കൊവിഡ് 19 Live Updates: രാജ്യത്ത് കോവിഡ് ബാധിതരുടെ എണ്ണം 81, വീണ്ടും രാജ്യത്ത് കൊറോണ മരണം

Delhi: Death of a 68-year-old woman from West Delhi (mother of a confirmed case of COVID-19), is confirmed to be caused due to co-morbidity (diabetes and hypertension). She also tested positive for COVID-19. https://t.co/hmqARvTVv5

— ANI (@ANI) March 13, 2020

കോവിഡ് 19 രോഗബാധ ഉൾപ്പെടെ ചർച്ച ചെയ്യാൻ മാർച്ച് 16ന് മുഖ്യമന്ത്രി പിണറായി വിജയന്റെ അധ്യക്ഷതയിൽ തിരുവനന്തപുരത്ത് സർവകക്ഷിയോഗം ചേരും. വൈകിട്ട് നാലിന് മാസ്‌ക്കറ്റ് ഹോട്ടലിലാണ് യോഗം. സെൻസസ് സംബന്ധിച്ച വിഷയങ്ങൾ ചർച്ച ചെയ്യാനാണ് നേരത്തെ സർവകക്ഷിയോഗം വിളിച്ചിരുന്നത്. നിലവിലെ സാഹചര്യം കണക്കിലെടുത്താണ് കോവിഡ് 19 രോഗ ബാധ സംബന്ധിച്ച പ്രശ്‌നങ്ങളും യോഗത്തിൽ വിഷയമാക്കാൻ തീരുമാനിച്ചത്.

മുഖാവരണങ്ങൾ ( N95 ഉൾപ്പെടെ  ) സാനിറ്റൈസർ എന്നിവയെ  ആവശ്യ സാധനങ്ങളുടെ പട്ടികയിൽ പെടുത്തി കേന്ദ്ര സർക്കാർ. വില കൂടുന്നത് നിയന്ത്രിക്കാനാണ് നടപടി

കണ്ണൂരിൽ കൊറോണ സ്ഥിരീകരിച്ച ആളുടെ കൂടെ ദുബായിൽ താമസിച്ച ഏഴ് മലയാളികളെ നാട്ടിലെത്തിക്കും.
ഒൻപത് മണിക്ക് ഇവർ കരിപ്പൂരില്‍ വിമാനമിറങ്ങും. ആംബുലൻസിൽ കണ്ണൂർ ജില്ലാ ആശുപത്രിയിലെത്തിക്കും.  നേരത്തെ എത്തിയ അഞ്ചു പേർ നിരീക്ഷണത്തിലാണ്.

പത്തനംതിട്ടയിൽ 29 പേർ ആശുപത്രിയിൽ തുടരുന്നു. 1239 വീടുകളിൽ തുടരുന്നു. 14 പേർ ഡിസ്ചാർജ് ആയി.  20 പേരുടെ പരിശോധനാ ഫലം വരാനുണ്ട്. 186 പേർ ഹൈ റിസ്ക് കോൺടാക്ട് ഉണ്ട്.

സംസ്ഥാനത്ത് മൂന്നുപേര്‍ക്ക് കൂടി കൊവിഡ് 19: വര്‍ക്കലയിലെ റിസോര്‍ട്ടിൽ താമസിച്ച ഇറ്റലിക്കാരനും രോഗം

മഹാരാഷ്ട്രയിൽ ഇന്ന് രാത്രി മുതൽ പകർച്ചവ്യാധി തടയൽ നിയമം നടപ്പാക്കും. ഐസൊലേഷന് തയാറാകാത്തവരെ നിയമപരമായി നേരിടും. പൊലീസിന്‍റെ സഹായം തേടും

കൊവിഡ് വൈറസ് ബാധയെ തുടര്‍ന്ന്  ഗോവയിലും നിയന്ത്രണം. പകർച്ചവ്യാധി തടയൽ നിയമം നടപ്പാക്കും. ഷിഗ്മോ ഫെസ്റ്റ് അടക്കം ആഘോഷ പരിപാടികൾ ഒഴിവാക്കാൻ സർക്കാർ നിർദ്ദേശം. ഒമ്പതാം ക്ലാസ് വരെ സ്കൂളുകൾക്ക് അവധി

എറണാകുളം ജില്ലയില്‍ നിലവിൽ 32 പേർ ആശുപത്രികളിലെ ഐസൊലേഷൻ വാർഡിൽ 532 പേർ വീടുകളിൽ നിരീക്ഷണത്തിൽ. ഇന്ന് 16 പേരുടെ സാംപിൾ പരിശോധനക്കായി അയച്ചു. കൊവിഡ് 19 സ്ഥിരീകരിച്ച 3 വയസുകാരന്‍റെയും മാതാപിതാക്കളുടേയും ആരോഗ്യനില തൃപ്തികരമെന്ന് കളക്ടർ എസ്. സുഹാസ്

ഇന്ന് 6 മണിക്ക് നടക്കുന്ന കൊറോണ അവലോകന യോഗത്തിന് ശേഷം മുഖ്യമന്ത്രി പിണറായി വിജയൻ മാധ്യമങ്ങളെ കാണും- സെക്രട്ടേറിയറ്റ് നോർത്ത് ബ്ലോക്ക് മീഡിയാ റൂം

