നരച്ച മുടി പലപ്പോഴും വാർദ്ധക്യത്തിന്റെ ലക്ഷണമായാണ് പണ്ടൊക്കെ കണ്ടിരുന്നത്. എന്നാൽ ഇന്ന് ചെറുപ്പക്കാരിൽ പോലും മുടി നേരത്തെ നരയ്ക്കുന്നതായി കണ്ട് വരുന്നു. Which food is good for grey hair
ചെറുപ്പക്കാരിൽ അകാലനര വർധിച്ചുവരികയാണ്. സമ്മർദ്ദവും ജീവിതശൈലിയും ഒരു പ്രധാന ഘടകമാണെങ്കിലും, ഭക്ഷണക്രമവും പോഷകാഹാരവും ഒരു പ്രധാന പങ്ക് വഹിക്കുന്നു. മുടിയുടെ അകാല നരയിൽ പോഷകാഹാരത്തിന് വലിയ പങ്കുണ്ട്.
വിറ്റാമിനുകളുടെ കുറവ് കൊണ്ടാണ് പലപ്പോഴും തലമുടിയുടെ കരുത്ത് കുറയുന്നതും അകാലനര പോലെയുള്ള പ്രശ്നങ്ങൾ ഉണ്ടാകുന്നതും. അതിനാൽ അകാലനരയെ അകറ്റാനും ആരോഗ്യമുള്ള തലമുടിക്കുമായി വിറ്റാമിനുകൾ അടങ്ങിയ ഭക്ഷണങ്ങൾ ഡയറ്റിൽ ഉൾപ്പെടുത്തുക. അകാലനര അകറ്റുന്നതിന് കഴിക്കേണ്ട ചില ഭക്ഷണങ്ങളെ കുറിച്ച് ന്യൂട്രീഷ്യനിസ്റ്റ് ന്മാമി അഗർവാൾ പറയുന്നു.
നരച്ച മുടി പലപ്പോഴും വാർദ്ധക്യത്തിന്റെ ലക്ഷണമായാണ് പണ്ടൊക്കെ കണ്ടിരുന്നത്. എന്നാൽ ഇന്ന് ചെറുപ്പക്കാരിൽ പോലും മുടി നേരത്തെ നരയ്ക്കുന്നതായി കണ്ട് വരുന്നു. പോഷകാഹാരക്കുറവ്, വീക്കം, ഉപാപചയ അസന്തുലിതാവസ്ഥ എന്നിവ 20-നും 30-നും ഇടയിൽ പ്രായമുള്ളവരിൽ പോലും മുടി നരയ്ക്കുന്നതിന് കാരണമാകുന്നതായി പഠനങ്ങൾ പറയുന്നു. അകാലനര തടയുന്നതിന് നിങ്ങൾ കഴിക്കേണ്ട ചില ഭക്ഷണങ്ങളെ കുറിച്ചാണ് ഇനി പറയുന്നത്...
Related Articles
മുട്ട
മുട്ടയിൽ വിറ്റാമിൻ ബി 12, ബയോട്ടിൻ, ഉയർന്ന നിലവാരമുള്ള പ്രോട്ടീൻ എന്നിവ അടങ്ങിയിട്ടുണ്ട്. ദിവസവും ഒരു മുട്ട കഴിക്കുന്നത് മുടിയെ കരുത്തുള്ളതാക്കുക മാത്രമല്ല അകാലനര അകറ്റാനും സഹായിക്കും.
രണ്ട്
മാതളനാരങ്ങയിൽ വിറ്റാമിൻ ബി 6, വിറ്റാമിൻ സി, ഫോളേറ്റ് എന്നിവ അടങ്ങിയിരിക്കുന്നു, ഇത് ഓക്സിഡേറ്റീവ് സമ്മർദ്ദം കുറയ്ക്കാനും അകാല നര കുറയ്ക്കാനും സഹായിക്കുന്നു.
മൂന്ന്
മെലാനിൻ ഉൽപാദനത്തെ പിന്തുണയ്ക്കുന്നതിലൂടെയും മുടിയുടെ പിഗ്മെന്റ് കോശങ്ങളെ സംരക്ഷിക്കുന്നതിലൂടെയും അകാലനരയെ തടയാൻ നെല്ലിക്ക സഹായിക്കും. ദിവസവും ഒരു നെല്ലിക്ക കഴിക്കുന്നത് മുടിയ്ക്ക് മാത്രമല്ല പ്രതിരോധശേഷി കൂട്ടാനും സഹായിക്കും.
നാല്
ചെറുപ്പക്കാരിൽ മുടി നരയ്ക്കുന്നതിന് ഇരുമ്പിന്റെ കുറവ് പ്രധാന കാരണമാണ്. പാലക്ക് ചീരയിൽ ഇരുമ്പ് ധാരാളമായി അടങ്ങിയിരിക്കുന്നതിനാൽ രക്തയോട്ടം നിലനിർത്താൻ സഹായിക്കുന്നു. ചുവന്ന രക്താണുക്കളുടെയും ഫോളിക്കിളിന്റെയും ആരോഗ്യത്തെ പിന്തുണയ്ക്കുന്ന ഫോളേറ്റ് ചീരയിലും അടങ്ങിയിരിക്കുന്നു.
അഞ്ച്
വാൾനട്ടിൽ ഒമേഗ-3 ഫാറ്റി ആസിഡുകളും ആന്റിഓക്സിഡന്റുകളും അടങ്ങിയിട്ടുണ്ട്. ഇത് ഓക്സിഡേറ്റീവ് സമ്മർദ്ദം കുറയ്ക്കാൻ സഹായിക്കുന്നു. വാൾനട്ട് എപ്പോഴും കുതിർത്ത് കഴിക്കുന്നതാണ് കൂടുതൽ നല്ലത്.
ആറ്
പാലുൽപ്പന്നങ്ങളിൽ വിറ്റാമിൻ ബി 12, കാൽസ്യം, പ്രോട്ടീൻ എന്നിവ അടങ്ങിയിരിക്കുന്നു. അകാലനര തടയാൻ മികച്ചതാണ് വെണ്ണ, ചീസ്, പാൽ എന്നിവ.
