ട്രെയിനിലെ പാൻട്രീകാറിൽ ഭക്ഷണം തിന്ന് എലികൾ, യാത്രക്കാരന്‍ പകര്‍ത്തിയ ദൃശ്യങ്ങൾ വൈറല്‍, സ്ഥിരീകരിച്ച് റെയിൽവേ
ട്രെയിൻ നിർത്തിയിടുന്ന യാർഡ് എലികളെക്കൊണ്ട് നിറഞ്ഞെന്നും അവിടെ നിന്നാണ് ട്രെയിനിലേക്ക് കയറുന്നതെന്നും ഐആര്‍സിടിസി
മുംബൈ: ട്രെയിനിലെ പാൻട്രീകാറിൽ ഭക്ഷണം തിന്ന് എലികൾ. ലോകമാന്യതിലക് മഡ്ഗാവ് ട്രെയിനിലെ ദൃശ്യങ്ങൾ ഒരു യാത്രക്കാരനാണ് പകർത്തിയത്. മധ്യ റെയിൽവേ ദൃശ്യങ്ങൾ സ്ഥിരീകരിച്ചു. ട്രെയിനിൽ പാൻട്രീ ചുമതലയുള്ള ഐആര്‍സിടിസി ദൃശ്യങ്ങളോട് പ്രതികരിച്ചിട്ടുണ്ട്. ലോകമാന്യതിലക് സ്റ്റേഷനില്‍ ട്രെയിൻ നിർത്തിയിടുന്ന യാർഡ് എലികളെക്കൊണ്ട് നിറഞ്ഞെന്നും അവിടെ നിന്നാണ് ട്രെയിനിലേക്ക് കയറുന്നതെന്നും ഐആര്‍സിടിസി പറയുന്നു. എലികളെ കൊല്ലാനുള്ള ശ്രമങ്ങളെല്ലാം നടത്തുന്നുണ്ടെന്നാണ് മധ്യറെയിൽവേ പിആർഒ ശിവരാജ് മനസ്പുരെ പറയുന്നത്.
Last Updated Oct 19, 2023, 12:32 PM IST
