'ഹൗഡി മോദി' Live Updates: ഡൊണാൾഡ് ട്രംപും നരേന്ദ്രമോദിയും വേദിയിൽ

അമേരിക്കൻ പ്രസിഡന്‍റ്  ഡൊണാൾഡ് ട്രംപിനൊപ്പം കൈകോർത്ത് പിടിച്ച് നടന്ന്  ജനങ്ങളെ അഭിവാദ്യം ചെയ്ത് മോദി, പ്രസംഗ് തീരുന്നത് വരെ ട്രംപ് വേദിയിലുണ്ടായിരുന്നു. 

പ്രധാനമന്ത്രിയുടെ പ്രസംഗം അവസാനിച്ചു

ജമ്മു കശ്മീരിലെ ജനങ്ങളെ 370ആം അനുച്ഛേദം വഞ്ചിക്കുകയായിരുന്നുവെന്ന് പ്രധാനമന്ത്രി നരേന്ദ്ര മോദി, ഇന്ത്യയിലെ മറ്റ് പ്രദേശങ്ങളിലെ ജനങ്ങൾക്കുള്ള അധികാരം ജമ്മുകശ്മീരിനും നൽകിയെന്ന് പ്രധാനമന്ത്രി, രാജ്യസഭയിൽ ഭൂരിപക്ഷമില്ലാതിരുന്നിട്ട് കീടി മൂന്നിൽ രണ്ട് ഭൂരിപക്ഷം ഉറപ്പിക്കാനായെന്നും പ്രധാനമന്ത്രി.

ഇന്ത്യ ഇപ്പോൾ നേടുന്ന പുരോഗതി സ്വന്തം രാജ്യം നന്നായി കൈകാര്യം ചെയ്യാൻ കഴിയാത്തവരെ ബുദ്ധിമുട്ടിക്കുന്നുവെന്ന് പ്രധാനമന്ത്രി.ഈ ആളുകളുടെ അജണ്ട ഇന്ത്യയോടുള്ള വെറുപ്പാണ്, ഇവർ ഭീകരവാദത്തെ പ്രോത്സാഹിപ്പിക്കുന്നു, ഭീകരവാദികൾക്ക് അഭയം നൽകുന്നു, ലോകത്തിന് മുഴുവൻ അറിയാം ഇവരാരാണെന്ന്: പ്രധാനമന്ത്രി. 

നാനാത്വത്തിലെ ഏകത്വമാണ് നമ്മുടെ പ്രത്യേകതയെന്ന് മോദി. നമ്മളുടെ ജനാധിപത്യത്തിന്‍റെ ശക്തിയും പ്രചോദനവും ഈ വൈവിധ്യമാണ്. ഇന്നിവിടെ എത്തിയിരിക്കുന്ന 50,000 ഇന്ത്യക്കാരും ഈ വൈവിധ്യത്തിന്റെ പ്രതീകമാണെന്നും മോദി, മലയാളമടക്കം വിവിധ ഭാഷകളിൽ ഇന്ത്യിൽ എല്ലാം നന്നായിരിക്കുന്നുവെന്നും മോദി സദസിനോട്.
 

അതിർത്തി സംരക്ഷണം ഇന്ത്യക്കും അമേരിക്കയ്ക്കും  നിർണ്ണായകമെന്ന് അമേരിക്കൻ പ്രസിഡന്‍റ് ഡൊണാൾഡ് ട്രംപ്, ജനങ്ങളുടെ സംരക്ഷണത്തിനായി ജോലി ചെയ്യുന്ന ധീരൻമാരായ അമേരിക്കൻ ഇന്ത്യൻ സൈനികരെ ആദരിക്കുന്നുവെന്നും ട്രംപ്. ഇന്ത്യയും അമേരിക്കയും സാധാരണക്കാരായ ജനങ്ങളെ തീവ്ര ഇസ്ലാമിക് ഭീകരവാദത്തിൽ നിന്ന് സംരക്ഷിക്കാൻ പ്രതിജ്ഞാബദ്ധരെന്നും ട്രംപ്

