'പ്രതാപൻ തുടരും പ്രതാപത്തോടെ, യുഡിഎഫ് സ്ഥാനാർഥിയെ വിജയിപ്പിക്കുക'; തൃശൂരിൽ പ്രതാപനായി ചുവരെഴുത്ത്
മണ്ഡലത്തിൽ ടി എൻ പ്രതാപന്റെ പേര് ഔദ്യോഗികമായി പ്രഖ്യാപിച്ചില്ലെങ്കിലും ചുവരെഴുത്ത് തുടങ്ങിയിരിക്കുകയാണ് പ്രവർത്തകർ
![flex board and writings for the victory of T. N. Prathapan before candidate announcement apn flex board and writings for the victory of T. N. Prathapan before candidate announcement apn](https://static-ai.asianetnews.com/images/01hm5z239xw8b4yartb9751nqj/tn-prathapan_363x203xt.jpg)
തൃശൂര്: തൃശൂര് ലോക്സഭാ മണ്ഡലത്തിൽ ടി. എൻ പ്രതാപനായി ചുവരെഴുത്ത്. വെങ്കിടങ്ങിലാണ് പ്രതാപനെ വിജയിപ്പിക്കണമെന്ന ചുവരെഴുത്ത് പ്രത്യക്ഷപ്പെട്ടത്. 'പ്രതാപൻ തുടരും പ്രതാപത്തോടെ', 'തൃശൂർ ലോകസഭ മണ്ഡലം യുഡിഎഫ് സ്ഥാനാർഥി ടി. എൻ. പ്രതാപനെ വിജയിപ്പിക്കുക'യെന്നുമാണ് വെങ്കിടങ്ങ് സെന്ററിൽ പ്രത്യക്ഷപ്പെട്ട ചുവരെഴുത്ത്. മണ്ഡലത്തിൽ ടി എൻ പ്രതാപന്റെ പേര് ഔദ്യോഗികമായി പ്രഖ്യാപിച്ചില്ലെങ്കിലും ചുവരെഴുത്ത് തുടങ്ങിയിരിക്കുകയാണ് പ്രവർത്തകർ. ബിജെപി സ്ഥാനാര്ത്ഥിയാകുമെന്ന് പ്രതീക്ഷിക്കുന്ന സുരേഷ് ഗോപിയും മണ്ധലത്തിൽ പ്രചരണവുമായി മുന്നോട്ട് പോകുകയാണ്.