ജമ്മു കശ്മീരിൽ വീണ്ടും ഏറ്റുമുട്ടൽ; ഒരു ഭീകരനെ സുരക്ഷാ സേന വധിച്ചു
തെരച്ചിൽ നടത്തിയ സുരക്ഷാ സേനയ്ക്ക് നേരെ ഭീകരർ വെടി ഉതിർക്കുകയായിരുന്നു. സേനയുടെ ശക്തമായ തിരിച്ചടിയിലാണ് ഒരു ഭീകരൻ കൊല്ലപ്പെട്ടത്
ശ്രീനഗർ: ജമ്മു കശ്മീരിലെ അനന്ത്നാഗിൽ ഭീകരരുമായുള്ള ഏറ്റുമുട്ടലിൽ ഒരു ഭീകരനെ സുരക്ഷാസേന വധിച്ചു. പ്രദേശത്ത് തെരച്ചിൽ നടത്തിയ സുരക്ഷാ സേനയ്ക്ക് നേരെ ഭീകരർ വെടി ഉതിർക്കുകയായിരുന്നു. സേനയുടെ ശക്തമായ തിരിച്ചടിയിലാണ് ഒരു ഭീകരൻ കൊല്ലപ്പെട്ടത്. ഏറ്റുമുട്ടൽ തുടരുകയാണ്.
#UPDATE: One terrorist has been neutralised in the exchange of fire between terrorists and security forces in Verinag, Anantnag district. Search operation is underway. https://t.co/tMKrvahWCL
— ANI (@ANI) June 8, 2019
പുൽവാമയിൽ കഴിഞ്ഞ ദിവസം ഉണ്ടായ ഏറ്റുമുട്ടലിൽ നാല് ഭീകരരെ സൈന്യം വധിച്ചിരുന്നു. ലസിപ്പൊര മേഖലയിൽ നിന്ന് കാണാതായ രണ്ട് സ്പെഷ്യൽ പൊലീസ് ഉദ്യോഗസ്ഥരും കൊല്ലപ്പെട്ടവരിൽ ഉൾപ്പെടുന്നു. ഭീകരരിൽ നിന്ന് എ കെ സീരിസിൽപ്പെട്ട മൂന്ന് തോക്കുകളും കണ്ടെടുത്തിരുന്നു. കഴിഞ്ഞ ദിവസം അനന്ത്നാഗിൽ ഭീകരരുടെ ആക്രമണത്തിൽ ഒരു സൈനികനും കൊല്ലപ്പെട്ടിരുന്നു. ടെറിട്ടോറിയൽ ആർമി ജവാൻ മൻസൂർ അഹമ്മദ് ആണ് കൊല്ലപ്പെട്ടത്.