കാസര്‍കോട് ജില്ലയില്‍ ആകെ 249 പേരാണ് നിരീക്ഷണത്തില്‍. ഇതില്‍ പത്ത് പേര്‍ ആശുപത്രികളിലും 239 പേര്‍ വീടുകളിലുമായാണ് ഉള്ളത്. നിലവില്‍ പോസിറ്റീവ് കേസുകളില്ല. യു.എ.ഇയില്‍ നിന്നെത്തിയ 78 പേരും ദക്ഷിണ കൊറിയയില്‍ നിന്നെത്തിയ 58 പേരും ഇറ്റലിയില്‍ നിന്നെത്തിയ 21 പേരും മലേഷ്യ ,കുവൈത്ത് എന്നിവിടങ്ങളില്‍ നിന്നെത്തിയ 13 പേര്‍ വീതവും സൗദി അറേബ്യയില്‍ നിന്നെത്തിയ 12 പേരും ഖത്തര്‍, ഒമാന്‍ എന്നിവിടങ്ങളില്‍ നിന്നുള്ള   എട്ടുപേര്‍ വീതവും ജപ്പാനില്‍ നിന്നെത്തിയ ആറുപേരും ബഹ്‌റിന്‍, ഇംഗ്ലണ്ട്, ഇന്തോനേഷ്യ എന്നിവിടങ്ങളില്‍ നിന്നെത്തിയ നാല് പേര്‍ വീതവും സിംഗപ്പൂര്‍, റഷ്യ, എന്നിവിടങ്ങളില്‍ നിന്നെത്തിയ മൂന്ന് പേര്‍ വീതവും ഓസ്ട്രലിയയില്‍ നിന്നെത്തിയ രണ്ട് പേരും   നിരീക്ഷണത്തിലുണ്ട്

കൊറോണ രോഗവ്യാപന പ്രതിരോധനത്തിന്റെ ഭാഗമായി കോഴിക്കോട്  ജില്ലാ ടൂറിസം പ്രമോഷന്‍ കൗണ്‍സിലിന് കീഴിലുളള വിനോദസഞ്ചാര കേന്ദ്രങ്ങള്‍ അടച്ചതായി സെക്രട്ടറി അറിയിച്ചു.  കോഴിക്കോട് ഭട്ട്റോഡ് ബീച്ച്, കോഴിക്കോട് സൗത്ത് ബീച്ച്,  കോഴിക്കോട് ബീച്ച്,  കാപ്പാട് ഒന്ന്, രണ്ട് ബീച്ച്, ബേപ്പൂര്‍ ബീച്ച്, സരോവരം ബയോ പാര്‍ക്ക്, തുഷാരഗിരി, പെരുവണ്ണാമുഴി, വയലട, അരിപാറ, നമ്പികുളം, വടകര സാന്‍ഡ്ബാങ്ക്‌സ് ബീച്ച് എന്നീ വിനോദകേന്ദ്രങ്ങളാണ് അടച്ചത്. അടുത്ത നിര്‍ദ്ദേശം ലഭിക്കുന്നതുവരെ സന്ദര്‍ശകരെ അനുവദിക്കില്ല.
.

കൊവിഡ്19 ബാധയെ തുടര്‍ന്ന് ദില്ലിയിലെ സുപ്രീംകോടതിയില്‍ നിയന്ത്രണങ്ങള്‍. അത്യാവശ്യ കേസുകൾ മാത്രമെ ഇനി പരിഗണിക്കുവെന്ന് സുപ്രീംകോടതി. സുപ്രീംകോടതിയിലെ എല്ലാ കോടതികളും പ്രവർത്തിക്കില്ല. ആൾക്കൂട്ടങ്ങൾ ഒഴിവാക്കണമെന്ന മുന്നറിയിപ്പിനെ തുടർന്നാണ് തീരുമാനം. കോടതികളിൽ അഭിഭാഷകർക്കും നിയന്ത്രണം. കേസ് വാദിക്കുന്ന അഭിഭാഷകന് മാത്രമെ കോടതിയിൽ പ്രവേശിക്കാനാകൂ.

രാജ്യത്തു കോവിഡ് ബാധിതരുടെ എണ്ണം 81 ആയി.64ഇന്ത്യക്കാർ  17 വിദേശികൾ. ദില്ലി സഫ്ദർജങ് ആശുപത്രിയിൽ ചികിത്സയിൽ കഴിഞ്ഞിരുന്ന 7 പേർക്ക് രോഗം ഭേദമായി.  രാജ്യത്തേക്കുള്ള 18 ചെക്ക് പോസ്റ്റുകൾ നാളെ അടയ്ക്കും. 

Read More: 

കെഎസ്ഡിപി ഒരാഴ്ചക്കുള്ളിൽ ഒരു ലക്ഷം ബോട്ടിൽ ഹാൻഡ് സാനിറ്റെസർ തയ്യാറാക്കി മെഡിക്കൽ സർവ്വീസ് കോർപ്പറേഷന് നൽകും
500 എംഎൽ ബോട്ടിലിന് 125 രൂപ. വിപണിയിലെ ക്ഷാമത്തിന് പരിഹാരമാകുമെന്ന് വ്യവസായ മന്ത്രി ഇ.പി ജയരാജൻ

തിരുവനന്തപുരത്ത് ആംബുലന്‍സുകളുടെ എണ്ണം കൂട്ടി. സർക്കാർ ആംബുലന്‍സുകളുടെ എണ്ണം 15 ആക്കി. എയർപോർട്ടിൽ  രണ്ട് 108 ആംബുലൻസുകൾ. കോവിഡ് സംശയിക്കുന്നവരെയും രോഗികളെയും കൊണ്ടു പോകാനാണ് അംബുലന്‍സുകള്‍

