Asianet News MalayalamAsianet News Malayalam

കൊവിഡിൽ മോദിയുടെ ശുഭാപ്തിവിശ്വാസം നഷ്ടപ്പെട്ടു; അപ്രായോ​ഗിക ലോക്ക്ഡൗൺ സമ്പദ് വ്യവസ്ഥ തകർത്തെന്നും സോണിയ

ലോക്ക്ഡൗൺ മൂലം വിവിധ സ്ഥലങ്ങളിൽ കുടുങ്ങിപ്പോയ കുടിയേറ്റ തൊഴിലാളികളെ കേന്ദ്രസർക്കാർ തിരിഞ്ഞുനോക്കിയില്ലെന്ന് സോണിയ കുറ്റപ്പെടുത്തി. പ്രധാനമന്ത്രിയുടെ 20 ലക്ഷം കോടി സാമ്പത്തിക പാക്കേജ് പ്രഖ്യാപനം ക്രൂരമായ തമാശയാണ്.

sonia gandhi against pm modi on covid lockdown
Author
Delhi, First Published May 22, 2020, 5:26 PM IST

ദില്ലി: കൊവിഡ് പ്രതിരോധ പോരാട്ടത്തിൽ പ്രധാനമന്ത്രി നരേന്ദ്രമോദിയുടെ ശുഭാപ്തിവിശ്വാസം നഷ്ടപ്പെട്ടെന്ന് കോൺ​ഗ്രസ് അധ്യക്ഷ സോണിയാ​ഗാന്ധി അഭിപ്രായപ്പെട്ടു. അപ്രായോ​ഗിക ലോക്ക്ഡൗൺ ഇന്ത്യൻ സമ്പദ്വ്യവസ്ഥയെ തകർത്തെന്നും അവർ ആരോപിച്ചു.

ലോക്ക്ഡൗൺ മൂലം വിവിധ സ്ഥലങ്ങളിൽ കുടുങ്ങിപ്പോയ കുടിയേറ്റ തൊഴിലാളികളെ കേന്ദ്രസർക്കാർ തിരിഞ്ഞുനോക്കിയില്ലെന്ന് സോണിയ കുറ്റപ്പെടുത്തി. പ്രധാനമന്ത്രിയുടെ 20 ലക്ഷം കോടി സാമ്പത്തിക പാക്കേജ് പ്രഖ്യാപനം ക്രൂരമായ തമാശയാണ്.  പൊതുമേഖല സ്ഥാപനങ്ങളുടെ  വിറ്റഴിക്കൽ , തൊഴിൽ നിയമങ്ങളുടെ പരിഷ്ക്കരണം എന്നിവ ഏകപക്ഷീയമായ തീരുമാനങ്ങളാണെന്നും സോണിയാ ​ഗാന്ധി അഭിപ്രായപ്പെട്ടു. ഉത്തർപ്രദേശിൽ നിന്ന് കുടിയേറ്റതൊഴിലാളികളെ കൊണ്ടുപോകാൻ  അയച്ച ബസുകൾക്ക് അനുമതി നൽകാത്തതിന്റെ പേരിൽ കോൺ​ഗ്രസ്-ബിജെപി പോര് രൂക്ഷമാകുന്നതിനിടെയാണ് കേന്ദ്രസർക്കാരിനെതിരെ ആഞ്ഞടിച്ച് സോണിയാ​ ​ഗാന്ധി രം​ഗത്തെത്തിയിരിക്കുന്നത്. 

അതിനിടെ, ഉംപുണിനെ ചുഴലിക്കാറ്റിനെ ദേശീയ ദുരന്തമായി പ്രഖ്യാപിക്കണമെന്ന് പ്രതിപക്ഷ പാർട്ടികൾ ഇന്ന് പ്രമേയത്തിലൂടെ ആവശ്യപ്പെട്ടിരുന്നു.ദുരന്ത ബാധിതർക്ക് അടിയന്തര സഹായധനം അനുവദിക്കണമെന്നും പ്രതിപക്ഷ കക്ഷികൾ ആവശ്യപ്പെട്ടു. 

 

Follow Us:
Download App:
  • android
  • ios