മർദന പരാതിയിൽ എഫ്ഐആർ ഇടാത്തതിൽ പ്രതിഷേധിച്ച് ദില്ലിയിൽ രാത്രിയിൽ എൻ എസ് യു ഐ സമരം. പൊലീസ് അതിക്രമങ്ങൾക്ക് ഇരയായ മലയാളി വിദ്യാർഥിനി ആതിര അടക്കമുള്ള പ്രവർത്തകർ പാർലമെന്റ് സ്ട്രീറ്റ് സ്റ്റേഷന് മുന്നിൽ പ്രതിഷേധിക്കുകയാണ്.
ദില്ലി: മർദന പരാതിയിൽ എഫ്ഐആർ ഇടാത്തതിൽ പ്രതിഷേധിച്ച് ദില്ലിയിൽ രാത്രിയിൽ എൻ എസ് യു ഐ സമരം. പൊലീസ് അതിക്രമങ്ങൾക്ക് ഇരയായ മലയാളി വിദ്യാർഥിനി ആതിര അടക്കമുള്ള പ്രവർത്തകർ പാർലമെന്റ് സ്ട്രീറ്റ് സ്റ്റേഷന് മുന്നിൽ പ്രതിഷേധിക്കുകയാണ്. ഒപ്പം വനിതാ പൊലീസുകാർ ക്രൂരമായി മ‍ർദിച്ച ഋതു ബരാലയുമുണ്ട്. എഫ്ഐആർ എടുക്കുംവരെ സമരം തുടരുമെന്ന് എൻ എസ് യു ഐ ദേശീയാധ്യക്ഷൻ വിനോദ് ജാക്കർ പറയുന്നു. പ്രവർത്തകർ ബാരിക്കേഡ് ചാടിക്കടക്കാൻ ശ്രമിച്ചതോടെ സ്ഥലത്ത് സംഘർഷമായി. നീതി കിട്ടും വരെ സമരത്തിൽ നിന്ന് പിന്മാറില്ലെന്ന് മലയാളി വിദ്യാർഥിനി ആതിര പറഞ്ഞു. റോഡ് തടഞ്ഞും പ്രതിഷേധം തുടരുന്നതിനാൽ ഗതാഗതം സ്തംഭിച്ചിരിക്കുകയാണ്. പ്രതിഷേധം സംഘർഷമായതോടെ പ്രവർത്തകരെ പൊലീസ് കസ്റ്റഡിയിലെടുത്ത് നീക്കുകയാണ്.