കൊറോണ ഭീഷണി വ്യാവസായിക മേഖലക്ക് തിരിച്ചടിയാകും ഉത്പാദനമേഖലയിൽ തകർച്ചയുണ്ടാകും ഇതിനെ എത്രയും വേഗം മറികടക്കാനാകും എന്നാണ് പ്രതിക്ഷ മന്ത്രി ഇ.പി.ഇ യരാജൻ

ബെംഗളൂരുവിലെ ഐടി ജീവനക്കാർ വീട്ടിലിരുന്ന് ജോലി ചെയ്യണമെന്ന നിർദ്ദേശവുമായി കർണ്ണാടക സർക്കാർ. കമ്പനികൾക്ക് സർക്കാർ നിർദ്ദേശം നൽകി. റസ്റ്റോറന്‍റുകൾ തുറക്കരുതെന്നും നിർദ്ദേശമുണ്ട്. സംസ്ഥാനത്തെ എല്ലാ സർവകലാശാലകളും അടച്ചിരിക്കുകയാണ്. 

കരസേന എല്ലാ റിക്രൂട്ട്മെന്‍റ് റാലികളും ഒരുമാസത്തേക്ക് മാറ്റി. അത്യാവശ്യ യാത്രകൾ മാത്രം നടത്താനും വീഡിയോ കോൺഫ്രൻസ് സൗകര്യം പ്രയോജനപ്പെടുത്താനും ഉദ്യോഗസ്ഥർക്ക്  നിർദ്ദേശം നൽകിയതായി കരസേന അറിയിച്ചു. 

തിരുവനന്തപുരം: കൊവിഡ് 19 ന്‍റെ പശ്ചാത്തലത്തിൽ സഭ സമ്മേളനം വെട്ടിച്ചുരുക്കി നിയമസഭ അനിശ്ചിതകാലത്തേക്ക് പിരിഞ്ഞു. പ്രതിപക്ഷത്തിന്‍റെ എതിർപ്പ് അവഗണിച്ചായിരുന്നു സര്‍ക്കാര്‍ തീരുമാനം. 

Read More: കൊവിഡ് പ്രതിരോധം: 24 വകുപ്പുകളുടെ ധനാഭ്യർത്ഥനകൾ ഒറ്റയടിക്ക് പാസാക്കി നിയമസഭ പിരിഞ്ഞു

കോവിഡ് 19 പരക്കുന്ന പശ്ചാത്തലത്തിൽ ബിഹാറിലും മധ്യപ്രദേശിലും വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചു. ഈ മാസം 31 വരെയാണ് അവധി പ്രഖ്യാപിച്ചിരിക്കുന്നത്. ബിഹാറിൽ സിനിമാ തിയ്യേറ്ററുകളും അടച്ചിടും. 

നാഗ്പൂരിൽ രണ്ട് പേർക്ക് കൂടി കൊവിഡ് 19 ബാധ സ്ഥിരീകരിച്ചു. ഇതോടെ മഹാരാഷ്ട്രയിൽ കൊവിഡ് ബാധിതരുടെ എണ്ണം 16 ആയി.

കൊവിഡ് രൂക്ഷമായ രാജ്യങ്ങളിലേക്കുള്ള സർവീസുകൾ എയർ ഇന്ത്യ നിർത്തി. സ്‌പെയിൻ, ഇറ്റലി, ഫ്രാൻസ്, ജർമനി, ദക്ഷിണ കൊറിയ എന്നീ രാജ്യങ്ങളിലേക്കുള്ള സർവീസുകളാണ് നിർത്തിയത്  ഏപ്രിൽ 30 വരെയാണ് നിലവിൽ സർവ്വീസുകൾ നിർത്തി വച്ചിരിക്കുന്നത്. 

രാജ്യത്ത് ഒരാൾക്ക് കൂടി കൊവിഡ് 19 സ്ഥിരീകരിച്ചു. ഹരിയാന മനേസർ ക്യാമ്പിൽ കൂടുത നിരീക്ഷണത്തിലാക്കിയ ഒരാൾക്കാണ് കൊവിഡ് സ്ഥിരീകരിച്ചത്. 
 

ബെംഗളൂരു: കർണാടകത്തിൽ മാർച്ച്‌ 20 വരെ കടുത്ത നിയന്ത്രണങ്ങൾ. തിയറ്ററുകൾ, മാളുകൾ, ഓഡിറ്റോറിയം എന്നിവ അടച്ചിടും. വിവാഹങ്ങളും പൊതുപരിപാടികളും മാറ്റിവയ്ക്കണമെന്ന് മുഖ്യമന്ത്രി യെദിയൂരപ്പ നിർദ്ദേശിച്ചു. കായിക മത്സരങ്ങളും നടത്തില്ല, 

കൊവിഡ് 19 രാജ്യത്ത് വ്യാപിക്കുന്ന സാഹചര്യത്തിൽ ഐപിഎൽ മത്സരങ്ങൾ മാറ്റി. മാർച്ച് 29ൽ നിന്ന് ഏപ്രിൽ 15ലേക്കാണ് ഐപിഎൽ മാറ്റിയത്. ബിസിസിഐയെ ഇക്കാര്യം അറിയിച്ചതായി ഫ്രാഞ്ചൈസികൾ വ്യക്തമാക്കി. ബിസിസിഐയുടെ ഔദ്യോഗിക സ്ഥരീകരിണം ഉടൻ ഉണ്ടാകുമെന്നാണ് പ്രതീക്ഷ. ദില്ലിയ്ക്ക് പകരം വേദി കണ്ടെത്താനുള്ള ശ്രമത്തിലാണെന്ന് ബിസിസിഐ വൃത്തങ്ങൾ പറയുന്നു. 