US President Donald Trump: Today we honour all of the brave American and Indian military service members who work together to safeguard our freedom. We are committed to protecting innocent civilians from the threat of radical Islamic terrorism. pic.twitter.com/VcTAJfZRzd

— ANI (@ANI) September 22, 2019

നവംമ്പറിൽ ടൈഗർ ട്രയംഫ് എന്ന പേരിൽ സംയുക്ത സൈനികാഭ്യാസം നടത്തുമെന്ന് അമേരിക്കൻ പ്രസിഡന്‍റ്

അടുത്ത മാസം മുംബൈയിൽ എത്തിയേക്കുമെന്ന് സൂചിപ്പിച്ച് ട്രംപ് . NBA ബാസ്ക്കറ്റ് ബോൾ മത്സരം കാണാനെത്താമെന്ന് പ്രതീക്ഷിക്കുന്നുവെന്ന് ട്രംപ്.

പ്രധാനമന്ത്രി നരേന്ദ്ര മോദിയെ പുകഴ്ത്തി അമേരിക്കൻ പ്രസിഡന്‍റ്.  നരേന്ദ്ര മോദി മികച്ച ജോലിയാണ് ചെയ്യുന്നതെന്നും അദ്ദേഹത്തിന്‍റെ നേതൃത്വത്തിൽ ഇന്ത്യ 300 മില്യൺ ആളുകളെ ദാരിദ്രത്തിൽ നിന്ന് ഉയർത്തിയെന്ന് ട്രംപ്. മോദിയുടെ ലോക്സഭയിലെ വിജയത്തെ അഭിനന്ദിച്ച് ട്രംപ്

അമേരിക്കൻ പ്രസിഡന്‍റ്  ‍ഡൊണാൾഡ് ട്രംപ് ഹൗഡി മോദി വേദിയിൽ സംസാരിക്കുന്നു. 

വീണ്ടും ട്രംപ് സർക്കാരുണ്ടാകട്ടെയെന്ന് ആശംസിച്ച് മോദി . ട്രംപിന്റെ നേതൃപാടവത്തോട് ആദരവെന്ന് മോദി. രണ്ട് രാജ്യങ്ങൾക്കുമിടയിലെ സൗഹൃദം പുതിയ ഉയരങ്ങളിലെത്തി .

ലോകത്തിലെ എറ്റവും പ്രസിദ്ധനായ രാഷ്ട്രീയക്കാരനാണ് ട്രംപെന്ന് പ്രധാനമന്ത്രി നരേന്ദ്രമോദി, കൈവച്ച മേഖലകളിലെല്ലാം മുദ്ര പതിപ്പിച്ച നേതാവാണ് ട്രംപ്. അദ്ദേഹത്തെ ഇവിടേക്ക് സ്വാഗതം ചെയ്യാനായതിൽ അഭിമാനവും സന്തോഷവുമുണ്ടെന്ന് പ്രധാനമന്ത്രി നരേന്ദ്ര മോദി, 

ലോകത്തിലെ എറ്റവും പ്രസിദ്ധനായ രാഷ്ട്രീയക്കാരനാണ് ട്രംപെന്ന് പ്രധാനമന്ത്രി നരേന്ദ്രമോദി, കൈവച്ച മേഖലകളിലെല്ലാം മുദ്ര പതിപ്പിച്ച നേതാവാണ് ട്രംപ്. അദ്ദേഹത്തെ ഇവിടേക്ക് സ്വാഗതം ചെയ്യാനായതിൽ സന്തോഷം. 

ഹൗഡി മോദി വേദിയിൽ പ്രധാനമന്ത്രി നരേന്ദ്രമോദിയുടെ പ്രസംഗം ആരംഭിച്ചു.

ഹൗഡി മോദി വേദിയിൽ ഇന്ത്യൻ ദേശീയ ഗാനം

ഇന്ത്യൻ പ്രധാനമന്ത്രി നരേന്ദ്ര മോദിയും അമേരിക്കൻ പ്രസിഡന്‍റ് ഡൊണാൾഡ് ട്രംപും ഒരുമിച്ച് വേദിയിൽ.

