തിരുവനന്തപുരം ജില്ലയിലെ മുതലപ്പൊഴിയിൽ വീണ്ടും അഴിമുഖത്തെ മണലിൽ വള്ളം കുടുങ്ങി
തിരുവനന്തപുരം: മുതലപ്പൊഴി അഴിമുഖത്ത് വീണ്ടും മത്സ്യബന്ധന വള്ളം മണലിൽ കുടുങ്ങി. പുതുക്കുറിച്ചി സ്വദേശി സുൽഫിയുടെ ഉടമസ്ഥതയിലുള്ള താഹാ റസൂൽ എന്ന വള്ളമാണ് 32 തൊഴിലാളികളുമായി അഴിമുഖത്ത് കുടുങ്ങിയത്. എസ്കവേറ്റർ ഉപയോഗിച്ച് തള്ളി നീക്കാൻ ശ്രമിച്ചെങ്കിലും മണലിൽ നിന്ന് വള്ളം ഇറക്കാനായില്ല. തുടർന്ന് മത്സ്യത്തൊഴിലാളികളുടെ വള്ളത്തിൽ കെട്ടിവലിച്ചാണ് വള്ളം കടലിലേക്ക് ഇറക്കിയത്. മത്സ്യബന്ധനത്തിനുശേഷം മടങ്ങിവരവേ മൂന്നര മണിയോടെയാണ് സംഭവം.