Read more at: കൊവിഡ് 19 ഐപിഎല്ലിനെയും വിഴുങ്ങി; ടൂര്‍ണമെന്‍റ് മാറ്റിവച്ചു; തിയതിയും വിശദാംശങ്ങളും പുറത്ത് ...

 

കൊവിഡ് 19 രോഗം വ്യാപിക്കുന്ന പശ്ചാത്തലത്തിൽ വോട്ടർ പട്ടികയിൽ പേരു ചേർക്കുന്നതിൽ ഇളവ്. പേരു ചേർക്കാൻ വോട്ടർ നേരിട്ടു ഹാജരാകേണ്ട. നേരിട്ട് ഹാജരാകണമെന്ന വ്യവസ്ഥ ഒഴിവാക്കിക്കൊണ്ട് ഉദ്യോഗസ്ഥർക്ക് തെരഞ്ഞെടുപ്പ് കമ്മിഷന്റെ നിർദേശം.

കോവിഡ് 19 മുൻകരുതലിന്‍റെ ഭാഗമായി ഉത്തർ പ്രദേശിൽ എല്ലാ വിദ്യാഭ്യാസ സ്ഥാപനങ്ങൾക്കും മാർച്ച്‌ 22 വരെ അവധി
 

കൊവിഡ് 19 പ്രതിരോധിക്കാൻ സംയുക്തനീക്കം വേണമെന്ന് മോദി. വീഡിയോ കോണ്‍ഫറൻസിലൂടെ ആലോചനയാവാം എന്ന് നിർദേശം . പാകിസ്ഥാൻ ഉൾപ്പെടെയുള്ള രാജ്യങ്ങളോടാണ് ആഹ്വാനം. മോദിയുടെ നിർദേശം പരിഗണിക്കുമെന്ന് പാക് സർക്കാർ വൃത്തങ്ങൾ . 
 

I would like to propose that the leadership of SAARC nations chalk out a strong strategy to fight Coronavirus.

We could discuss, via video conferencing, ways to keep our citizens healthy.

Together, we can set an example to the world, and contribute to a healthier planet.

— Narendra Modi (@narendramodi) March 13, 2020

എറണാകുളം ജില്ലയിൽ കൂടുതൽ ഐസൊലേഷൻ വാർഡുകൾ തുറക്കാൻ കളക്ടർ എസ് സുഹാസ് നിർദ്ദേശം നൽകി. തൃപ്പൂണിത്തുറ ആയുർവേദ കോളേജിലെ പേ വാർഡ് ഒഴിപ്പിക്കും. ഇവിടുത്തെ 80 മുറികൾ ഐസൊലേഷൻ വാർഡ് ആക്കും. കളമശേരി മെഡിക്കൽ കോളേജിലെ ഐസൊലേഷൻ വാർഡിൽ ICU സൗകര്യം വർദ്ധിപ്പിക്കുമെന്നും കളക്ടർ. കോവിഡ് ബാധിത രാജ്യങ്ങളിൽ നിന്ന് കൂടുതൽ ആളുകൾ എത്തുമെന്ന വിലയിരുത്തലിനെ തുടർന്നാണിത്.
 

കോട്ടയം: കൊവിഡ് ബാധിതരെ പരിചരിച്ച നഴ്സുമാരെ വാടകവീട്ടില്‍ നിന്ന് ഇറക്കി വിട്ടു. കോട്ടയത്താണ് സംഭവം. കോട്ടയം മെഡിക്കല്‍ കോളേജിലെ മൂന്ന് മെയില്‍ നഴ്സുമാരെയാണ് വീട്ടില്‍ നിന്ന് പുറത്താക്കിയത്. രോഗം പടരാൻ സാധ്യതയുണ്ടെന്ന് വീട്ടുടമസ്ഥൻ പറഞ്ഞതായി നഴ്സുമാര്‍ ഏഷ്യാനെറ്റ് ന്യൂസിനോട് പറഞ്ഞു.

Read more at: കോട്ടയത്ത് കൊവിഡ് ബാധിതരെ പരിചരിച്ച നഴ്സുമാരെ വാടകവീട്ടില്‍ നിന്ന് ഇറക്കി വിട്ടു ...

 

കൊവിഡ് 19 രോഗലക്ഷണങ്ങൾ കണ്ടതിനെ തുടർന്ന് നെടുമ്പാശേരി വിമാനത്താവളത്തിലെത്തിയ 22 പേരെ കൂടുതൽ പരിശോധനകൾക്കായി ആലുവ താലൂക്ക് ആശുപത്രിയിലേക്ക് മാറ്റി. ഇതിൽ 4 പേർ ഇറ്റലിയിൽ നിന്ന് വന്നവരാണ്. 
 

കൊവിഡ് 19 വ്യാപിക്കുന്ന സാഹചര്യത്തിൽ ഒഡിഷ നിയമസഭ സമ്മേളനം നിർത്തിവച്ചു. മാർച്ച്‌ 29 വരെയാണ് നിയമസഭ നിർത്തി വച്ചത്.