അമേരിക്കൻ പ്രസിഡന്‍റ് ഡൊണാൾഡ് ട്രംപ് എൻആർജി സ്റ്റേഡിയത്തിലെത്തി. ട്രംപിനെ വിദേശകാര്യ മന്ത്രി എസ്.ജയശങ്കർ സ്വീകരിച്ചു

അമേരിക്കൻ പ്രസിഡന്‍റ് ഡൊണാൾഡ് ട്രംപിനെ പ്രധാനമന്ത്രി നരേന്ദ്ര മോദി ഇന്ത്യയിലേക്ക് ക്ഷണിക്കും. ഡിസംബർ അവസാനമോ ജനുവരിയിലോ ട്രംപ് ഇന്ത്യ സന്ദർശനം നടത്താൻ സാധ്യത.

മേയർ സിൽവസ്റ്റർ ടെർണർ ഹ്യൂസ്റ്റൺ നഗരത്തിന്‍റെ താക്കോൽ പ്രധാനമന്ത്രി നരേന്ദ്രമോദിക്ക് പ്രതീകാത്മകമായി സമ്മാനിച്ചു.

പ്രധാനമന്ത്രി നരേന്ദ്രമോദി ഹൗഡി മോദി വേദിയിലെത്തി, ആവേശത്തോടെ വരവേറ്റ് സദസ്സ്

മികച്ച ദിവസമായിരിക്കുമെന്നും , ട്രംപുമൊത്ത് സമയം ചെലവഴിക്കുന്നതിനായി കാത്തിരിക്കുന്നുവെന്നും പ്രധാനമന്ത്രിയുടെ ട്വീറ്റ്

It surely will be a great day! Looking forward to meeting you very soon @realDonaldTrump. https://t.co/BSum4VyeFI

— Narendra Modi (@narendramodi) September 22, 2019

ഹൂസ്റ്റണിൽ സുഹൃത്തിനൊപ്പം പരിപാടിയിൽ പങ്കെടുക്കാൻ പോകുന്നുവെന്ന് ട്വീറ്റ് ചെയ്ത് അമേരിക്കൻ പ്രസിഡന്‍റ് ഡൊണാൾഡ് ട്രംപ്

Will be in Houston to be with my friend. Will be a great day in Texas! https://t.co/SqdOZfqd2b

— Donald J. Trump (@realDonaldTrump) September 22, 2019

ഹൗഡി മോദി പരിപാടിക്ക് കലാപരിപാടികളോടെ തുടക്കമായി

രാജ്യത്തിന്‍റെ വൈവിധ്യവും സാംസ്കാരികത്തനിമയും വിളിച്ചോതുന്ന കലാപ്രകടനങ്ങളാണ് ഹൗദി മോദിയിൽ അരങ്ങേറുന്നത്. വർണാഭമായ തുടക്കം. ഏഷ്യാനെറ്റ് ന്യൂസിൽ അൽപസമയത്തിനകം തത്സമയസംപ്രേഷണം. 

വെറും സ്വീകരണപരിപാടിയാകില്ല, സുപ്രധാന പ്രഖ്യാപനങ്ങളുണ്ടാകും 'ഹൗഡി മോദി'യിൽ എന്നാണ് കരുതപ്പെടുന്നത്. ആദ്യമായാണ് ഒരു അമേരിക്കൻ പ്രസിഡന്‍റ് ഇന്ത്യൻ സമൂഹം സംഘടിപ്പിക്കുന്ന സ്വീകരണപരിപാടിയിൽ പങ്കെടുക്കുന്നത്. ട്രംപിനും മോദിക്കും ഇത് രാഷ്ട്രീയനേട്ടമാണ്. ഇന്ത്യക്ക് നയതന്ത്രവിജയവും. എന്തെല്ലാമുണ്ടാകും ഹൗഡി മോദിയിൽ? വായിക്കാൻ ഇവിടെ ക്ലിക്ക് ചെയ്യുക.