Asianet News Malayalam

കാലടി സർവ്വകലാശാലയിലെ ഉത്തരപേപ്പർ കാണാതായ സംഭവത്തിൽ അന്വേഷണം തുടങ്ങി

രണ്ട് തവണകളായുള്ള കേന്ദ്രീകൃത മൂല്യനി൪ണ്ണയത്തിന് പകരം ഇക്കുറി അദ്ധ്യാപകരുടെ വീടുകളിലായിരുന്നു ഉത്തരകടലാസുകളുടെ പരിശോധന

Answer paper gone missing in kalady university
Author
Kalady, First Published Jul 14, 2021, 1:10 PM IST
  • Facebook
  • Twitter
  • Whatsapp

കാലടി: കാലടി സർവ്വകലാശാല സ൦സ്കൃത൦ വിഭാഗത്തിലെ ഉത്തരപേപ്പർ കാണാതായതിൽ സിൻഡിക്കേറ്റ് ഉപസമിതി അന്വേഷണ൦ തുടങ്ങി. സംഭവം ഗൗരവമുള്ളതാണെന്നും വകുപ്പ് മേധാവിയുടേയും, പരീക്ഷാ ചെയ‍ർമാൻ്റേയും വിശദീകരണ൦ തൃപ്തികരമല്ലെന്നു൦ പ്രോ വൈസ് ചാൻസലർ ഡോ. കെ എസ് രവികുമാ൪ പറഞ്ഞു. പ്രതിപക്ഷ വിദ്യാർത്ഥി സ൦ഘടനകൾക്കൊപ്പ൦ എസ്എഫ്ഐയും ഇന്ന് സർവ്വകലാശാലയിലേക്ക് പ്രതിഷേധവുമായി എത്തി. 

കഴിഞ്ഞ ജനുവരിയിൽ നടന്ന സംസ്കൃത സാഹിത്യം വിഭാഗം മൂന്നാം സെമസ്റ്റർ പരീക്ഷയുടെ 276 ഉത്തരപേപ്പറുകളാണ് കാണാതായത്. രണ്ട് തവണകളായുള്ള കേന്ദ്രീകൃത മൂല്യനി൪ണ്ണയത്തിന് പകരം ഇക്കുറി അദ്ധ്യാപകരുടെ വീടുകളിലായിരുന്നു ഉത്തരകടലാസുകളുടെ പരിശോധന. ഏപ്രിലിൽ പുറത്ത് വരേണ്ട പരീക്ഷാ ഫലം കൊവിഡ് സാഹചര്യത്തിൽ പിന്നെയും നീണ്ട് പോയി. കഴിഞ്ഞ ദിവസം മാർക്ക് രേഖപ്പെടുത്താനുള്ള നടപടികളിലേക്ക് കടന്നപ്പോൾ ആണ് പരീക്ഷ പേപ്പർ തന്നെ കാണാതായ സംഭവ൦ ശ്രദ്ധയിൽ പെട്ടത്. 

ഉത്തരപേപ്പർ മൂല്യനിർണ്ണയ൦ നടത്തി തിരിച്ച് ഏൽപിച്ചെന്ന് വകുപ്പിലെ പരീക്ഷ ചുമതലയുള്ള ചെയർമാൻ ഡോ. കെ എ സം​ഗമേശൻ പറയുന്നു. എന്നാൽ തനിക്ക് ഉത്തരപേപ്പ‍ർ ലഭിച്ചിട്ടില്ലെന്നാണ് വകുപ്പ് മേധാവി കെ.ആ‍ർ.അംബിക പറയുന്നത്.  ഈ സാഹചര്യത്തിലാണ് സിൻഡിക്കേറ്റിലെ പരീക്ഷ നടത്തിപ്പ് ചുമതലയുള്ള മൂന്നം​ഗ ഉപസമിതിയെ അന്വേഷണത്തിനായി സ൪വ്വകലാശാല ചുമതലപ്പെടുത്തിയത്. വീഴ്ച വരുത്തിയ അധ്യാപക‌ർക്കെതിരെ നടപടി ആവശ്യപ്പെട്ട് വിദ്യാർത്ഥി സംഘടനകൾ പ്രതിഷേധവുമായി രം​ഗത്ത് എത്തിയിട്ടുണ്ട്. 

ഉത്തരക്കടലാസുകൾ നഷ്ടപ്പെട്ട വിഷയത്തിൽ സമഗ്രമായ പോലീസന്വേഷണം വേണമെന്നാവശ്യപ്പെട്ട്  എഐഎസ്എഫ് യൂണിറ്റ് വൈസ് ചാൻസിലർക്ക് പരാതി നൽകി.തുടരെ തുടരെ ഉണ്ടാവുന്ന വിവാദങ്ങൾ സർവ്വകലാശാലയുടെ  പേരിനെ കളങ്കപ്പെടുത്തുന്നുണ്ടെന്നും സാഹിത്യ ഡിപ്പാർട്ട്മെൻ്റിലെ ഉത്തരക്കടലാസുകൾ നഷ്ടപ്പെട്ട സംഭവത്തിൽ പോലീസ് അന്വേഷണം വഴി  കുറ്റക്കാർക്കെതിരെ ശക്തമായ നടപടി സ്വീകരിക്കണമെന്നും എഐഎസ്എഫ് ആവശ്യപ്പെട്ടു.


കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യർത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona

Follow Us:
Download App:
  • android
  • ios