രാജ്യത്ത് കൊവിഡ് കണക്ക് ഉയർന്നു തന്നെ; 24 മണിക്കൂറിനിടെ 73272 പുതിയ രോഗികൾ, 926 മരണം
രോഗമുക്തി നേടിയവർ 59,888 22 പേരാണ്. 8,83185 പേർ നിലവിൽ ചികിത്സയിലുണ്ടെന്നാണ് കണക്ക്.
ദില്ലി: രാജ്യത്ത് കൊവിഡ് ബാധിതരുടെ എണ്ണം 6979423 ആയി. 24 മണിക്കൂറിനിടെ 73272 പേർക്ക് പുതിയതായി രോഗം ബാധിച്ചെന്നാണ് ആരോഗ്യമന്ത്രാലയത്തിന്റെ കണക്ക്. 24 മണിക്കൂറിനിടെ 926 പേർ കൂടി മരിച്ചതോടെ ആകെ കൊവിഡ് മരണം 107416 ആയി.
രോഗമുക്തി നേടിയവർ 59,888 22 പേരാണ്. 8,83185 പേർ നിലവിൽ ചികിത്സയിലുണ്ടെന്നാണ് കണക്ക്.
അതേസമയം, ലോകത്തെ കൊവിഡ് ബാധിതരുടെ എണ്ണം മൂന്ന് കോടി 70 ലക്ഷവും പിന്നിട്ടു. 37,089,652 പേർക്ക് ഇതുവരെ രോഗം ബാധിച്ചെന്നാണ് വേൾഡോ മീറ്ററും ജോണ്സ്ഹോപ്കിൻസ് സർവകലാശാലയും പുറത്തു വിടുന്ന കണക്കുകൾ വ്യക്തമാക്കുന്നത്. പ്രതിദിനം 3,50,000 പേര്‍ക്കാണ് കൊവിഡ് ബാധിക്കുന്നത്. ഇത് ഇതുവരെയുള്ള റെക്കോഡ് കണക്കാണ് എന്നാണ് ലോകാരോഗ്യ സംഘടന പറയുന്നത്.
വൈറസ് ബാധയേത്തുടർന്ന് 1,072,087 പേർ മരണത്തിന് കീഴടങ്ങിയപ്പോൾ 27,878,042 പേർ രോഗമുക്തി നേടിയെന്നും കണക്കുകൾ വ്യക്തമാക്കുന്നു. അമേരിക്ക, ഇന്ത്യ, ബ്രസീൽ, റഷ്യ, കൊളംബിയ, സ്പെയിൻ, അർജന്‍റീന, പെറു, മെക്സിക്കോ, ഫ്രാൻസ് എന്നീ രാജ്യങ്ങളാണ് കൊവിഡ് ബാധിതരുടെ എണ്ണത്തിൽ ആദ്യ പത്തിലുള്ളത്. പ്രതിദിന രോഗികളുടെ വർധനവിൽ ഇന്ത്യയാണ് മുന്നിലുള്ളത്. പ്രതിദിന കോവിഡ് മരണങ്ങളുടെ കണക്കിലും ഇന്ത്യയാണ് മുന്നിൽ.
