തോൽവിക്ക് ശേഷം മനസു തുറന്ന് ഉദയനിധി സ്റ്റാലിൻ. ഡിഎംകെ കുടുംബങ്ങളിലെ വോട്ട് നഷ്ടമായെന്ന് ഉദയനിധി സ്റ്റാലിൻ പറഞ്ഞു. നമ്മൾ തെരുവിലൂടെ വോട്ട് ചോദിച്ച് നടന്നു. സ്വന്തം വീട്ടിലെ വോട്ട് മറന്നുപോയെന്നും ഉദയനിധി
ചെന്നൈ: നിയമസഭാ തെരഞ്ഞെടുപ്പിലെ തോൽവിക്ക് ശേഷം മനസു തുറന്ന് ഉദയനിധി സ്റ്റാലിൻ. ഡിഎംകെ കുടുംബങ്ങളിലെ വോട്ട് നഷ്ടമായെന്ന് ഉദയനിധി സ്റ്റാലിൻ പറഞ്ഞു. നമ്മൾ തെരുവിലൂടെ വോട്ട് ചോദിച്ച് നടന്നു. സ്വന്തം വീട്ടിലെ വോട്ട് മറന്നുപോയെന്നും ഉദയനിധി പറഞ്ഞു. ഡിഎംകെ അവലോകന യോഗത്തിലാണ് പരാമർശം ഉണ്ടായത്.
വികാരാധീനനായാണ് ഉദയനിധി സ്റ്റാലിൻ സംസാരിച്ചത്. മക്കളോടും ബന്ധുക്കളോടും നമ്മുടെ നേട്ടങ്ങൾ പറയാൻ മറന്നുപോയി. നമ്മുടെ വീടുകളിൽ രാഷ്ട്രീയം സംസാരിക്കണം. ഡിഎംകെയുടെ നിലപാടുകളും നേട്ടങ്ങളും മക്കൾ അറിയണം. സംഭവിച്ച പിഴവുകൾ തിരുത്തണമെന്നും ഉദയനിധി പറഞ്ഞു. യഥാർത്ഥ എതിരാളിയെ നമുക്ക് മനസിലായില്ല. മറ്റൊരാൾ ആണ് എതിരാളി എന്ന് തെറ്റിദ്ധരിച്ച് പിന്നാലെ പോയി. ജനങ്ങൾ നമുക്കൊപ്പമാണെന്ന് അമിതമായി വിശ്വസിച്ചു. ആരും ഈ ഫലം പ്രതീക്ഷിച്ചതല്ല. നമുക്ക് തെറ്റുകൾ തിരുത്തിയാൽ തിരിച്ചുവരാമെന്നും യഥാർത്ഥ എതിരാളിയെ തിരിച്ചറിഞ്ഞ് തയാറെടുക്കാമെന്നും ഉദയനിധി പറഞ്ഞു.