ദില്ലിയിൽ ഒരാൾക്ക് കൂടി കോവിഡ് 19 സ്ഥിരീകരിച്ചു. നോയിഡയിൽ ജോലി ചെയ്യുന്ന ദില്ലി സ്വദേശിക്കാണ് രോഗബാധ സ്ഥിരീകരിച്ചിരിക്കുന്നത്.ഇയാൾ ഫ്രാൻസിലും ചൈനയിലും സന്ദർശനം നടത്തിയിരുന്നു. 

കൊവിഡ് 19 രോഗം പടരുന്ന സാഹചര്യത്തിൽ ജെഎൻയു സർവകലാശാലയിൽ ക്ലാസുകൾ ഈ മാസം 31 വരെ നിർത്തി. മറ്റു അക്കാദമിക്ക് പ്രവർത്തനങ്ങൾക്കും താൽകാലികമായി നിർത്തി വെക്കാൻ ഉത്തരവ്

കൊവിഡ് 19 ബാധയുടെ പശ്ചാത്തലത്തിൽ ദില്ലിയിൽ ഐപിഎൽ മത്സരങ്ങൾ നടത്തില്ലെന്ന് ദില്ലി ഉപമുഖ്യമന്ത്രി മനീഷ് സിസോദിയ. ദില്ലിയിൽ പൊതു പരിപാടികൾ ഒഴിവാക്കണമെന്നും, വൈറസ് ബാധ പടരുന്ന സാഹചര്യത്തിൽ മറ്റ് കായിക മത്സരങ്ങളും ഒഴിവാക്കണമെന്നും മനീഷ് സിസോദിയ അറിയിച്ചു. 
 

എറണാകുളം ജില്ലയിൽ നിന്ന് അയച്ച സാമ്പിളുകളിൽ  54 എണ്ണം കൂടി നെഗറ്റീവ്. ആലപ്പുഴ എൻഐവിയിൽ നടത്തിയ പരിശോധനയിലാണ് ഇക്കാര്യം വ്യക്തമായത്.

കൊവിഡ് ഭീതിയിൽ ഇന്നും ഓഹരി വിപണിയിൽ തകർച്ച. രാവിലെ വ്യാപാരം തുടങ്ങിയ ഉടൻ ആയിരം പോയിന്റിലേറെയാണ് വിപണി ഇടിഞ്ഞത്. സ്വർണവിലയിലും വൻ ഇടിവ്. രൂപയുടെ മൂല്യവും കുറഞ്ഞു.
 

കേന്ദ്ര സർക്കാർ തീരുമാനത്തിനെതിരെ ഇന്ത്യൻ മെഡിക്കൽ അസോസിയേഷൻ. രോഗം ബാധിച്ചവരെ ഇന്ത്യയിലേക്ക് വരാൻ അനുവദിക്കില്ലെന്ന നിലപാട് തെറ്റ്. 
 

തിരുവനന്തപുരം: ആദ്യഘട്ടത്തിൽ സ്ഥിരീകരിച്ച കൊവിഡ് ബാധ ഫലപ്രദമായി തടഞ്ഞു നിര്‍ത്തിയ ആരോഗ്യ വകുപ്പിന് രണ്ടാംഘട്ടത്തിൽ വെല്ലുവിളി ഉണ്ടാക്കിയത് ഇറ്റലിയിൽ നിന്ന് എത്തിയ മൂന്ന് പേര്‍ തന്നെയാണെന്ന് രാജു എബ്രഹാം. ഇവരെകുറ്റപ്പെടുത്താൻ പാടില്ലെന്നാണ് പ്രതിപക്ഷ നേതാവ് പറയുന്നത്. എന്നാലത് ശരിയല്ലെന്നും രാജു എബ്രഹാം വിശദീകരിച്ചു. 

Read More: രണ്ടാം ഘട്ടത്തിൽ രോഗം പടരാൻ കാരണം റാന്നി സ്വദേശികൾ; രാജു എബ്രഹാം

തിരുവനന്തപുരം: പ്രതിപക്ഷ നേതാവിന്‍റെ വിമര്‍ശനത്തില്‍ വൈകാരികമായി പ്രതികരിച്ച ആരോഗ്യമന്ത്രിയ്ക്ക് മറുപടി നല്‍കി മുനീര്‍. കൊവിഡ് 19 ല്‍ പ്രത്യേക ചര്‍ച്ച നടത്തുന്നതിനിടെയാണ് നിയമസഭയില്‍ മുനീറിന്‍റെ പ്രതികരണം. നിയമസഭയില്‍ ടീച്ചറും കുട്ടികളുമില്ല, മന്ത്രിയും എംഎല്‍എമാരുമാണെന്ന് മുനീര്‍ പറഞ്ഞു. 

Read More: ഇവിടെ ടീച്ചറും കുട്ടികളുമില്ല, മന്ത്രിയും എംഎല്‍എമാരുമാണ്, ചീപ്പായി കാണരുത്; ആരോഗ്യമന്ത്രിയോട് മുനീര്‍

ദില്ലി: കൊവിഡ് ബാധയുടെ പശ്ചാത്തലത്തിൽ വിദേശ നയതന്ത്ര പ്രതിനിധികളുടെ യോഗം വിളിച്ച് ഇന്ത്യ. പ്രതിരോധത്തിന് സ്വീകരിച്ച നടപടികൾ ഇന്ത്യ യോഗത്തിൽ വിശദീകരിക്കും. യാത്രാ നിയന്ത്രണം ഇന്ന് മുതൽ പ്രാബല്യത്തിൽ വരുന്ന സാഹചര്യത്തിലാണ് യോഗം. 
 

