സര്വീസിലുള്ളവര്ക്കും ഫയലുകള് ട്രാക്ക് ചെയ്യുന്നതിനും മറ്റും ഇ ഓഫീസ് സംവിധാനം നടപ്പിലാക്കേണ്ടത് അനിവാര്യമാണ്
തിരുവനന്തപുരം: ആരോഗ്യവകുപ്പിൽ(health service) സമയബന്ധിതമയി ഫയലുകള്(files) തീര്പ്പാക്കണമെന്ന് മന്ത്രി വീണാ ജോര്ജ്(veena george). ഇ ഓഫീസ് സംവിധാനം ഈ വര്ഷം യാഥാര്ത്ഥ്യമാക്കുമെന്നും മന്ത്രി പറഞ്ഞു.
ആരോഗ്യ വകുപ്പുമായി ബന്ധപ്പെട്ട് വരുന്നത് വളരെയേറെ സുപ്രധാന ഫയലുകളാണ്. ജനങ്ങളുടെ പ്രശ്നങ്ങളുമായി ബന്ധപ്പെട്ടും ജീവനക്കാരുടെ സര്വീസുമായും പ്രമോഷനുമായും ബന്ധപ്പെട്ടും ധാരാളം ഫയലുകള് എത്തുന്നുണ്ട്. ഈ ഫയലുകളൊന്നും താമസിപ്പിക്കാതെ തീര്പ്പാക്കേണ്ടത് വളരെ അത്യാവശ്യമാണ്. ആരോഗ്യ വകുപ്പ് ഡയറക്ടറേറ്റ്, എന്എച്ച്എം, ഇ ഹെല്ത്ത് എന്നീ ഓഫീസുകള് സന്ദര്ശിച്ച് ഉദ്യോഗസ്ഥരുമായി നേരിട്ട് നടത്തിയ ആശയ വിനിമയത്തിലാണ് മന്ത്രി നിര്ദേശം നല്കിയത്.
ഈ ഓഫീസുകളിലെ വിവിധ സെക്ഷനുകള് സന്ദര്ശിച്ചു. ആരോഗ്യ വകുപ്പ് ഡയറക്ടറേറ്റില് യോഗവും വിളിച്ചു ചേര്ത്തു. ആരോഗ്യ വകുപ്പ് ഡയറക്ടറേറ്റിലും ജില്ലാ മെഡിക്കല് ഓഫീസുകളിലും ഇ ഓഫീസ് സംവിധാനം ഈ വര്ഷം യാഥാര്ത്ഥ്യമാക്കും. സര്വീസിലുള്ളവര്ക്കും ഫയലുകള് ട്രാക്ക് ചെയ്യുന്നതിനും മറ്റും ഇ ഓഫീസ് സംവിധാനം നടപ്പിലാക്കേണ്ടത് അനിവാര്യമാണ്. ഇതോടൊപ്പം പൊതുജനങ്ങള്ക്കും ഫയലുകളുടെ നീക്കം മനസിലാക്കാന് സാധിക്കുമെന്നും മന്ത്രി അറിയിച്ചു.
