ശ്വാസകോശ അർബുദ ശസ്ത്രക്രിയയ്ക്ക് വിധേയനായ പോപ്പ് ലിയോ പതിനാലാമന്റെ പുതിയ ചിത്രങ്ങൾ വത്തിക്കാൻ പുറത്തുവിട്ടു. ആശുപത്രിയിലെ താൽക്കാലിക ചാപ്പലിൽ കുർബാന അർപ്പിക്കുന്ന അദ്ദേഹത്തിന്റെ ആരോഗ്യനിലയിൽ പുരോഗതിയുണ്ട്.
ശ്വാസകോശ അർബുദ ശസ്ത്രക്രിയയ്ക്ക് വിധേയനായ പോപ്പ് ലിയോയുടെ പുതിയ ചിത്രങ്ങൾ വത്തിക്കാൻ പുറത്തുവിട്ടു
റോം: ശ്വാസകോശ അർബുദ ശസ്ത്രക്രിയയ്ക്ക് വിധേയനായ മാർപാപ്പ പോപ്പ് ലിയോ പതിനാലാമന്റെ പുതിയ ചിത്രങ്ങൾ വത്തിക്കാൻ പുറത്തുവിട്ടു. ആശുപത്രിയിലെ താൽക്കാലിക ചാപ്പലിൽ കുർബാന അർപ്പിക്കുന്ന ചിത്രങ്ങളാണ് പുറത്തുവന്നിട്ടുള്ളത്. ശസ്ത്രക്രിയയ്ക്കു ശേഷം ആരോഗ്യനിലയിൽ സ്ഥിരമായ പുരോഗതിയുണ്ടെന്ന് വത്തിക്കാൻ അറിയിച്ചു.
തന്റെയും മറ്റ് രോഗികളുടെയും പരിചരണത്തിനായി രാപ്പകലില്ലാതെ പ്രവർത്തിക്കുന്ന ആശുപത്രി ജീവനക്കാരോട് മാർപ്പാപ്പ നന്ദി അറിയിച്ചു. മാർപ്പാപ്പമാർ ചികിത്സയ്ക്കായി എത്തുമ്പോൾ താമസിക്കുന്നതിനായി ആശുപത്രിയുടെ പത്താം നിലയിൽ സജ്ജീകരിച്ചിട്ടുള്ള മുറികളിൽ വെച്ചാണ് കുർബാന നടന്നത്.
Related Articles
വെള്ളിയാഴ്ച രാവിലെ പാപ്പയുടെ രക്തപരിശോധനയും നെഞ്ചിന്റെ എക്സ്-റേയും നടത്തിയിട്ടുണ്ട്. ശ്വസന സംബന്ധമായ ഫിസിയോതെറാപ്പി സെഷനുകൾ തുടരുന്നുണ്ടെന്നും, നിലവിൽ സ്വന്തമായി സാധാരണ കാര്യങ്ങൾ ചെയ്യാൻ പാപ്പയ്ക്ക് സാധിക്കുന്നുണ്ടെന്നും ചികിത്സയിൽ കഴിയുന്ന ഡോക്ടർമാർ അറിയിച്ചു.
ചലനങ്ങളിലും ശ്വസനത്തിലും 71 കാരനായ പാപ്പ പൂർണ്ണമായും സ്വതന്ത്രനാണെന്ന് വത്തിക്കാൻ കൂട്ടിച്ചേർത്തു. എന്നാൽ അർബുദം പൂർണ്ണമായി ഭേദമായോ എന്നറിയുന്നതിനുള്ള പോസ്റ്റ്-ഓപ്പറേറ്റീവ് പരിശോധനാ ഫലങ്ങൾ ഇതുവരെ പുറത്തുവിട്ടിട്ടില്ല.
