നേരത്തെ കീവ് വിടാന് സെലന്സ്കിയെ സഹായിക്കുമെന്ന അമേരിക്കയുടെ വാഗ്ദാനം അദ്ദേഹം നിരസിച്ചതായ വാര്ത്തയും പുറത്തുവന്നിരുന്നു.
കീവ്: കീഴടങ്ങാന് നിര്ദേശിച്ചതെന്ന് വ്യാജ പ്രചാരണമാണെന്ന് യുക്രൈന് പ്രസിഡന്റ് വ്ലാദിമിര് സെലന്സ്കി(Volodymyr zelensky). യുക്രൈന് (Ukraie military) സൈന്യം ആയുധം താഴെ വെക്കില്ലെന്നും തങ്ങളുടെ രാജ്യത്തിനായി പോരാടുമെന്നും അദ്ദേഹം ഔദ്യോഗിക വസതിക്ക് മുന്നില് നിന്ന് പുറത്തുവിട്ട ഏറ്റവും പുതിയ വീഡിയോ സന്ദേശത്തില് പറയുന്നു. യുക്രൈന് സൈന്യം പരാജയം സമ്മതിച്ച് കീഴടങ്ങുമെന്ന വാര്ത്തകള് പ്രചരിക്കുന്നതിനിടെയാണ് സലെന്സ്കിയുടെ പ്രസ്താവന. നേരത്തെ കീവ് വിടാന് സെലന്സ്കിയെ സഹായിക്കുമെന്ന അമേരിക്കയുടെ വാഗ്ദാനം അദ്ദേഹം നിരസിച്ചതായ വാര്ത്തയും പുറത്തുവന്നിരുന്നു. താനും തന്റെ കുടുംബവുമാണ് റഷ്യയുടെ ലക്ഷ്യമെന്ന് സെലന്സ്കി പറഞ്ഞിരുന്നു.
യുക്രൈൻ്റെ അയൽരാജ്യങ്ങളിൽ കമാൻഡോകളെ അണിനിരത്തി നാറ്റോ
അവസാനഘട്ടം വരെ യുക്രൈനില് തുടരുമെന്നും രാജ്യം വിടില്ലെന്നും സെലന്സ്കി അറിയിച്ചു. യുക്രൈന് തലസ്ഥാനമായ കീവില് തന്നെയുണ്ടെന്ന് പ്രസിഡന്റ് സെലന്സ്കി നേരത്തെ വ്യക്തമാക്കിയിരുന്നു. പ്രസിഡന്റ് ബങ്കറിലേക്ക് മാറി എന്ന വാര്ത്ത വന്നതിന് പിന്നാലെയാണ് കീവിലെ പ്രസിഡന്റ് ഓഫീസിന് മുന്നില് നിന്നും സെലന്സ്കി സംസാരിക്കുന്ന വീഡിയോ പുറത്തുവന്നത്.
അതേസമയം, മൂന്നാംദിനത്തിലും യുക്രൈനില് വ്യോമാക്രമണത്തിന് ശക്തമാക്കിയിരിക്കുകയാണ്. കരയുദ്ധത്തില് യുക്രൈന് പ്രതിരോധം കണക്കിലെടുത്താണ് റഷ്യന് നീക്കം. ആറ് യുക്രൈന് നഗരങ്ങളില് വ്യോമാക്രമണ മുന്നറിയിപ്പ് നല്കിയിരിക്കുകയാണ്. മധ്യയുക്രൈനിലെ യുമനിലും ഒഡേസയിലും അടക്കം വ്യോമാക്രമണ സാധ്യതയുണ്ട്. അതേസമയം കരിങ്കടലില് റഷ്യന് ഡ്രോണ് വെടിവെച്ച് ഇട്ടതായി യുക്രൈന് അവകാശപ്പെട്ടു.യുക്രൈനിലെ കാര്കീവീല് സ്ഥിതി ഗുരുതരമാണെന്നാണ് പുറത്തുവരുന്ന വിവരങ്ങള്.
വ്യോമാക്രമണത്തിലൂന്നി റഷ്യന് സേന; 6 യുക്രൈന് നഗരങ്ങളില് വ്യോമാക്രമണ മുന്നറിയിപ്പ്
കാര്കീവില് സ്ഫോടന പരമ്പരങ്ങളുണ്ടായെന്നാണ് റിപ്പോര്ട്ട്. കീവിലെ വിക്ടറി അവന്യൂവില് സൈനിക യൂണിറ്റിന് നേരെ ആക്രമണമുണ്ടായി. എന്നാല് ഇത് യുക്രൈന് സൈന്യം ചെറുത്തെന്നാണ് വിവരം. ബെറസ്റ്റെീസ്കയില് റഷ്യന് വാഹനവ്യൂഹം തകര്ത്തെന്ന് യുക്രൈന് അവകാശപ്പെട്ടു. രണ്ട് ട്രക്കുകളും രണ്ട് കാറുകളും ഒരു ടാങ്കുമാണ് തകര്ത്തത്. വാസില്കീവിലെ വ്യോമത്താവളത്തില് വെടിവപ്പുണ്ടായി. ജനങ്ങള് സുരക്ഷിത കേന്ദ്രങ്ങളില് കഴിയണമെന്ന് ഭരണകൂടം നിര്ദേശം നല്കിയിട്ടുണ്ട്. ജനങ്ങള് ജനലുകള്ക്ക് സമീപമോ ബാല്ക്കണിയിലോ നില്ക്കരുതെന്നും നിര്ദ്ദേശമുണ്ട്.
പുടിന് വ്യക്തിപരമായി ഉപരോധം ഏര്പ്പെടുത്തി കാനഡ; എതിര്പ്പുമായി റഷ്യ
