കൊവിഡ് വ്യാപനം; ബോറിസ് ജോൺസന്റെ ഇന്ത്യാ സന്ദർശനം ഒഴിവാക്കി
ഇന്ത്യൻ പ്രധാനമന്ത്രി നരേന്ദ്രമോദിയും ബോറിസ് ജോൺസണും ഈ വർഷം മറ്റൊരു ദിവസം നേരിട്ട് ചർച്ച നടത്തുമെന്ന് ഇരു രാജ്യങ്ങളും അറിയിച്ചു...
ദില്ലി: കൊവിഡ് വ്യാപനം അനിയന്ത്രിതമായതോടെ ഇന്ത്യാ സന്ദർശനം ഒഴിവാക്കി ബ്രിട്ടീഷ് പ്രധാനമന്ത്രി ബോറിസ് ജോൺസൺ. ഏപ്രിൽ 25 നാണ് ബ്രിട്ടീഷ് പ്രധാനമന്ത്രി ഇന്ത്യ സന്ദർശനത്തിനെത്താൻ തീരുമാനിച്ചിരുന്നത്. ഇന്ത്യയിലെ കൊവിഡ് രോഗികളുടെ എണ്ണം 24 മണിക്കൂറിനുള്ളിൽ 2 ലക്ഷത്തിന് മുകളിൽ വർദ്ധിച്ച സാഹചര്യത്തിലാണ് പിന്മാറ്റം.
ഇന്ത്യൻ പ്രധാനമന്ത്രി നരേന്ദ്രമോദിയും ബോറിസ് ജോൺസണും ഈ വർഷം മറ്റൊരു ദിവസം നേരിട്ട് ചർച്ച നടത്തുമെന്ന് ഇരു രാജ്യങ്ങളും അറിയിച്ചു.
കൊവിഡ് വ്യാപനത്തിന്റെ ആദ്യഘട്ടത്തിൽ ബ്രിട്ടീഷ് പ്രധാനമന്ത്രി ബോറിസ് ജോൺസണ് വൈറസ് ബാധിച്ചിരുന്നു. ഗുരുതരാവസ്ഥയിലായിരുന്ന പ്രധാനമന്ത്രി പിന്നീട് വൈറസിനോട് പോരാടി ജീവിതത്തിലേക്ക് മടങ്ങിയെത്തുകയായിരുന്നു.
