പൊലീസിന് നേരെ ബോംബെറിഞ്ഞ് കൊലപ്പെടുത്താൻ ശ്രമം; പ്രതി പ്രടിയില്‍
20 കേസുകളിൽ പ്രതിയായ കൊച്ചുവേളി സ്വദേശി അനിൽ കുമാറിനെയാണ് പൊലീസ് സാഹസികമായി പിടികൂടിയത്. പ്രതിയെ പിടികൂടാനെത്തിയ പൊലീസ് സംഘത്തിന് നേരെയും അനിൽ ബോംബെറിഞ്ഞു.
തിരുവനന്തപുരം: തിരുവനന്തപുരത്ത് പൊലീസിന് നേരെ ബോംബെറിഞ്ഞ് കൊലപ്പെടുത്താൻ ശ്രമിച്ച പ്രതിയെ പേട്ട പൊലീസ് പിടികൂടി. 20 കേസുകളിൽ പ്രതിയായ കൊച്ചുവേളി സ്വദേശി അനിൽ കുമാറിനെയാണ് പൊലീസ് സാഹസികമായി പിടികൂടിയത്. പ്രതിയെ പിടികൂടാനെത്തിയ പൊലീസ് സംഘത്തിന് നേരെയും അനിൽ ബോംബെറിഞ്ഞു.
നിരവധി കേസുകളിലെ പ്രതിയാണ് ജാങ്കോ കുമാർ എന്ന് വിളിക്കുന്ന അനിൽ കുമാറിനെയാണ് പൊലീസ് പിടികൂടിയത്. വധശ്രമ കേസുകള്‍പ്പെടെ കേസിലെ പ്രതിയായ അനിൽ കുമാറിനെ ഒരു മാസം മുമ്പ് പേട്ട പൊലീസ് പിടികൂടാൻ പോയപ്പോഴാണ് ആദ്യം ബോംബാക്രമണം ഉണ്ടായത്. ബോംബേറിൽ ഒരു പൊലീസുകാരന്‍റെ കേള്‍വി ശക്തി നഷ്ടമായി. ഈ കേസിൽ പിടികൂടിയ അനിൽ കുമാർ ഈ മാസം ജയിലിൽ നിന്നുമിറങ്ങിയിരുന്നു.
കരമനയിൽ കഴിഞ്ഞ ദിവസം ആയുധം കാട്ടി ഭീകരന്തീരം സൃഷ്ടിക്കാണെന്ന വിവരത്തെ തുടർന്ന് എസ്ഐ രതീഷിന്‍റെ നേതൃത്വത്തിലെത്തി പൊലീസ് സംഘത്തിന് നേരെയും അനിൽകുമാർ ബോംബെറിഞ്ഞു. ഇതേ തുടര്‍ന്ന് അനിൽ കുമാറിനെതിരെ ഗുണ്ടനിയമപ്രകാരം പൊലീസ് നടപടി ആരംഭിച്ചതായി ശംഖമുഖം അസി.കമ്മീഷർ പൃഥിരാജ് അറിയിച്ചു.
Also Read: പൊലീസിന് നേരെ ബോംബ് എറിഞ്ഞു, കഞ്ചാവ് സംഘം രക്ഷപ്പെടുന്ന സിസിടിവി ദൃശ്യങ്ങൾ പുറത്ത്
