അമിതമായ മാംസാഹാരവും പൊണ്ണത്തടിയും കുടുംബപരവും പാരമ്പര്യപരവുമായ ഘടകങ്ങൾക്ക് പുറമെ പ്രോസ്റ്റേറ്റ് ക്യാൻസറിന്റെ പ്രധാന ഘടകങ്ങളാണെന്ന് അപ്പോളോ ഇൻസ്റ്റിറ്റ്യൂട്ട് ഓഫ് യൂറോളജിയിലെ ചീഫ് യൂറോളജി, യൂറോ ഓങ്കോളജി ആൻഡ് ട്രാൻസ്പ്ലാൻറ് സർജൻ ഡോ. ടി മനോഹർ ചൂണ്ടിക്കാട്ടി.
ഇന്ത്യയിലെ പുരുഷന്മാരിൽ ഏറ്റവും പൊതുവായി കാണുന്ന അർബുദമാണ് പ്രോസ്റ്റേറ്റ് കാൻസർ (prostate cancer). ജീവിതശൈലിയിലെ മാറ്റങ്ങളും അമിതവണ്ണവും വർധിക്കുന്നതുമൂലം ക്യാൻസർ സാധ്യത വർധിച്ചുവരികയാണ്. മൂത്രാശയത്തിന് സമീപം കാണപ്പെടുന്ന ഒരു പുരുഷ പ്രത്യുത്പാദന അവയവമാണ് പ്രോസ്റ്റേറ്റ്. പ്രോസ്റ്റേറ്റ് ഗ്രന്ഥിയിലെ കോശങ്ങളുടെ അനിയന്ത്രിതമായ വളർച്ച പ്രോസ്റ്റേറ്റ് ക്യാൻസറിന് കാരണമാകുന്നു.
എട്ട് പുരുഷന്മാരിൽ ഒരാൾക്ക് ഈ രോഗം ബാധിക്കുന്നതായാണ് പഠനങ്ങൾ പറയുന്നത്. പ്രായമായ പുരുഷന്മാരിൽ ഏറ്റവും സാധാരണമായ അർബുദമാണിത്. പ്രായം കൂടുന്നതിനനുസരിച്ച് അപകടസാധ്യത വർദ്ധിക്കുന്നു. പ്രോസ്റ്റേറ്റ് കാൻസർ രോഗനിർണയത്തിന്റെ ശരാശരി പ്രായം 69-70 വയസ്സാണ്.
' മറ്റ് പല അർബുദങ്ങളിൽ നിന്നും വ്യത്യസ്തമായി പ്രോസ്റ്റേറ്റ് കാൻസർ ലക്ഷണമില്ലാത്തതാണ്. പ്രോസ്റ്റേറ്റ് കാൻസർ ആകസ്മികമായോ പതിവ് സ്ക്രീനിങ്ങിലോ കണ്ടുപിടിക്കാം. എപ്പോഴും മൂത്രമൊഴിക്കാൻ തോന്നുക, നടുവേദന എന്നിവ ഈ കാൻസറിന്റെ ലക്ഷണങ്ങളാണ്...' - ഇൻസ്റ്റിറ്റ്യൂട്ട് ഓഫ് ഓങ്കോളജി, ക്യാൻസർ കെയർ - ഗ്ലെനീഗിൾസ് ഗ്ലോബൽ ഹെൽത്ത് സിറ്റിയിലെ ഓങ്കോളജിസ്റ്റ് ഡയറക്ടർ ഡോ.എസ്.രാജ സുന്ദരം പറഞ്ഞു.
മിക്ക അർബുദങ്ങളും ജീവിതശൈലിയിലെ മാറ്റം, ഭക്ഷണ ശീലങ്ങൾ, പാരിസ്ഥിതിക വിഷവസ്തുക്കളുമായി പുകയില, വ്യാവസായിക വിഷവസ്തുക്കൾ മുതലായവ) ബന്ധപ്പെട്ടിരിക്കുന്നു. അമിതമായ മാംസാഹാരവും പൊണ്ണത്തടിയും കുടുംബപരവും പാരമ്പര്യപരവുമായ ഘടകങ്ങൾക്ക് പുറമെ പ്രോസ്റ്റേറ്റ് ക്യാൻസറിന്റെ പ്രധാന ഘടകങ്ങളെന്ന് അപ്പോളോ ഇൻസ്റ്റിറ്റ്യൂട്ട് ഓഫ് യൂറോളജിയിലെ ചീഫ് യൂറോളജി, യൂറോ ഓങ്കോളജി ആൻഡ് ട്രാൻസ്പ്ലാൻറ് സർജൻ ഡോ. ടി മനോഹർ ചൂണ്ടിക്കാട്ടി.
പ്രോസ്റ്റേറ്റ് കാൻസർ എല്ലുകളിലേക്ക് പടർന്ന് തുടങ്ങിയാൽ ആദ്യം ബാധിക്കപ്പെടുന്നത് നട്ടെല്ലിനെയാണ്. നട്ടെല്ലിലും കാലുകളിലും വേദന അനുഭവപ്പെട്ട് തുടങ്ങുന്നത് പ്രോസ്റ്റേറ്റ് കാൻസർ പുരോഗമിച്ചതിൻറെയും അടിയന്തര ചികിത്സ തേടേണ്ടതിൻറെയും ലക്ഷണമാണ്.
ചുവന്ന മാംസവും കൊഴുപ്പുകൂടിയ ഭക്ഷണങ്ങളും അമിതമായി കഴിക്കുന്നതും പഴങ്ങളും പച്ചക്കറികളും കഴിക്കുന്നത് കുറയുന്നതുമൊക്കെ പ്രോസ്റ്റേറ്റ് കാൻസർ സാധ്യത വർധിപ്പിക്കാം. അമിതവണ്ണം, പുകവലി, വ്യായാമക്കുറവ് തുടങ്ങിയവയും പ്രോസ്റ്റേറ്റ് കാൻസർ സാധ്യത കൂട്ടുന്നു.
ലക്ഷണങ്ങൾ...
ഇടയ്ക്കിടെയുള്ള മൂത്രശങ്ക
മൂത്രമൊഴിക്കുമ്പോഴും സ്ഖലനം സംഭവിക്കുമ്പോഴും ഉള്ള വേദനയും പുകച്ചിലും.
മൂത്രത്തിലോ ബീജത്തിലോ രക്തം കാണുക.
പനി കേസുകൾ കൂടുന്നു ; എച്ച്3എൻ2 പ്രതിരോധിക്കാൻ ഇക്കാര്യങ്ങൾ ശ്രദ്ധിക്കാം
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