ചെന്നൈ: കൊവിഡ് 19 ബാധയുടെ പശ്ചാത്തലത്തിൽ മധുര മീനാക്ഷി ക്ഷേത്രത്തിൽ തീർത്ഥാടകർക്ക് നിയന്ത്രണം ഏർ‍പ്പെടുത്തി. ആഘോഷങ്ങളെല്ലാം ചടങ്ങുകൾ മാത്രമായി ചുരുക്കിയെന്ന് വ്യക്തമാക്കി ക്ഷേത്ര ഭാരവാഹികൾ സർക്കുലർ പുറപ്പെടുവിച്ചു. 
 

ദില്ലി: കൊവിഡ് 19നെ നേരിടാൻ ശക്തമായ നടപടികൾ സ്വീകരിച്ചില്ലെങ്കിൽ രാജ്യത്തിന്‍റെ സമ്പത്ത് വ്യവസ്ഥ തകരുമെന്ന് രാഹുൽ ഗാന്ധി. സർക്കാർ സ്തംഭിച്ച് നിൽക്കുകയാണെന്നു രാഹുൽ ഗാന്ധി കുറ്റപ്പെടുത്തി. 

I will keep repeating this.

The #coronavirus is a huge problem. Ignoring the problem is a non solution. The Indian economy will be destroyed if strong action is not taken. The government is in a stupor. https://t.co/SuEvqMFbQd

— Rahul Gandhi (@RahulGandhi) March 13, 2020

ബെംഗളൂരു: രാജ്യത്തെ ആദ്യ കൊവിഡ് 19 മരണം കർണ്ണാടകത്തിൽ സ്ഥിരീകരിച്ച പശ്ചാത്തലത്തിൽ മുഖ്യമന്ത്രി യെദിയൂരപ്പ അടിയന്തര യോഗം വിളിച്ചു. 

ബെംഗളൂരു: രാജ്യത്തെ ആദ്യം കൊവിഡ് മരണം നടന്ന കൽബു‍ർഗിയിലേക്കുള്ള റോ‍ഡുകൾ അടച്ചു. രോഗിയുമായി നേരിട്ട് ഇടപഴകിയ 31 പേർ നിരീക്ഷണത്തിലാണ് ഇതിൽ 5 പേർക്ക് രോഗലക്ഷണമുണ്ട്. 

ഐസൊലേഷനിൽ കഴിയാൻ തയാറായാണ് തിരുവനന്തപുരം മെഡിക്കൽ കോളേജ് ആശുപത്രിയിൽ എത്തിയതെന്ന് കൊവിഡ് ബാധ സംശയിച്ച് ഐസൊലേഷൻ വാര്‍ഡിൽ കഴിയുന്ന ആളുടെ വെളിപ്പെടുത്തൽ . വിമാനത്താവളത്തിലും മെഡിക്കൽ കോളേജ് ആശുപത്രിയിലും സ്വയം സന്നദ്ധനായാണ് വിവരം അറിയിച്ചതെന്നും ഐസൊലേഷനിൽ കഴിയുന്ന ആൾ ഏഷ്യാനെറ്റ് ന്യൂസിനോട് പറഞ്ഞു

Read More:  "ചുമ ഉണ്ടെന്ന് പറഞ്ഞിട്ടും വീട്ടിലേക്ക് പറഞ്ഞുവിട്ടു"; കൊവിഡ് ഐസൊലേഷിനിൽ കഴിയുന്ന രോഗി

പത്തനംതിട്ടയിൽ നിന്ന് പരിശോധനക്കയച്ചതിൽ നിന്ന് ഇന്ന് വന്ന 10 ഫലങ്ങൾ കൊവിഡ് 19 നെഗറ്റീവ്. 31 പേർ ഐസൊലേഷൻ വാർഡുകളിലാണ്. 2 കുട്ടികളുടെ ഫലങ്ങളും ഇന്ന് വന്നവയിൽ ഉൾപ്പെടുന്നു. 

സംസ്ഥാനത്തെ കൊവിഡ് ബാധ നിയമസഭ ചർച്ച ചെയ്യുന്നു. പ്രതിപക്ഷത്തിന്‍റെ അടിയന്തര പ്രമേയ നോട്ടീസിലാണ് ചർച്ച. 

കോട്ടയത്ത് രണ്ടാം ഘട്ടത്തിൽ നിരീക്ഷണത്തിൽ ഉണ്ടായരുന്നയാൾ മരിച്ചു. പക്ഷാഘാതമാണ് മരണ കാരണമെന്ന് ആരോഗ്യവകുപ്പ്. മൃതദേഹത്തിൽ നിന്ന് സാമ്പിളെടുത്ത് കൊവിഡ് പരിശോധനയ്ക്ക് അയയ്ക്കും. ചെങ്ങളം സ്വദേശി ശശീന്ദ്രനാണ് മരിച്ചത്. മരണാനന്തരച്ചടങ്ങുകളിൽ അത്യാവശ്യം ആളുകളേ പങ്കെടുക്കാവൂ എന്ന് നിർദേശം നൽകിയിട്ടുണ്ട്. 

