വാ​ഷിം​ഗ്ട​ൺ: മാ​ധ്യ​മ​പ്ര​വ​ർ​ത്ത​ക​രു​മാ​യുള്ള വാക് തര്‍ക്കത്തെ തുടര്‍ന്ന് വാര്‍ത്ത സമ്മേളനം നിര്‍ത്തി പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ്. സി​ബി​എ​സ് ന്യൂ​സി​ന്‍റെ വീ​ജി​യ ജി​യാം​ഗ്, സി​എ​ൻ​എ​ൻ​ന്‍റെ ക​യ്‌​ത​ലാ​ൻ കോ​ളി​ൻ​സ് എന്നീ മാധ്യമപ്രവര്‍ത്തകരുമായാണ് ട്രംപ് വാര്‍ത്ത സമ്മേളനത്തിനിടെ ഉടക്കിയത്. കൊ​റോ​ണ വൈ​റ​സ് പ​രി​ശോ​ധ​ന​ക​ൾ​ക്ക് യു​എ​സ് ഇ​ത്ര​യ​ധി​കം പ്രാ​ധാ​ന്യം ന​ൽ​കു​ന്ന​ത് എ​ന്തു​കൊ​ണ്ടെ​ന്നാ​യി​രു​ന്നു ജി​യാം​ഗി​ന്‍റെ ചോ​ദ്യം. എ​ന്തു​കൊ​ണ്ടാ​ണ് ഇ​ത് പ്രാ​ധാ​ന്യ​മ​ർ​ഹി​ക്കു​ന്ന​ത്? ദിവസേന അ​മേ​രി​ക്ക​ക്കാ​ർ​ക്ക് ജീ​വ​ൻ ന​ഷ്ട​പ്പെ​ടു​ക​യും ഇ​പ്പോ​ഴും കൂ​ടു​ത​ൽ കേ​സു​ക​ൾ എ​ല്ലാ ദി​വ​സ​വും റി​പ്പോ​ർ​ട്ട് ചെ​യ്യു​മ്പോ​ഴും പ​രി​ശോ​ധ​ന​ക​ളു​ടെ കാ​ര്യ​ത്തി​ൽ ലോ​ക​ത്തി​ലെ മ​റ്റ് രാ​ജ്യ​ങ്ങ​ളു​മാ​യി മ​ത്സ​രം എ​ന്തി​നാ​ണെ​ന്നാ​യി​രു​ന്നു ജി​യാം​ഗ് ചോ​ദി​ച്ച​ത്. 

എ​ന്നാ​ൽ ഈ ​ചോ​ദ്യം ചൈ​ന​യോ​ട് ചോ​ദി​ക്കാ​നാ​യി​രു​ന്നു ട്രം​പി​ന്‍റെ മ​റു​പ​ടി. ലോ​ക​ത്ത് എ​ല്ലാ​യി​ട​ത്തും കൊ​റോ​ണ മൂ​ലം ജീ​വ​ൻ ന​ഷ്ട​പ്പെ​ടു​ന്നു​ണ്ട്. നി​ങ്ങ​ൾ ഇ​ത് ചൈ​ന​യോ​ട് ചോ​ദി​ക്കേ​ണ്ട ചോ​ദ്യ​മാ​ണ്. എ​ന്നോ​ട് ചോ​ദി​ക്ക​രു​ത്. ചൈ​ന​യോ​ട് ചോ​ദി​ക്കു​ക- ട്രം​പ് പ്ര​തി​ക​രി​ച്ചു. എ​ന്തി​നാ​ണ് ത​ന്നോ​ട് പ്ര​ത്യേ​ക​മാ​യി ഇ​ത് പ​റ​യു​ന്ന​തെ​ന്ന് ചൈ​ന​യി​ലെ ഷി​യാ​മെ​നി​ൽ ജ​നി​ച്ച സി​ബി​എ​സ് ന്യൂ​സ് റി​പ്പോ​ർ​ട്ട​ർ ട്രം​പി​നോ​ട് തി​രി​ച്ചു ചോ​ദി​ച്ചു.

മോ​ശം ചോ​ദ്യം ചോ​ദി​ക്കു​ന്ന​വ​ർ ആ​രാ​യാ​ലും താ​ൻ ഇ​ത്ത​ര​ത്തി​ൽ പ്ര​തി​ക​രി​ക്കു​മെ​ന്ന് ട്രം​പ് മ​റു​പ​ടി​യാ​യി പ​റ​ഞ്ഞു. എ​ന്നാ​ൽ ഇ​ത് മോ​ശം ചോ​ദ്യ​മ​ല്ലെ​ന്നും എ​ന്തു​കൊ​ണ്ടാ​ണ് ടെ​സ്റ്റു​ക​ൾ​ക്ക് പ്രാ​ധാ​ന്യം ന​ൽ​കു​ന്ന​തെ​ന്നും ജി​യാം​ഗ് തി​രി​ച്ച​ടി​ച്ചു. ഉ​ട​നെ ട്രം​പ് അ​ടു​ത്ത ആ​ൾ ചോ​ദ്യം ചോ​ദി​ക്കാ​ൻ ആ​വ​ശ്യ​പ്പെ​ട്ടു. സി​എ​ൻ​എ​ൻ മാ​ധ്യ​മ​പ്ര​വ​ർ​ത്ത​ക കോ​ളി​ൻ​സ് ചോ​ദ്യം ചോ​ദി​ക്കാ​ൻ തു​ട​ങ്ങി​യ​പ്പോ​ൾ ട്രം​പ് ത​ട​ഞ്ഞു. 

ത​നി​ക്ക് ചോ​ദ്യം ചോ​ദി​ക്കാ​ൻ ക​ഴി​യി​ല്ലെ എ​ന്ന ചോ​ദ്യ​ത്തി​ന് താ​ൻ അ​വ​സ​രം ന​ൽ​കി​യി​രു​ന്നെ​ന്നും അ​ത് പ്ര​യോ​ജ​ന​പ്പെ​ടു​ത്തി​യി​ല്ലെ​ന്നു​മാ​യി ട്രം​പ്. ജി​യാം​ഗി​നു അ​വ​രു​ടെ ചോ​ദ്യം പൂ​ർ​ത്തി​യാ​ക്കാ​ൻ വേ​ണ്ടി​യാ​ണ് താ​ൻ സ​മ​യം ന​ൽ​കി​യ​തെ​ന്നു കോ​ളി​ൻ​സ് ട്രം​പി​നെ അ​റി​യി​ച്ചു. എ​ന്നാ​ൽ കോ​ളി​ൻ​സി​ന് അ​വ​സ​രം ന​ൽ​കാ​തെ ട്രം​പ് വാ​ർ​ത്താ സ​മ്മേ​ള​നം അ​വ​സാ​നി​പ്പി​ക്കു​ക​യും ചെ​യ്തു.

ഷി​യാ​മെ​നി​ൽ​നി​ന്ന് ജി​യാം​ഗി​ന് ര​ണ്ട് വ​യ​സു​ള്ള​പ്പോ​ൾ ഇ​വ​രു​ടെ മാ​താ​പി​താ​ക്ക​ൾ കു​ടും​ബ​സ​മേ​തം അ​മേ​രി​ക്ക​യി​ലേ​ക്ക് കു​ടി​യേ​റി​യ​താ​ണ്. 2015 മു​ത​ൽ ജി​യാം​ഗ് സി​ബി​എ​സ് ന്യൂ​സി​ൽ പ്ര​വ​ർ​ത്തി​ക്കു​ക​യാ​ണ്.