Asianet News Malayalam

ഉംപുൺ രക്ഷാപ്രവർത്തനത്തിന് പോയ ഉദ്യോ​ഗസ്ഥന് കൊവിഡ്; 200ലേറെ എൻഡിആർഎഫ് ഉദ്യോ​ഗസ്ഥർ ക്വാറന്റൈനിൽ

എൻഡിആർഎഫിന്റെ ഒഡിഷയിൽ നിന്നുള്ള മൂന്നാം ബറ്റാലിയനിലെ ഉദ്യോ​ഗസ്ഥനാണ് ഇന്ന് കൊവിഡ് സ്ഥിരീകരിച്ചത്. ഇയാൾ ഇപ്പോൾ കട്ടക്കിലെ ആശുപത്രിയിൽ ചികിത്സയിലാണ്. 

covid confirmed for ndrf officer who went to bengal for amphan cyclone rescue
Author
Mumbai, First Published Jun 6, 2020, 9:35 PM IST
  • Facebook
  • Twitter
  • Whatsapp

മുംബൈ: ഉംപുൺ രക്ഷാപ്രവർത്തനങ്ങൾക്കായി പശ്ചിമബം​ഗാളിൽ പോയി തിരികെയെത്തിയ എൻഡിആർ‍എഫ് ഉദ്യോ​ഗസ്ഥന് കൊവിഡ് സ്ഥിരീകരിച്ചു. ഇതോടെ രക്ഷാപ്രവർത്തനങ്ങൾക്കായി ബം​ഗാളിലേക്ക് പോയിരുന്ന ഇരുനൂറിലേറെ എൻഡിആർഎഫ് ഉദ്യോ​ഗസ്ഥരെ ക്വാറന്റൈനിലാക്കി.

എൻഡിആർഎഫിന്റെ ഒഡിഷയിൽ നിന്നുള്ള മൂന്നാം ബറ്റാലിയനിലെ ഉദ്യോ​ഗസ്ഥനാണ് ഇന്ന് കൊവിഡ് സ്ഥിരീകരിച്ചത്. ഇയാൾ ഇപ്പോൾ കട്ടക്കിലെ ആശുപത്രിയിൽ ചികിത്സയിലാണ്. രോ​ഗലക്ഷണങ്ങൾ കണ്ടതോടെ ബറ്റാലിയനിലെ ആറ് പേർക്ക് സ്രവപരിശോധന നടത്തുകയായിരുന്നു. 

ഉംപുൺ രക്ഷാപ്രവർത്തനത്തിനായി ബം​ഗാളിലേക്ക് പോയി മടങ്ങിവന്ന പുനെയിലെ അഞ്ചാം ബറ്റാലിയനിയെ രണ്ട് ടീമുകൾ, ആരക്കോണത്തെ നാലാം ബറ്റാലിയനിലെ രണ്ട് ടീമുകൾ, ഒഡിഷയിലെ മൂന്നാം ബറ്റാലിയനിലെ രണ്ട് ടീമുകൾ എന്നിവരെല്ലാം ക്വാറന്റൈനിലാണ്. ബം​ഗാളിലെ എൻ‌‍ഡിആർഎഫ് സംഘത്തെയും നിരീക്ഷണത്തിലാക്കിയിട്ടുണ്ട്. രക്ഷാപ്രവർത്തനം കഴിഞ്ഞ് മടങ്ങിയെത്തിയവർ അവരവരുടെ ക്യാമ്പുകളിലാണ് നിരീക്ഷണത്തിൽ കഴിയുന്നത്. 

Read Also: ഉംപുൺ ചുഴലിക്കാറ്റ്; ബം​ഗാളിൽ 1,02,442 കോടിയുടെ നാശ നഷ്ടമെന്ന് കേന്ദ്ര റിപ്പോർട്ട്...

 

Follow Us:
Download App:
  • android
  • ios