പ്രിയങ്ക ഗാന്ധി മികച്ച വ്യക്തിത്വം; അവരുടെ പ്രചരണം കോൺഗ്രസിന് ഗുണം ചെയ്യും; ബിജെപി മുതിർന്ന നേതാവ്
'ജനങ്ങൾക്ക് നെഹ്റു കുടുംബത്തോട് പ്രത്യേക താത്പര്യമാണുള്ളത്. പ്രത്യേകിച്ച് മുൻ പ്രധാനമന്ത്രി ഇന്ദിരാ ഗാന്ധിയോട്. അവരുടെ നേർ പ്രതിരൂപമാണ് പ്രയങ്ക ഗാന്ധി'- ബാബുലാൽ പറഞ്ഞു.
ഭോപ്പാല്: കോൺഗ്രസ് ജനറൽ സെക്രട്ടറി പ്രിയങ്ക ഗാന്ധിയെ പ്രകീർത്തിച്ച് ബിജെപി മുതിർന്ന നേതാവും മധ്യപ്രദേശ് മുൻ മുഖ്യമന്ത്രിയുമായ ബാബുലാല് ഗൗര്. പ്രിയങ്ക ഗാന്ധി മികച്ച വ്യക്തിത്വത്തിന് ഉടമയാണെന്നും മുത്തശ്ശി ഇന്ദിരാ ഗാന്ധിയുടെ നേർ പ്രതിബിംബമാണ് അവരെന്നും ബാബുലാൽ പറഞ്ഞു.
വരാൻ പോകുന്ന ലോക്സഭാ തെരഞ്ഞെടുപ്പിൽ പ്രിയങ്കയുടെ പ്രചരണ പ്രവർത്തനങ്ങൾ കോൺഗ്രസിന് ഗുണം ചെയ്യുമെന്നും ബാബുലാൽ പറഞ്ഞു. 'ജനങ്ങൾക്ക് നെഹ്റു കുടുംബത്തോട് പ്രത്യേക താത്പര്യമാണുള്ളത്. പ്രത്യേകിച്ച് മുൻ പ്രധാനമന്ത്രി ഇന്ദിരാ ഗാന്ധിയോട്. അവരുടെ നേർ പ്രതിരൂപമാണ് പ്രയങ്ക ഗാന്ധി'- ബാബുലാൽ പറഞ്ഞു. പ്രിയങ്കയുടെ മികച്ച വ്യക്തിത്വമാണ് അവരിലേയ്ക്ക് ആളുകളെ ആകർഷിക്കുന്നതെന്നും ആ ആൾക്കൂട്ടങ്ങൾ പോസിറ്റീവായിട്ടുള്ള സന്ദേശമാണ് കോൺഗ്രസിന് നൽകുന്നതെന്നും ബാബുലാൽ കൂട്ടിച്ചേർത്തു.
പ്രിയങ്ക ഗാന്ധി പ്രചാരണങ്ങൾ നടത്തിയിട്ടുള്ള പ്രദേശങ്ങളിൽ കോൺഗ്രസിന് മികച്ച നേട്ടം സ്വന്തമാക്കാൻ സാധിക്കുമെന്ന് പറഞ്ഞ ബാബുലാൽ ഇന്ത്യ മുഴുവനും ആ നേട്ടം സ്വന്തമാക്കാൻ സാധിക്കില്ലെന്നും പറഞ്ഞു.