അമേരിക്കയിൽ കടുവയ്ക്കും സിംഹത്തിനും കൊവിഡ്; പകർന്നത് ജീവനക്കാരിൽ നിന്ന്?
നാല് കടുവകള്ക്കും മൂന്ന് സിംഹങ്ങള്ക്കുമാണ് കൊവിഡ് ബാധിച്ചത്.
വാഷിംഗ്ടണ്: അമേരിക്കയില് കടുവകള്ക്കും സിംഹങ്ങള്ക്കും കൊവിഡ് സ്ഥിരീകരിച്ചു. രോഗം സ്ഥിരീകരിച്ചത് ന്യൂയോര്ക്കിലെ ബ്രോങ്ക്സ് മൃഗശാലയിലാണ്. നാല് കടുവകള്ക്കും മൂന്ന് സിംഹങ്ങള്ക്കുമാണ് കൊവിഡ് ബാധിച്ചത്. ജീവനക്കാരില് നിന്നും രോഗം പകര്ന്നതെന്നാണ് സൂചന. മൃഗങ്ങളുടെ ആരോഗ്യനില തൃപ്തികരമെന്ന് മൃഗശാല അധികൃതര് അറിയിച്ചു.
അതേസമയം ലോകത്ത് കൊവിഡ് ബാധിതരുടെ എണ്ണം 26 ലക്ഷം കടന്നു. മരണം 1,83,000 കവിഞ്ഞു. അമേരിക്കയില് മാത്രം 24 മണിക്കൂറിനിടെ മരിച്ചത് 2,219 പേരാണ്. ഇതോടെ ഇവിടെ ഇതുവരെ മരിച്ച ആളുകളുടെ എണ്ണം 47,000 കവിഞ്ഞു. കൊവിഡ് രോഗികൾ എട്ടരലക്ഷത്തോട് അടുക്കുകയാണ്. ബ്രിട്ടനിലും മരണസംഖ്യ ഉയരുകയാണ്. 763 പേരാണ് ഇന്നലെ മാത്രം മരിച്ചത്.
ഇറ്റലിയിൽ മരണം കാൽലക്ഷം കടന്നു. ഇറ്റലിയിൽ 437 ഉം സ്പെയിനിൽ 435 ഉം പേരാണ് 24 മണിക്കൂറിനിടെ മരിച്ചത്. ഫ്രാൻസിൽ കഴിഞ്ഞ ദിവസം 544 പേർ മരിച്ചു. കൊവിഡ് ഭീതി ഉടൻ ഒഴിയില്ലെന്ന് ലോകാരോഗ്യ സംഘടന മുന്നറിയിപ്പ് നൽകിയിട്ടുണ്ട്.