ഇത് നാലാം തവണയാണ് തുടര്ച്ചയായി ഈ നഗരം ഇന്ത്യയിലെ ഏറ്റവും വൃത്തിയുള്ള നഗരമായി തെരഞ്ഞെടുക്കപ്പെടുന്നത്.
ദില്ലി: ഇന്ത്യയിലെ ഏറ്റവും വൃത്തിയുള്ള നഗരമായി മധ്യപ്രദേശിലെ ഇന്റോറിനെ തെരഞ്ഞെടുത്തു. കേന്ദ്രസര്ക്കാരിന്റെ ശുചിത്വ സര്വ്വെയാണ് പട്ടിക പുറത്തുവിട്ടത്. ഇത് നാലാം തവണയാണ് തുടര്ച്ചയായി ഈ നഗരം ഇന്ത്യയിലെ ഏറ്റവും വൃത്തിയുള്ള നഗരമായി തെരഞ്ഞെടുക്കപ്പെടുന്നത്. ഏറ്റവും വൃത്തി കുറഞ്ഞ നഗരം കൊല്ക്കത്തയാണ്.
10 ലക്ഷം ജനസംഖ്യയുള്ള നഗരങ്ങളുടെ പട്ടികയില് ഏപ്രില് മുതല് ജൂണ് വരെ ഭോപ്പാലായിരുന്നു രണ്ടാം സ്ഥാനത്ത്. എന്നാല് ജൂലൈ മുതല് സെപ്തംബര് വരെ ഈ സ്ഥാനം രാജ്കോട്ട് നേടിയെടുത്തു. ആദ്യഘട്ടത്തില് മൂന്നാം സ്ഥാനം സൂറത്തിനായിരുന്നു. എന്നാല് രണ്ടാം ഘട്ടത്തില് ഇത് നവി മുംബൈയ്ക്ക് ആയി. ആദ്യ ഘട്ടത്തില് വഡോദര നാലാം സ്ഥാനത്തായിരുന്നു.
