മണിയൂർ ഉല്ലാസ് നഗറിലുള്ള പൂവത്തിൻ മീത്തൽ മുഹമ്മദലി (34) യുടെ പേരിലാണ് പയ്യോളി പൊലീസ് കേസെടുത്തത്. മണിയൂരിലെ മെഡിക്കല് ഓഫീസര് പയ്യോളി പൊലീസിന് നല്കിയ പരാതിയിലാണ് കേസ്.
കോഴിക്കോട്: കൊവിഡ് 19 വ്യാപനത്തിന്റെ പശ്ചാത്തലത്തിലും പ്രതിരോധ നിർദ്ദേശങ്ങൾ മറികടന്ന് കൂടുതൽ ആളുകളെ പങ്കെടുപ്പിച്ച് ഗൃഹപ്രവേശന ചടങ്ങ് നടത്തിയതിന് ഗൃഹനാഥനെതിരെ കേസ്. മണിയൂർ ഉല്ലാസ് നഗറിലുള്ള പൂവത്തിൻ മീത്തൽ മുഹമ്മദലി (34) യുടെ പേരിലാണ് പയ്യോളി പൊലീസ് കേസെടുത്തത്. മണിയൂരിലെ മെഡിക്കല് ഓഫീസര് പയ്യോളി പൊലീസിന് നല്കിയ പരാതിയിലാണ് കേസ്.
ആരോഗ്യ വകുപ്പ് ഉദ്യോഗസ്ഥരുടെയും പൊലീസിന്റെയും നിര്ദ്ദേശം മറികടന്ന് ചടങ്ങ് നടത്തിയതായാണ് പരാതി. ഇന്ത്യന് ശിക്ഷാ നിയമം 269 പ്രകാരമാണ് കേസെടുത്തത്. ചടങ്ങുകള്ക്കുള്ള നിയന്ത്രണങ്ങള് കര്ശനമായി തുടരുമെന്ന് പൊലീസ് അറിയിച്ചു.
ആരോഗ്യവകുപ്പിന്റെ ക്വാറന്റൈൻ നിർദ്ദേശം പാലിക്കാതെ സ്ഥലംവിട്ട കോട്ടയം സ്വദേശിക്കെതിരെയും പൊലീസ് കേസെടുത്തിട്ടുണ്ട്. കോട്ടയം ഇടവട്ടം മറവൻതുരുത്ത് സ്വദേശി നന്ദകുമാറിനെതിരെ തലയോലപ്പറമ്പ് പൊലീസാണ് കേസ് രജിസ്റ്റർചെയ്തത്.
Read Also: കൊവിഡ് 19: കേരളത്തിലേക്കുള്ള യാത്രകൾ നിയന്ത്രിച്ച് തമിഴ്നാടും കര്ണാടകവും
