തട്ടിപ്പ് കേസിൽ അറസ്റ്റിലായ പ്രതിക്ക് കൊവിഡ്; അങ്കമാലി സ്റ്റേഷനിലെ 8 പൊലീസുകാർ നിരീക്ഷണത്തിൽ
കഴിഞ്ഞ ദിവസം പിടികൂടിയ അങ്കമാലി തുറവൂർ സ്വദേശിക്കാണ് കൊവിഡ് സ്ഥിരീകരിച്ചത്. ഇതോടെ എട്ട് പൊലീസുകാരോട് നിരീക്ഷണത്തില് പോവാന് നിര്ദ്ദേശിച്ചു.
കൊച്ചി: എറണാകുളം അങ്കമാലി പൊലീസ് സ്റ്റേഷനിൽ തട്ടിപ്പ് കേസിൽ അറസ്റ്റിലായ പ്രതിക്ക് കൊവിഡ് 19 സ്ഥിരീകരിച്ചു. ഇതോടെ സ്റ്റേഷനിലെ എട്ട് പൊലീസുകാർ നിരീക്ഷണത്തിൽ പോയി. തുറവൂർ സ്വദേശിയായ പ്രതിയ്ക്കാണ് കോവിഡ് സ്ഥിരീകരിച്ചത്.
കഴിഞ്ഞ ദിവസമാണ് അങ്കമാലി തുറവൂർ സ്വദേശിയെ മറ്റു രണ്ടു പേർക്കൊപ്പം പൊലീസ് പിടികൂടിയത്. ഇവരുടെ സാംപിൾ പരിശോധനയ്ക്ക് അയച്ചപ്പോഴാണ് പ്രതികളിലൊരാൾക്ക് കൊവിഡ് സ്ഥിരീകരിച്ചത്. ഇതേത്തുടർന്ന് പ്രതിയുമായി സമ്പർക്കത്തിൽ വന്ന പോലീസുകരോട് നിരീക്ഷണത്തിൽ പോകാന് നിര്ദ്ദേശിക്കുകയായിരുന്നു.