കണ്ണൂർ: കൊവിഡ് 19 ബാധ ഒരു രോഗിക്ക് സ്ഥിരീകരിച്ചതിന് പിന്നാലെ കണ്ണൂരിൽ കൂടുതൽ പേർ നിരീക്ഷണത്തിൽ. 19 പേരാണ് പരിയാരം മെഡിക്കൽ കോളേജിൽ നിരീക്ഷണത്തിലുള്ളത്. ആറ് പേർ ജില്ലാ ആശുപത്രിയുലം ഒരാൾ തലശ്ശേരി താലൂക്ക് ആശുപത്രിയിലുമാണ് നിരീക്ഷണത്തിൽ തുടരുന്നത്. കണ്ണൂരിൽ ഡിഎംഒയുടെ നേതൃത്വത്തിൽ യോഗം ചേരുകയാണ്. 
 

കൊവിഡ് 19ന്‍റെ പശ്ചാത്തലത്തില്‍ കുമ്പസാരം ഒഴിവാക്കി യാക്കോബായ സഭ. കുമ്പസാരം ആവശ്യപ്പെട്ട് വിശ്വാസികള്‍ എത്തിയാല്‍ മാസ്ക് ധരിച്ച് ആളുകളുടെ നെറ്റിയില്‍ തൊടാതെ ചടങ്ങ് നടത്തണമെന്ന് നിര്‍ദ്ദേശം. ബസേലിയോസ് തോമസ് പ്രഥമൻ ബാവയാണ് സർക്കുലർ ഇറക്കിയത്

കോവിഡ് പശ്ചാത്തലത്തിൽ പാർലമെൻറ് സമ്മേളനം വെട്ടിച്ചുരുക്കാൻ ആലോചന. അടുത്തയാഴ്ച സമ്മേളനം അവസാനിപ്പിക്കാനാണ് ആലോചന
 

തിരുവല്ലയിലെ സ്വകാര്യ മെഡിക്കൽ കോളേജിൽ മരിച്ച ചെങ്ങന്നൂർ സ്വദേശിക്ക് കോവിഡ് 19 ഇല്ലെന്ന് സ്ഥിരീകരണം. നിലവിലെ സാഹചര്യത്തിൽ സാംപിൾ വീണ്ടും പരിശോധനക്ക് അയക്കും. എങ്കിലും മുൻകരുതൽ നടപടികളുടെ ഭാഗമായി ഇയാളുടെ സംസ്കാരം കോവിഡ് 19 പ്രോട്ടോകോൾ അനുസരിച്ചായിരിക്കും.

തിരുവല്ലയില്‍ മരിച്ചയാള്‍ക്ക് കൊവിഡ് അല്ലെന്ന് സ്ഥിരീകരണം: കോട്ടയത്ത് മരിച്ചയാളുടെ മരണകാരണം പരിശോധിക്കും.

 

ദില്ലി: ദില്ലി ചാവ്ലയിലെ കേന്ദ്രത്തിൽ ക്വാറന്‍റൈൻ കാലാവധി പൂർത്തിയാക്കിയ 112 പേർക്ക് രോഗം ഇല്ലെന്ന് പരിശോധന ഫലം. വുഹാനിൽ നിന്ന് എത്തിച്ചവരെയാണ് ചാവ്ല കേന്ദ്രത്തിൽ പാർപ്പിച്ചിരുന്നത്. രോഗം ഇല്ലെന്നു സ്ഥിരീകരിച്ചതോടെ ഇവരെ ഇന്ന് മുതൽ വീടുകളിലേക്ക് അയച്ച് തുടങ്ങും. 

തിരുവനന്തപുരത്ത് കൊറോണയുണ്ടെന്ന് സംശയിക്കുന്ന യുവാവ് സഞ്ചരിച്ച ഓട്ടോ കണ്ടെത്തി. മെഡിക്കൽ കോളജിലെ പ്രാഥമിക പരിശോധനയ്ക്ക് ശേഷം ഓട്ടോയിലാണ് യുവാവ് വീട്ടിലേക്ക് പോയത്. ഐസൊലേഷനിൽ കഴിയുന്ന രോ​ഗിയുടെ അന്തിമ പരിശോധനാ ഫലം ഇന്ന് കിട്ടും, ഇയാളുടെ ആദ്യ പരിശോധനാ ഫലം പോസിറ്റീവായിരുന്നു. 

പത്തനംതിട്ട: ശബരിമലയിൽ മീനമാസ പൂജയ്ക്കായി എത്തുന്ന അയ്യപ്പഭക്തരെ നിലയ്ക്കലിൽ നിയന്ത്രിക്കും. നിലവിലെ സാഹചര്യം ബോധ്യപ്പെടുത്തിയ ശേഷവും ദർശനം നടത്തണമെന്ന് ശാഠ്യം പിടിക്കുന്നവരെ തടയില്ലെന്നാണ് അറിയിപ്പ്. 

തിരുവനന്തപുരം: തിരുവനന്തപുരത്ത് കൊവിഡ് സംശയത്തെ തുടർന്ന് ഐസോലേഷനിൽ കഴിയുന്ന ആളുടെ അന്തിമ പരിശോധനാ ഫലം ഇന്ന് കിട്ടും. സ്ഥിതിഗതികൾ വിലയിരുത്താനും ആവശ്യമായ നടപടികൾ തീരുമാനിക്കാനും തിരുവനന്തപുരത്ത് കളക്ടറുടെ ക്യാമ്പ് ഓഫിസിൽ ചേരുന്ന
യോഗത്തിൽ ആരോഗ്യ വകുപ്പ് ഉദ്യോഗസ്ഥർ ഉൾപ്പടെ പങ്കെടുക്കും. 

