കരാറുകാരന് ഇതുവരെ പണം നൽകിയിട്ടില്ല. കെട്ടിടം പൊളിക്കാനുള്ള ചെലവും കരാറുകാരൻ്റെ ബാധ്യതയാണെന്നും കിഫ്ബി പറയുന്നു. ഒന്നര വർഷം മുമ്പ് നിർമ്മിച്ച കെട്ടിടമാണ് ബലക്ഷയം കാരണം പൊളിച്ചത്.
തൃശ്ശൂർ: ചെമ്പൂച്ചിറ സ്കൂളിലെ (Chembuchira School) നിർമ്മാണത്തിലെ വീഴ്ച സംബന്ധിച്ച് പ്രതികരണവുമായി കിഫ്ബി (KIFB). കരാറുകാരന് ഇതുവരെ പണം നൽകിയിട്ടില്ല. കെട്ടിടം പൊളിക്കാനുള്ള ചെലവും കരാറുകാരൻ്റെ ബാധ്യതയാണെന്നും കിഫ്ബി പറയുന്നു. ഒന്നര വർഷം മുമ്പ് നിർമ്മിച്ച കെട്ടിടമാണ് ബലക്ഷയം കാരണം പൊളിച്ചത്.
ബലക്ഷയത്തെ തുടര്ന്നാണ് കെട്ടിടത്തിന്റെ രണ്ടാം നില പൂര്ണ്ണമായി പൊളിച്ചു നീക്കുന്നത്. നിർമ്മാണത്തിലെ ക്രമക്കേട് ഏഷ്യാനെറ്റ് ന്യൂസാണ് പുറത്തുകൊണ്ടു വന്നത്. മുൻ വിദ്യാഭ്യാസമന്ത്രി സി രവീന്ദ്രനാഥിന്റെ പുതുക്കാട് മണ്ഡലത്തില് കിഫ്ബിയുടെ മൂന്ന് കോടി രൂപയും എംഎൽഎ ഫണ്ടിൽ നിന്നും 75 ലക്ഷം രൂപയും ചെലവഴിച്ച് നിർമ്മിച്ച് ഉദ്ഘാടനത്തിന് തയ്യാറായിരുന്ന സ്കൂൾ കെട്ടിടമാണിത്.
ഒന്നുതൊട്ടാല് കയ്യില് അടര്ന്നുവരുന്ന ചുമരുകളും ബീമുകളും ഏഷ്യാനെറ്റ് ന്യൂസ് പുറത്ത് കൊണ്ടുവന്നതോടെ സര്ക്കാര് പ്രാഥമിക പരിശോധന നടത്തി. ബലക്ഷയമില്ലെന്നും പ്ലാസ്റ്ററിംഗില് മാത്രമാണ് പോരായ്മയെന്നുമായിരുന്നു അന്ന് വിദഗ്ധസമിതിയുടെ റിപ്പോര്ട്ട്. ഇടയ്ക്ക് പെയ്ത മഴയില് പുത്തൻ കെട്ടിടത്തിലെ ക്ലാസ് മുറികള് ചോര്ന്നൊലിക്കാൻ തുടങ്ങിയതോടെ രക്ഷിതാക്കള് വിജിലൻസിനെ സമീപിച്ചു. തുടര്ന്നാണ് കെട്ടിടം പൊളിച്ചു പണിയാൻ തീരുമാനമായത്. രണ്ടാം നിലയുടെ മേല്ക്കൂര പൂര്ണ്ണമായി പൊളിച്ചു നീക്കി. ഏറെ കൊട്ടിഘോഷിച്ച് കൊണ്ടുവന്ന കിഫ്ബി പദ്ധതിയില് സ്കൂൾ കെട്ടിടങ്ങളുടെ നവീകരണത്തിനാണ് സര്ക്കാര് പ്രാധാന്യം നല്കുന്നത്. നിര്മ്മാണത്തിലെ ക്രമക്കേട് മൂലം സംഭവിച്ചിരിക്കുന്നത് കോടികളുടെ നഷ്ടമാണ്. കുട്ടികളുടെ ജീവന് തന്നെ ഭീഷണിയാകുന്ന തരത്തിലുളള ക്രമക്കേട് നടത്തുന്ന കരാറുകാരെ കരിമ്പട്ടികയില് ഉള്പ്പെടുത്തണമെന്നാണ് നാട്ടുകാരുടെ ആവശ്യം.
തൊട്ടാൽ അടർന്ന് വീഴുന്ന ചുമരുകൾ, പിവിസി പൈപ്പ് വച്ച് വാർപ്പിന് തുളയിടാം ! ചെമ്പൂച്ചിറ സ്കൂളിൻ്റെ 'നവീകരണം'
മുഖ്യമന്ത്രി പിണറായി വിജയൻ സംസ്ഥാന തല പ്രവേശനോത്സവം ഉദ്ഘാടനം നിര്വഹിച്ച വിദ്യാലയമാണ് ചെമ്പൂച്ചിറ ഹയര് സെക്കണ്ടറി സ്കൂൾ. കിഫ്ബിയുടെ 3 കോടി രൂപയും എംഎൽഎ ഫണ്ടിൽ നിന്നും 87 ലക്ഷം രൂപയും ചെലവഴിച്ച് നിർമ്മിച്ച, ഉദ്ഘാടനത്തിന് തയ്യാറായ സ്കൂൾ കെട്ടിടമാണ് പൊളിക്കേണ്ടി വന്നത്. പുതിയ കെട്ടിടം കാണാനെത്തിയ നാട്ടുകാരുടെ ശ്രദ്ധയിലാണ് നിര്മ്മാണത്തിൻ്റെ അപാകത ആദ്യം പെട്ടത്.
ഉരച്ചാൽ പൊടിയുന്ന ഭിത്തികൾ
ഒന്നു തൊട്ടാല് കയ്യില് അടര്ന്നു വരുന്ന ചുമരുകളും ബീമുകളും. മേല്ക്കൂരയുടെ അവസ്ഥയും പരിതാപകരം ഇടയ്ക്ക് പെയ്ത മഴയില് പുത്തൻ കെട്ടിടത്തിലെ ക്ലാസ് മുറികള് ചോര്ന്നൊലിക്കുന്നുമുണ്ട്. സിമൻ്റിന്റെ ഉപയോഗം പേരിന് മാത്രം.
