'മോദി വിമര്ശനം'; ജയറാം രമേശിനും അഭിഷേക് സിംഗ്വിക്കും പിന്തുണയുമായി ശശി തരൂര്
മോദിക്കെതിരെയുള്ള വിമര്ശനത്തെക്കുറിച്ച് ജയറാം രമേശാണ് ആദ്യം രംഗത്തെത്തിയത്. പിന്തുണയുമായി അഭിഷേക് സിംഗ്വിയും രംഗത്തെത്തി.
ദില്ലി: പ്രധാനമന്ത്രി നരേന്ദ്ര മോദിയെ എപ്പോഴും ദുഷ്ടനായി ചിത്രീകരിക്കുന്ന ശൈലി ഗുണം ചെയ്യില്ലെന്ന മുതിര്ന്ന കോണ്ഗ്രസ് നേതാക്കളായ ജയറാം രമേശും മനു അഭിഷേക് സിഗ്വിയുടെയും അഭിപ്രായത്തെ പിന്താങ്ങി തിരുവനന്തപുരം എംപി ശശി തരൂരും. കഴിഞ്ഞ ആറ് വര്ഷമായി ഞാന് ഇക്കാര്യം പറയുകയാണ്. മോദി പറയുന്നതും ചെയ്യുന്നതും നല്ല കാര്യമായാല് അഭിനന്ദിക്കപ്പെടണം. എങ്കില് മാത്രമേ മോദിക്കെതിരെയുള്ള നമ്മുടെ വിമര്ശനത്തിന് വിശ്വാസ്യതയുണ്ടാകൂവെന്നും തരൂര് ട്വിറ്ററില് കുറിച്ചു.
. As you know, I have argued for six years now that @narendramodi should be praised whenever he says or does the right thing, which would add credibility to our criticisms whenever he errs. I welcome others in Oppn coming around to a view for which i was excoriated at the time!
— Shashi Tharoor (@ShashiTharoor) August 23, 2019
മോദിക്കെതിരെയുള്ള വിമര്ശനത്തെക്കുറിച്ച് ജയറാം രമേശാണ് ആദ്യം രംഗത്തെത്തിയത്. പിന്തുണയുമായി അഭിഷേക് സിംഗ്വിയും രംഗത്തെത്തി. ദാരിദ്ര്യരേഖക്ക് താഴെയുള്ളവര്ക്ക് ഗ്യാസ് കണക്ഷന് നല്കുന്ന ഉജ്വല യോജന പദ്ധതി മികച്ചതായിരുന്നുവെന്നും ഇരു നേതാക്കളും അഭിപ്രായപ്പെട്ടു.
മോദിയുടെ ഭരണം പൂര്ണമായി തെറ്റല്ല. ഭരണ നേട്ടങ്ങളെ അംഗീകരിക്കാത്തതും കുറ്റപ്പെടുത്തുന്നതും ആര്ക്കും ഗുണം ചെയ്യില്ല. ജനത്തെ ചേര്ത്തുനിര്ത്തുന്ന ഭാഷയിലാണ് മോദി സംസാരിക്കുന്നത്.
Always said demonising #Modi wrong. No only is he #PM of nation, a one way opposition actually helps him. Acts are always good, bad & indifferent—they must be judged issue wise and nt person wise. Certainly, #ujjawala scheme is only one amongst other good deeds. #Jairamramesh
— Abhishek Singhvi (@DrAMSinghvi) August 23, 2019
മോദി ഭരണത്തില് എല്ലാം തകര്ന്നുവെന്ന് പറയുന്നത് ശരിയല്ലെന്നും ജയറാം രമേശ് പുസ്തക പ്രകാശന ചടങ്ങില് പറഞ്ഞു.
ഉജ്വല യോജന പദ്ധതിയെ കുറേപ്പേര് കളിയാക്കിയെങ്കിലും സ്ത്രീകളുടെ വോട്ട് മോദിക്ക് ലഭിച്ചു. കഴിഞ്ഞ അഞ്ച് വര്ഷത്തെ മികച്ച പ്രകടനമാണ് രണ്ടാമതും ഭരണത്തിലേറാന് മോദിയെ സഹായിച്ചതെന്നും ജയറാം രമേശ് വ്യക്തമാക്കിയിരുന്നു.