മോശം റോഡ്: എഞ്ചിനീയറെ കൊണ്ട് ഏത്തം ഇടിയിപ്പിച്ച് ആർജെഡി എംഎൽഎ- വീഡിയോ വൈറൽ
തന്റെ ഉത്തരവിനെ പാലിക്കാൻ വിസമ്മതിച്ച ഉദ്യോഗസ്ഥനെ സരോജ് കുമാർ ശകാരിക്കുകയും നിർബന്ധിച്ച് ഏത്തം ഇടിയിപ്പിക്കുകയും ചെയ്യുന്നുണ്ട്.
ഭുവനേശ്വർ: പി ഡബ്ലൂ ഡി ജൂനിയർ എഞ്ചിനീയറെ കൊണ്ട് ഏത്തം ഇടിയിപ്പിക്കുന്ന ബിജു ജനതാ ദൾ എംഎൽഎയുടെ വീഡിയോ സമൂഹമാധ്യമങ്ങളിൽ വൈറലാകുന്നു. ഒഡീഷയിലെ പട്നാഗഡിലെ എംഎൽഎ ആയ സരോജ് കുമാർ മെഹറാണ് ഉദ്യോഗസ്ഥനെ കൊണ്ട് ഏത്തമിടിയിപ്പിക്കുന്നത്. തന്റെ നിയോജക മണ്ഡലത്തിലുള്ള റോഡുകളുടെ മോശം നിലവാരം ചൂണ്ടിക്കാട്ടിയായിരുന്നു എംഎൽഎ ഉദ്യോഗസ്ഥന് ശിക്ഷ നൽകിയത്.
തന്റെ ഉത്തരവിനെ പാലിക്കാൻ വിസമ്മതിച്ച ഉദ്യോഗസ്ഥനെ സരോജ് കുമാർ ശകാരിക്കുകയും നിർബന്ധിച്ച് ഏത്തം ഇടിയിപ്പിക്കുകയും ചെയ്യുന്നുണ്ട്. 100 തവണയാണ് എംഎൽഎ ഏത്തമിട്ടതെന്നാണ് റിപ്പോർട്ട്. എന്തായാലും സംഭവത്തിന്റെ വീഡിയോ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്.