Asianet News MalayalamAsianet News Malayalam

വാക്‌സിന്‍ കൂടാതെ തന്നെ കൊവിഡ് സുഖപ്പെടുത്താം എന്ന അവകാശവാദവുമായി ചൈനീസ് ലബോറട്ടറി

മനുഷ്യ ശരീരത്തിലെ രോഗപ്രതിരോധ സംവിധാനം പുറപ്പെടുവിക്കുന്ന 'ന്യൂട്രലൈസിങ് ആന്റിബോഡി' എന്ന ഘടകമാണ് ചൈനീസ് ഗവേഷകർ മരുന്നിനായി ഉപയോഗപ്പെടുത്തുന്നത്

will cure covid without a vaccine claims a chinese laboratory, antibody medicine to come soon
Author
China, First Published May 19, 2020, 12:49 PM IST

ബെയ്‌ജിങ് : വാക്സിന്റെ സഹായം കൂടാതെ തന്നെ കൊവിഡിനെ തുരത്താൻ ശേഷിയുള്ള പുതിയൊരു മരുന്ന് തങ്ങളുടെ ലബോറട്ടറിയിൽ വികസിപ്പിച്ചെടുത്തുകഴിഞ്ഞു എന്ന അവകാശ വാദവുമായി ചൈനീസ് ലബോറട്ടറി. ചൈനയിലെ വിഖ്യാതമായ പീക്കിങ് യൂണിവേഴ്സിറ്റിയിലെ ഗവേഷകർ വികസിപ്പിച്ചെടുത്ത ഈ ആന്റിബോഡി മരുന്നിന് രോഗം പൂർണ്ണമായും ഭേദമാക്കാൻ മാത്രമല്ല ഹ്രസ്വകാലത്തേക്ക് പ്രതിരോധ ശേഷി പകരാനുമാകും എന്നാണ് ശാസ്ത്രജ്ഞരുടെ വാദം. 

മൃഗങ്ങളിൽ ഈ മരുന്ന് വിജയകരമായി പരീക്ഷണം പൂർത്തിയാക്കിയതായി ബെയ്‌ജിങ് അഡ്വാന്‍സ്‌ഡ് സെന്റർ ഫോർ ജീനോമിക്സിന്റെ മേധാവി സണ്ണി സീ, എഎഫ്പിയോട് പറഞ്ഞു. "ഞങ്ങൾ രോഗബാധിതരായ വെള്ളെലികളിലേക്ക് കുത്തിവെച്ച ന്യൂട്രലൈസിങ് ആന്റിബോഡി (Neutralizing Antibody) അഞ്ചു ദിവസം കൊണ്ട് അവയിലെ വൈറൽ ആക്ടിവിറ്റി 2500 -ൽ ഒന്നായി കുറച്ചു. അത് ഈ മരുന്നിന്റെ രോഗം ഭേദമാക്കാനുളള കഴിവിനുള്ള തെളിവാണ്." അദ്ദേഹം പറഞ്ഞു. 

 

will cure covid without a vaccine claims a chinese laboratory, antibody medicine to come soon

 

മനുഷ്യ ശരീരത്തിലെ രോഗപ്രതിരോധ സംവിധാനം പുറപ്പെടുവിക്കുന്ന 'ന്യൂട്രലൈസിങ് ആന്റിബോഡി' എന്ന ഘടകമാണ് ചൈനീസ് ഗവേഷകർ മരുന്നിനായി ഉപയോഗപ്പെടുത്തുന്നത്. രോഗം ഭേദമായ 60 രോഗികളിൽ നിന്നാണ് ഈ ആന്റിബോഡികൾ ഈ ഗവേഷകർ ശേഖരിച്ചത്. സെൽ എന്ന് പേരായ ശാസ്ത്ര ജേർണലിൽ ആണ് ഈ ലേഖനം പ്രസിദ്ധപ്പെടുത്തിയത്. 

ചൈനയിൽ ഈ രോഗം ആദ്യമായി പൊട്ടിപ്പുറപ്പെട്ട അന്നു തൊട്ടു തന്നെ തങ്ങൾ ഇത്തരം ഒരു മരുന്നിനായി അഹോരാത്രം അധ്വാനിച്ചുകൊണ്ടിരിക്കുകയായിരുന്നു എന്നും ഇപ്പോൾ വിജയത്തിന്റെ തൊട്ടരികിൽ എത്തിയത് തങ്ങൾക്ക് ഏറെ ചാരിതാർഥ്യമുണ്ടാക്കുന്നുണ്ട് എന്നും സണ്ണി സീ പറഞ്ഞു. ഇനിയുള്ള ഘട്ടം ഈ ആന്റിബോഡി മരുന്നുകൾ മനുഷ്യരിൽ പരീക്ഷിക്കുക എന്നതാണ്. ക്ലിനിക്കൽ ട്രയലുകൾക്കായുള്ള സാങ്കേതിക ജോലികൾ നടന്നുകൊണ്ടിരിക്കുന്നു എന്നും അദ്ദേഹം പറഞ്ഞു. 

Follow Us:
Download App:
  • android
  • ios