താനടക്കമുള്ള രാഷ്ട്രീയ നേതാക്കളുടെ ഫോണുകള് ചാര സോഫറ്റ് വെയറായ പെഗാസെസ് ഉപയോഗിച്ച് സര്ക്കാര് ചോര്ത്തിയെന്ന് കേംബ്രിഡ്ജ് സര്വകലാശാലയിലെ പ്രഭാഷണ പരമ്പരയിലാണ് രാഹുല് ഗാന്ധി ആദ്യം പ്രസംഗിച്ചത്.
ദില്ലി: രാഹുൽ ഗാന്ധി സഭയിലെത്തി മാപ്പ് പറയണമെന്ന് സർക്കാർ. ലണ്ടനിലെ പ്രസ്താവന ചൂണ്ടിക്കാട്ടിയാണ് വീണ്ടും നോട്ടീസ്. പ്രധാനമന്ത്രി മന്ത്രിമാരുമായി വിഷയം ചർച്ച ചെയ്തു. രാഹുൽ ഗാന്ധി സഭയിൽ മാപ്പ് പറയണമെന്ന് ബിജെപി ആവശ്യപ്പെട്ടിരുന്നു. പ്രധാനമന്ത്രിയെയും രാജ്യത്തെയും രാഹുൽ അപമാനിച്ചു. രാഹുലിനെതിരെ നടപടി വേണമെന്ന് രാജ് നാഥ് സിംഗും ആവശ്യപ്പെട്ടിരുന്നു. കോൺഗ്രസും രാഹുലും രാജ്യത്തോട് മാപ്പ് പറയണം. രാഹുൽ ഗാന്ധിക്കെതിരെ രാജ്യദ്രോഹക്കുറ്റം ചുമത്തണമെന്നും കേന്ദ്രമന്ത്രി ഗിരിരാജ് സിംഗ് പറഞ്ഞു.
ഫാസിസ്റ്റ് സംഘടനയായ ആര്എസ്എസ് ഭരണഘടന സ്ഥാപനങ്ങള് പിടിച്ചെടുത്തതോടെ ഇന്ത്യയില് തെരഞ്ഞെടുപ്പ് മത്സരത്തിന്റെ സ്വഭാവം അട്ടിമറിക്കപ്പെട്ടെന്നടക്കം ബ്രിട്ടണില് നടത്തിയ പ്രഭാഷണ പരമ്പരകളില് രാഹുല് ഗാന്ധി തുറന്നടിച്ചിരുന്നു. താനടക്കമുള്ള രാഷ്ട്രീയ നേതാക്കളുടെ ഫോണുകള് ചാര സോഫറ്റ് വെയറായ പെഗാസെസ് ഉപയോഗിച്ച് സര്ക്കാര് ചോര്ത്തിയെന്ന് കേംബ്രിഡ്ജ് സര്വകലാശാലയിലെ പ്രഭാഷണ പരമ്പരയിലാണ് രാഹുല് ഗാന്ധി ആദ്യം പ്രസംഗിച്ചത്.
ഇന്ത്യയില് ജനാധിപത്യം അടിച്ചമര്ത്തപ്പെടുകയാണെന്ന് കുറ്റപ്പെടുത്തിയ രാഹുല്, പ്രതിപക്ഷ നേതാക്കള്ക്ക് ഫോണിലൂടെ പോലും സംസാരിക്കാനാവാത്ത സാഹചര്യമാണ് ഇന്ത്യയിലെന്നും അഭിപ്രായപ്പെട്ടിരുന്നു. ചാരസോഫ്റ് വെയറായ പെഗാസെസ് ഉപയോഗിച്ച് ഫോണ് സംഭാഷണം റെക്കോര്ഡ് ചെയ്യുന്നുണ്ടെന്നും കരുതലോടെ സംസാരിക്കണമെന്നും ഇന്റലിജന്സ് ഉദ്യോഗസ്ഥര് തനിക്ക് മുന്നറിയിപ്പ് നല്കിയിട്ടുണ്ടെന്നും രാഹുല് ലണ്ടനിൽ വച്ച് വെളിപ്പെടുത്തി.