ബെം​ഗളൂരൂ: ഗൂഗിൾ ബെംഗളൂരു ഓഫീസിലെ ജീവനക്കാരന് കൊവിഡ് 19 സ്ഥിരീകരിച്ചു. ജീവനക്കാരോട് വീട്ടിലിരുന്ന് ജോലി ചെയ്യാൻ ഗൂഗിൾ നിർദ്ദേശം നൽകി. വിദേശത്ത് നിന്നെത്തിയ രോഗി തിങ്കളാഴ്ച ഓഫീസിൽ ഉണ്ടായിരുന്നതായും ഗൂഗിൾ വാർത്താക്കുറിപ്പ്.

തൃശ്ശൂര്‍: കോവിഡ് 19 ബാധ സ്ഥിരീകരിച്ച തൃശ്ശൂര്‍ സ്വദേശിയായ രോഗിയുടെ ആരോഗ്യനില തൃപ്തികരം. കഴിഞ്ഞ മൂന്നു ദിവസമായി രോഗിക്ക് ചുമയും പനിയും ജലദോഷവുമില്ലെന്ന് തൃശ്ശൂര്‍ ഡിഎംഒ അറിയിച്ചു. ആശുപത്രിയിലെത്തിക്കും മുന്‍പേ രോഗി എവിടെയൊക്കെ പോയി, ആരൊക്കെയായി ഇടപഴകി തുടങ്ങിയ കാര്യങ്ങൾ കണ്ടെത്തി റൂട്ട് മാപ്പ് തയ്യാറാക്കി കൊണ്ടിരിക്കുകയാണെന്നും അധികൃതര്‍ വ്യക്തമാക്കി.

Read More: തൃശ്ശൂരിലെ കോവിഡ് രോഗിയുടെ ഏഴ് ദിവസത്തെ റൂട്ട് മാപ്പ് ഇന്ന് പ്രസിദ്ധീക്കും; നൂറോളം പേര്‍ നിരീക്ഷണത്തില്‍

ദില്ലി: ഇറാനിൽ നിന്ന് 200 ഇന്ത്യാക്കാരെ ഇന്ന് നാട്ടിലെത്തിക്കും. എല്ലാവരെയും രാജസ്ഥാനിലെ നിരീക്ഷണകേന്ദ്രത്തിലേക്ക് മാറ്റും. മുംബൈയിലായിരിക്കും ഇവരെ എത്തിക്കുക. ഇവരെ രാജസ്ഥാനിലെ ജയ്സാൽമീരിലെ കരസേന ക്യാമ്പിലായിരിക്കും ക്വാറന്റൈൻ ചെയ്യുക
ഞായറാഴ്ച 250 പേരെ കൂടി എത്തിക്കും. 12.30 നാണ് ഇന്ന് വിമാനം മുംബൈയിലെത്തുക.

കണ്ണൂർ: കൊവിഡ് പരിശോധന ഫലം വരും മുൻപേ രോഗിയെ പരിയാരം മെഡിക്കൽ കോളേജ് ആശുപത്രിയിൽ നിന്നും ഡിസ്ചാർജ് ചെയ്ത സംഭവത്തിൽ അപാകത ഉണ്ടായിട്ടില്ലെന്ന് ജില്ലാ കളക്ടർ ടിവി സുഭാഷ്. രോഗ ലക്ഷണങ്ങൾ ഇല്ലാത്തതിനാലാണ് നാലുദിവസത്തിന് ശേഷം ഡിസ്ചാർജ് ചെയ്തതെന്ന് കളക്ടർ വിശദീകരിച്ചു. ഇയാളുമായി നേരിട്ട് ഇടപഴകിയവരുടെ പട്ടിക ഇന്നുതന്നെ തയ്യാറാക്കുമെന്നും കളക്ടർ ഏഷ്യാനെറ്റ് ന്യൂസിനോട് പറഞ്ഞു.
 

രാജ്യത്തെ ആദ്യ കൊവിഡ് മരണം സ്ഥിരീകരിച്ച കർണാടകത്തിലെ കൽബുർഗിയിലെ സ്കൂളുകളും കോളേജുകളും അടച്ചു. കൊവിഡ് സംശയിച്ചിട്ടും, മൃതദേഹം മാറ്റിയത് മതിയായ സുരക്ഷാ ക്രമീകരണങ്ങൾ ഇല്ലാതെയാണെന്ന് റിപ്പോർട്ട്. മരിച്ച 76 കാരൻ രോഗലക്ഷണങ്ങളുമായി പത്തു ദിവസത്തോളമാണ് കൽബുർഗിയിലും ഹൈദരാബാദിലുമായി കഴിഞ്ഞത്. ഇയാളുമായി സമ്പർക്കത്തിലുണ്ടായിരുന്നവരെ കണ്ടെത്താൻ കര്‍ണാടകത്തിനൊപ്പം തെലങ്കാനയും ശ്രമം തുടങ്ങി. 

Read More: കോവിഡ് വൈറസില്‍ രാജ്യത്തെ ആദ്യത്തെ മരണം: ആശങ്കയോടെ കര്‍ണാടകയും തെലങ്കാനയും