അസ്ഥാനത്തുള്ളത്, തെറ്റായതും അനാവശ്യവും, അമേരിക്കയോട് ഇന്ത്യ, കടുത്ത അതൃപ്തി അറിയിച്ചു; 'സിഎഎ ആഭ്യന്തരകാര്യം'
അമേരിക്കയുടെ ആശങ്കയ്ക്ക് അടിസ്ഥാനമില്ലെന്നും വിദേശകാര്യ വക്താവ് രൺധീർ ജയ്സ്വാൾ വ്യക്തമാക്കി.
ദില്ലി: പൗരത്വ നിയമ ഭേദഗതിയിൽ അമേരിക്കയുടെ പ്രതികരണത്തിനെതിരെ ഇന്ത്യ കടുത്ത അതൃപ്തി അറിയിച്ചു. പൗരത്വ നിയമഭേദഗതിയിൽ അമേരിക്കയുടെ നിലപാട് തള്ളിക്കളഞ്ഞ ഇന്ത്യ, അമേരിക്കയുടെ പ്രതികരണം അനാവശ്യമായിരുന്നെന്നും അറിയിച്ചു. അമേരിക്കയുടെ ആശങ്കയ്ക്ക് അടിസ്ഥാനമില്ലെന്നും വിദേശകാര്യ വക്താവ് രൺധീർ ജയ്സ്വാൾ വ്യക്തമാക്കി.
സി എ എയിൽ അമേരിക്കയുടെ പ്രസ്താവന അനാവശ്യവും അസ്ഥാനത്തുള്ളതും തെറ്റായതുമാണെന്ന് ഇന്ത്യ അഭിപ്രായപ്പെട്ടു. സി എ എ ഇന്ത്യയുടെ ആഭ്യന്തര വിഷയമാണെന്നും വിദേശകാര്യ മന്ത്രാലയം വ്യക്തമാക്കി. അതിൽ മറ്റ് രാജ്യങ്ങൾ അഭിപ്രായം പറയേണ്ടതില്ലെന്നും വിദേശകാര്യ മന്ത്രാലയം വിവരിച്ചു.
ലോക്‌സഭാ തെരഞ്ഞെടുപ്പ് മുന്നില്‍ നില്‍ക്കെ രാജ്യം ചിന്തിക്കുന്നതെന്ത്? സര്‍വേയില്‍ പങ്കെടുക്കാന്‍ ഇവിടെ ക്ലിക്ക് ചെയ്യാം.
ഏഷ്യാനെറ്റ് ന്യൂസ് വാർത്തകൾ തത്സമയം കാണാം
