വിപണിയിലുള്ള എല്ലാ ഐഫോൺ മോഡലുകൾക്കും ആപ്പിൾ വിലവർധിപ്പിച്ചു. ഐഫോൺ 16, ഐഫോൺ 17, ഐഫോൺ 17ഇ തുടങ്ങിയ മോഡലുകൾക്കാണ് വില വർധിപ്പിച്ചത്. ഐഫോൺ 16ന് 10,000 രൂപ കൂട്ടി. ഏകദേശം 89,900 രൂപയാണ് ഐഫോൺ 16-ന്റെ പുതിയ വില.
മുംബൈ: ഐഫോൺ 18 പ്രോ സീരീസ് അവതരിപ്പിച്ചതിന് പിന്നാലെ നിലവിൽ വിപണിയിലുള്ള എല്ലാ ഐഫോൺ മോഡലുകൾക്കും ആപ്പിൾ വിലവർധിപ്പിച്ചു. ഐഫോൺ 16, ഐഫോൺ 17, ഐഫോൺ 17ഇ തുടങ്ങിയ മോഡലുകൾക്കാണ് വില വർധിപ്പിച്ചത്.
ഐഫോൺ 17ഇ മോഡലിന് 15,000 രൂപയാണ് ഇന്ത്യയിൽ വർധിപ്പിച്ചത്. ഇതോടെ ഐഫോൺ 17ഇയ്ക്ക് ഇന്ത്യയിലെ വില ഏകദേശം 79,900 രൂപയായി. ഐഫോൺ 16ന് 10,000 രൂപ കൂട്ടി. ഏകദേശം 89,900 രൂപയാണ് ഐഫോൺ 16-ന്റെ പുതിയ വില.
ഐഫോൺ 17ന് 17,000 രൂപയോളമാണ് വർധിപ്പിച്ചത്. ഇനി മുതൽ പുതിയ ഐഫോൺ 17 സ്വന്തമാക്കണമെങ്കിൽ ഇന്ത്യയിൽ ഏകദേശം 99,900 രൂപ നൽകേണ്ടിവരും. ഐഫോൺ എയർ മോഡലിന് 30,000 രൂപയാണ് വർധിപ്പിച്ചു. 1,49,900 രൂപയാണ് ഐഫോൺ എയർ മോഡലിന്റെ പുതിയ വില.
Related Articles
ബുധനാഴ്ചയാണ് ആപ്പിൾ പുതിയ ഐഫോൺ 18 പ്രോ, ഐഫോൺ 18 പ്രോ മാക്സ് ഫോണുകൾ അവതരിപ്പിച്ചത്. 256 ജിബിയുടെ ഐഫോൺ 18 പ്രോയ്ക്ക് ഏകദേശം 1,64,900 രൂപയാണ് ഇന്ത്യയിലെ വില. സമാന സ്റ്റോറേജുള്ള ഐഫോൺ 18 പ്രോ മാക്സിന് ഏകദേശം 1,79,900 രൂപയും വിലവരും. 512 ജിബി, 1ടിബി, 2ടിബി സ്റ്റോറേജുകളും ലഭ്യമാണ്. സെപ്റ്റംബർ 12 മുതൽ ഫോണുകളുടെ പ്രീ-ഓർഡർ ആരംഭിക്കും. സെപ്റ്റംബർ 18 മുതൽ ഐഫോൺ 18 പ്രോ, പ്രോ മാക്സ് ഫോണുകൾ വിപണിയിലെത്തും. ഇതിനൊപ്പം ആപ്പിളിന്റെ ആദ്യ ഫോൾഡബിൾ ഫോണായ ഐഫോൺ ഡ്യുവോയും ബുധനാഴ്ച പുറത്തിറക്കിയിരുന്നു. 256 ജിബിയുടെ ഐഫോൺ ഡ്യുവോയ്ക്ക് ഏകദേശം 2,99,900 രൂപയാണ് ഇന്ത്യയിലെ വില. 512 ജിബി മോഡലിന് 3.24 ലക്ഷം രൂപയും 1 ടിബിയ്ക്ക് 3.74 ലക്ഷം രൂപയും 2ടിബിയ്ക്ക് 4.49 ലക്ഷം രൂപയും വിലയുണ്ട്. ഒക്ടോബർ 16 മുതൽ ഐഫോൺ ഡ്യുവോയുടെ പ്രീ-ഓർഡർ ആരംഭിക്കും. ഒക്ടോബർ 23 മുതൽ ഫോൺ വിപണിയിലെത്തും.
