ആലപ്പുഴ സിപിഎമ്മിൽ വീണ്ടും നടപടി: എ.ഡി ജയനെ ഏരിയാ കമ്മിറ്റിയിൽ നിന്നും പുറത്താക്കി
ഏരിയാ സെൻ്റർ അംഗം എ പി സോണയെ ഇതുമായി ബന്ധപ്പെട്ട് പാർട്ടി പുറത്താക്കിയിരുന്നു. ജയനെതിരെ സാമ്പത്തിക തട്ടിപ്പിന് പരാതികളും ലഭിച്ചിരുന്നു.
ആലപ്പുഴ: ആലപ്പുഴ സിപിഎമ്മിൽ വീണ്ടും നടപടി. ആലപ്പുഴ സൗത്ത് ഏരിയാ കമ്മിറ്റിയിൽ നിന്ന് എ.ഡി.ജയനെ പുറത്താക്കി. അശ്ലീല ദൃശ്യങ്ങൾ ഫോണിൽ സൂക്ഷിച്ച സംഭവത്തിൽ പാർട്ടി പുറത്താക്കിയ എ.പി.സോണയ്ക്കായി പരാതിക്കാരെ ഭീഷണിപ്പെടുത്തിയതിനാണ് നടപടി. ഏരിയാ സെൻ്റർ അംഗം എ പി സോണയെ ഇതുമായി ബന്ധപ്പെട്ട് പാർട്ടി പുറത്താക്കിയിരുന്നു. ജയനെതിരെ സാമ്പത്തിക തട്ടിപ്പിന് പരാതികളും ലഭിച്ചിരുന്നു. സിപിഎം ആലപ്പുഴ ജില്ലാ സെക്രട്ടറി ആര്‍. നാസറിൻ്റെ അധ്യക്ഷതയിൽ ചേര്‍ന്ന സൗത്ത് ഏരിയ കമ്മിറ്റിയിലാണ് ജയനെ പുറത്താക്കാനുള്ള നടപടി സ്വീകരിച്ചത്.
Last Updated Feb 3, 2023, 10:13 PM IST
