അട്ടപ്പാടിയില്‍ വീണ്ടും നവജാത ശിശുമരണം
മൂലക്കൊമ്പ് ഊരിലെ രംഗൻ തുളസി ദമ്പതികളുടെ ഒന്നര മാസം പ്രായമായ ആൺകുഞ്ഞാണ് മരിച്ചത്. ഇവരുടെ ആറ് മക്കളിൽ അഞ്ചാമത്തെ കുട്ടിയാണ് മരിക്കുന്നത്.
പാലക്കാട്: അട്ടപ്പാടിയിൽ വീണ്ടും നവജാത ശിശുമരണം. പുതൂർ പഞ്ചായത്തിലെ മൂലക്കൊമ്പ് ആദിവാസി ഊരിലെ തുളസി - രങ്കൻ ദമ്പതികളുടെ ഒന്നര മാസം പ്രായമായ ആൺകുഞ്ഞാണ് മരിച്ചത്. ഇവരുടെ ആറ് മക്കളിൽ അഞ്ചാമത്തെ കുട്ടിയാണ് മരിക്കുന്നത്. പെരിന്തൽമണ്ണയിലെ സ്വകാര്യ ആശുപത്രിയിൽ ചികിത്സയില്‍ കഴിയുന്നതിനിടെയാണ് കുട്ടി മരിച്ചത്. ജനിതക വൈകല്യമാണ്‌ മരണകാരണമെന്ന് അട്ടപ്പാടി മെഡിക്കൽ ഓഫീസർ അറിയിച്ചു. അട്ടപ്പാടിയിലെ ഈ വർഷത്തെ അഞ്ചാമത്തെ ശിശുമരണമാണിത്.
Last Updated Oct 26, 2019, 9:32 PM IST
