിക്കാന് സഹായിക്കും.
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. അതുപോലെ നിങ്ങളുടെ ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുന്നതാവും നിങ്ങളുടെ ആരോഗ്യത്തിന് നല്ലത്.
Also read: സ്കിന് ക്യാന്സറിന്റെ ഈ ലക്ഷണങ്ങളെ അറിയാതെ പോകരുതേ...
