കൂട്ടബലാത്സംഗത്തിനിരയാക്കിയ പെൺകുട്ടിയെ കാമുകനും അമ്മയും ചേര്ന്ന് തീ കൊളുത്തി
പെണ്കുട്ടിയെ വിട്ടുനല്കണമെങ്കില് 50,000 രൂപ നല്കണമെന്ന് ഇവര് പെണ്കുട്ടിയുടെ കുടുംബാംഗങ്ങളോട് ആവശ്യപ്പെട്ടിരുന്നു. പണം നല്കിയില്ലെങ്കില് മകളെ കൊലപ്പെടുത്തുമെന്നും ഭീഷണിപ്പെടുത്തി
ദില്ലി: ത്രിപുരയിൽ കാമുകനും സുഹൃത്തുക്കളും ചേര്ന്ന് തട്ടികൊണ്ടു പോയി കൂട്ടബലാത്സംഗത്തിനിരയാക്കിയ പെൺകുട്ടിയെ തീ കൊളുത്തി കൊലപ്പെടുത്താന് ശ്രമം. ത്രിപുരയിലെ ശാന്തിർ ബസാറിലാണ് സംഭവം. ഗുരുതരമായി പൊള്ളലേറ്റ പതിനേഴുകാരി ചികിത്സയിലാണ്. കാമുകനും അമ്മയും ചേർന്നാണ് പെണ്കുട്ടിയെ തീ കൊളുത്തിയത്.
മാസങ്ങള് മുമ്പ് സമൂഹമാധ്യമത്തിലുടെയായിരുന്നു പെണ്കുട്ടിയും യുവാവും പരിചയപ്പെട്ടത്. യുവാവ് പിന്നീട് പെൺകുട്ടിയെ സ്വന്തം വീട്ടിൽ എത്തിച്ച് തടവിലാക്കി. പിന്നാലെ മാസങ്ങളോളം കാമുകനും സുഹൃത്തുക്കളും ചേർന്ന് പെണ്കുട്ടിയെ ബലാത്സംഗത്തിനിരയാക്കി. ഇതിന് പിന്നാലെയാണ് തീകൊളുത്തി കൊലപ്പെടുത്താനുള്ള ശ്രമം നടന്നത്.
പെണ്കുട്ടിയെ വിട്ടുനല്കണമെങ്കില് 50,000 രൂപ നല്കണമെന്ന് ഇവര് പെണ്കുട്ടിയുടെ കുടുംബാംഗങ്ങളോട് ആവശ്യപ്പെട്ടിരുന്നു. പണം നല്കിയില്ലെങ്കില് മകളെ കൊലപ്പെടുത്തുമെന്നും ഭീഷണിപ്പെടുത്തി. തുടര്ന്ന് ഇക്കാര്യങ്ങള് കാണിച്ച് പെണ്കുട്ടിയുടെ കുടുംബം പൊലീസില് പരാതി നല്കി. എന്നാല് പൊലീസ് വേണ്ട നടപടികള് സ്വീകരിക്കാന് തയ്യാറായില്ലെന്ന് പെണ്കുട്ടിയുടെ അമ്മ പറയുന്നു. നിലവിളി കേട്ടെത്തിയ അയല്വാസികളാണ് പെണ്കുട്ടിയെ ആശുപത്രിയില് എത്തിച്ചത്. സംഭവത്തില് ഒഡീഷ പൊലീസിനെതിരെ പ്രതിഷേധം ശക്തമാകുകയാണ്.