യുജിസി അക്കാദമിക് കലണ്ടർ പുറത്തിറങ്ങി; ഒന്നാം വർഷ ബിരുദ ക്ലാസ്സുകൾ നവംബർ ഒന്ന് മുതൽ
ഒന്നാം വർഷ ബിരുദ ക്ലാസുകൾ നവംബർ ഒന്ന് മുതൽ തുടങ്ങണമെന്നാണ് കലണ്ടറിലുള്ളത്. നവംബർ 31 ന് അകം എല്ലാ വിധ പ്രവേശന നടപടികളും പൂർത്തിയാക്കണമെന്നാണ് നിർദ്ദേശം.
ദില്ലി: ഒന്നാം വർഷ ബിരുദക്ലാസുകൾ നവംബർ ഒന്ന് മുതൽ തുടങ്ങാൻ യുജിസി സർവകലാശാലകൾക്ക് നിർദ്ദേശം നൽകി. പുതുക്കിയ അക്കാദമിക് കലണ്ടർ പ്രകാരമാണ് യുജിസിയുടെ നിർദ്ദേശം.
ആഴ്ച്ചയിൽ ആറ് ദിവസം ക്ലാസുകൾ നടത്താനും നിർദ്ദേശമുണ്ട്. കൊവിഡ് പ്രതിസന്ധിയെ തുടർന്ന് നഷ്ടമായ അധ്യയനവർഷങ്ങൾ നികത്താനാണ് ഈ നടപടി. പ്രവേശന നടപടികൾ പൂർണ്ണമായി നവംബർ 30ന് അകം പൂർത്തിയാക്കണം. ഇതിനു ശേഷം വിദ്യാർത്ഥികൾക്ക് പ്രവേശനം നൽകാൻ പാടില്ല. അതേസമയം ക്ലാസുകൾ ഓൺലൈനായോ ഓഫ് ലൈനായോ നടത്തേണ്ടത്തെ എന്നത് സംബന്ധിച്ച് വ്യക്തത യുജിസി വരുത്തിയിട്ടില്ല.
Last Updated Sep 22, 2020, 10:03 AM IST
