ജമ്മുകശ്മീരില് വെടിനിര്ത്തല് കരാര് ലംഘിച്ച് പാകിസ്ഥാന്: അതിര്ത്തിയില് വെടിവെപ്പ് തുടരുന്നു
പൂഞ്ച് ജില്ലയിലെ മേന്ദാര് മേഖലയില് പാകിസ്താന് വെടിനിര്ത്തല് കരാര് ലംഘിച്ചു. ഇന്ത്യന് സേന തിരിച്ചടിക്കുന്നത് തുടരുകയാണ്.
ശ്രീനഗര്: ജമ്മുകശ്മീരിലെ പൂഞ്ച് ജില്ലയിലെ മേന്ദാര് മേഖലയില് പാകിസ്താന് വെടിനിര്ത്തല് കരാര് ലംഘിച്ചു. ഇന്ത്യന് സേന തിരിച്ചടിക്കുന്നത് തുടരുകയാണ്. അതിനിടെ വെടിവെയ്പ് തുടരുന്ന രജൗരി ജില്ലയിലെ മഞ്ചക്കോട്ട് മേഖലയിലെ സ്കൂളുകള്ക്ക് അവധി പ്രഖ്യാപിച്ചു.
അതിര്ത്തിയില് പാക് സേന വെടിനിര്ത്തല് കരാര് ലംഘിച്ചതിനെത്തുടര്ന്ന് വെടിവെയ്പ് തുടരുന്നതിനാലാണ് അവധി പ്രഖ്യാപിച്ചതെന്ന് ജില്ലാ ഭരണകൂടം അറിയിച്ചു. കുട്ടികളുടെ സുരക്ഷയെക്കരുതിയാണ് ഈ മേഖലയിലെ സ്കൂളുകള്ക്ക് അവധി നല്കിയത്.