ഗർഭിണിയായ യുവതിയും ഏഴ് കുട്ടികളും: ശ്രീലങ്കയിൽ നിന്നും 18 അഭയാർത്ഥികൾ കൂടി തമിഴ്നാട്ടിൽ
മറൈൻ പൊലീസ് കസ്റ്റഡിയിലെടുത്ത എല്ലാവരേയും പ്രാഥമിക ശുശ്രൂഷകൾ നൽകിയതിന് ശേഷം മണ്ഡപം അഭയാർത്ഥി ക്യാമ്പിലേക്ക് മാറ്റി.
കൊളംബോ: 18 ശ്രീലങ്കൻ അഭയാർത്ഥികൾ കൂടി തമിഴ്നാട് തീരത്ത് എത്തി. രണ്ട് ബോട്ടുകളിലായി രാമേശ്വരം തീരത്താണ് ഇവരെത്തിയത്. ആദ്യം വന്ന ബോട്ടിൽ 13 പേരും രണ്ടാമത്തേതിൽ 5 പേരുമാണ് ഉണ്ടായിരുന്നത്. മാന്നാറിൽ നിന്നും ജാഫ്നയിൽ നിന്നുമാണ് ബോട്ടുകൾ പുറപ്പെട്ടത്. ഗർഭിണിയായ യുവതിയും ഒന്നര വയസുള്ള കുഞ്ഞുമടക്കം 7 കുട്ടികളും 5 സ്ത്രീകളും പുതിയതായി എത്തിയവരിൽ ഉണ്ട്. ഇതോടെ മാർച്ച് 22 മുതൽ ഇതുവരെ ഇന്ത്യയിൽ എത്തിയ എത്തിയ ശ്രീലങ്കൻ അഭയാർത്ഥികളുടെ എണ്ണം 60 ആയി. മറൈൻ പൊലീസ് കസ്റ്റഡിയിലെടുത്ത എല്ലാവരേയും പ്രാഥമിക ശുശ്രൂഷകൾ നൽകിയതിന് ശേഷം മണ്ഡപം അഭയാർത്ഥി ക്യാമ്പിലേക്ക് മാറ്റി.