ടാൻസാനിയ പ്രസിഡന്‍റ് ജോൺ മഗുഫലി അന്തരിച്ചു
രണ്ടാഴ്ചയിലേറെയായി മഗുഫുലിയെ പരസ്യവേദികളിൽ കണ്ടിരുന്നില്ല. ഇതേത്തുടർന്നു അദ്ദേഹത്തിന്‍റെ ആരോഗ്യത്തെക്കുറിച്ച് അഭ്യൂഹങ്ങൾ പരന്നിരുന്നു.
ഡോടോമ: ടാൻസാനിയ പ്രസിഡന്‍റ് ജോൺ മഗുഫലി (61) അന്തരിച്ചു. ഹൃദയസംബന്ധമായ അസുഖത്തെ തുടർന്ന് ബുധനാഴ്ച ഡാർ എസ് സലാമിലെ ആശുപത്രിയിൽ വച്ചാണ് അദ്ദേഹം മരിച്ചത്. വൈസ് പ്രസിഡന്‍റ് സമിയ സുലുഹു ഹസൻ ആണ് മരണവിവരം അറിയിച്ചത്.
രണ്ടാഴ്ചയിലേറെയായി മഗുഫുലിയെ പരസ്യവേദികളിൽ കണ്ടിരുന്നില്ല. ഇതേത്തുടർന്നു അദ്ദേഹത്തിന്‍റെ ആരോഗ്യത്തെക്കുറിച്ച് അഭ്യൂഹങ്ങൾ പരന്നിരുന്നു. മഗുഫലിക്ക് കോവിഡ് -19 ബാധിച്ചതായി പ്രതിപക്ഷ രാഷ്ട്രീയക്കാർ ആരോപിച്ചെങ്കിലും സ്ഥിരീകരിച്ചിരുന്നില്ല.രാജ്യത്ത് രണ്ടാഴ്ചത്തെ ദുഃഖാചരണം ഉണ്ടാകുമെന്നും പതാകകൾ പകുതി താഴ്ത്തിക്കെട്ടുമെന്നും വൈസ് പ്രസിഡന്‍റ് പറഞ്ഞു.
