Asianet News MalayalamAsianet News Malayalam

ആശങ്ക ഉയർത്തി കൊവിഡ് വ്യാപനം: ഉത്തരാഖണ്ഡ്, കർണാടക എന്നിവിടങ്ങളിലെ മന്ത്രിമാർക്ക് കൊവിഡ്

കൊവിഡ് പോസിറ്റീവ് ആയ വ്യക്തിയുമായി സമ്പർക്കം പുലർത്തിയതിനെ തുടർന്ന് ഹോം ഐസൊലേഷനിൽ കഴിയുകയായിരുന്നു മന്ത്രി മദൻ കൗശിക്. 
 

two ministers tested covid positive
Author
Chandigarh, First Published Sep 7, 2020, 12:40 PM IST

ദില്ലി: ഉത്തരാഖണ്ഡ്, കർണാടക എന്നിവിടങ്ങളിലെ രണ്ട് മന്ത്രിമാർക്ക് കൊവിഡ്.  ഉത്തരാഖണ്ഡിലെ ന​ഗരവികസന വകുപ്പ് മന്ത്രി മദൻ കൗശികിനാണ് കൊവിഡ് സ്ഥിരീകരിച്ചത്. ഞായറാഴ്ചയാണ് മന്ത്രിയുടെ ആന്റിജൻ‌ പരിശോധനാ ഫലം പോസിറ്റീവാണെന്ന് അറിഞ്ഞതെന്ന് ഉത്തരാഖണ്ഡ് വിധാൻ സഭ സെക്രട്ടറിയേറ്റിൽ നിന്നും വ്യക്തമാക്കി. ജില്ലാ ഭരണകൂടത്തിന്റെയും ആരോ​ഗ്യ വകുപ്പ് അധികൃതരുടെയും നിർദ്ദേശത്തെ തുടർന്ന് മന്ത്രിയെ ഋഷികേശിലെ എയിംസ് ആശുപത്രിയിൽ പ്രവേശിപ്പിച്ചു. കൊവിഡ് പോസിറ്റീവ് ആയ വ്യക്തിയുമായി സമ്പർക്കം പുലർത്തിയതിനെ തുടർന്ന് ഹോം ഐസൊലേഷനിൽ കഴിയുകയായിരുന്നു മന്ത്രി മദൻ കൗശിക്. 

കർണാടകത്തിലെ തൊഴിൽ വകുപ്പ് മന്ത്രി എ ശിവറാം ഹെബ്ബാറിനും ഞായറാഴ്ചയാണ് കൊവിഡ് സ്ഥിരീകരിച്ചത്. തനിക്കും ഭാര്യയ്ക്കും കൊവിഡ് ബാധിച്ചതിനെ തുടർന്ന് വീടിനുള്ളിൽ തന്നെ ചികിത്സയിൽ കഴിയുകയാണെന്നും ലക്ഷണങ്ങളൊന്നും ഇല്ലെന്നും അദ്ദേഹം തന്നെയാണ് അറിയിച്ചത്. 'ഞാനും ഭാര്യയും കൊവിഡ് പരിശോധനയ്ക്ക് വിധേയരായതിനെ തുടർന്ന് രോ​ഗബാധ സ്ഥിരീകരിച്ചിരിക്കുകയാണ്. ഇതുവരെ കൊവിഡ് ലക്ഷണങ്ങളൊന്നും തന്നെ പ്രകടമായിട്ടില്ല. ഡോക്ടേഴ്സിന്റെ നിർദ്ദേശമനുസരിച്ച് ഹോം ക്വാറന്റൈനിൽ തന്നെ തുടരാനും വീട്ടിൽ ചികിത്സിക്കാനും തീരുമാനിച്ചു.' ഹെബ്ബാർ ട്വീറ്റ് ചെയ്തു. 

കര്‍ണാടകത്തില്‍ മുഖ്യമന്ത്രി  യെദിയൂരപ്പ, വനംവകുപ്പ് മന്ത്രി ആനന്ദ് സിം​ഗ്, ടൂറിസം മന്ത്രി സി ടി രവി, ആരോ​ഗ്യമന്ത്രി ശ്രീരാമുലു, പ്രതിപക്ഷനേതാവും മുൻമുഖ്യമന്ത്രിയുമായ സിദ്ധരാമയ്യ, കോൺ​ഗ്രസ് സംസ്ഥാന മേധാവി ഡി കെ ശിവകുമാർ എന്നിവർക്ക് കൊവിഡ് സ്ഥിരീകരിക്കുകയും പൂർണ്ണ രോ​ഗമുക്തി നേടുകയും ചെയ്തിരുന്നു. 

Follow Us:
Download App:
  • android
  • ios