എം പിമാരുടെ പരാതിയെ തുടർന്നാണ് പുന:സംഘടന നിർത്തിവയ്ക്കാൻ കേരളത്തിന്റെ ചുതലയുള്ള എ ഐ സി സി ജനറൽ സെക്രട്ടറി താരിഖ് അൻവർ കെ പി സി സി അധ്യക്ഷൻ കെ സുധാകരന് നിർദേശം നൽകിയത്. പുന:സംഘടന ചർച്ചകളിൽ എം പിമാരെ ഉൾപ്പെടുത്തിയില്ലെന്നായിരുന്നു ഉയർന്ന പരാതി
ദില്ലി: കേരളത്തിലെ കോൺഗ്രസ്(congress) പുന:സംഘടന (reorganization)നിർത്തിവയ്ക്കാൻ ഹൈക്കമാണ്ട് (highcommand)നിർദേശം. കേരളത്തിന്റെ ചുതലയുള്ള എ ഐ സി സി ജനറൽ സെക്രട്ടറി താരിഖ് അൻവറാണ് കെ പി സി സി അധ്യക്ഷൻ കെ സുധാകരന് നിർദേശം നൽകിയത്.
എം പിമാരുടെ പരാതിയെ തുടർന്നാണ് പുന:സംഘടന നിർത്തിവയ്ക്കാൻ കേരളത്തിന്റെ ചുതലയുള്ള എ ഐ സി സി ജനറൽ സെക്രട്ടറി താരിഖ് അൻവർ കെ പി സി സി അധ്യക്ഷൻ കെ സുധാകരന് നിർദേശം നൽകിയത്. പുന:സംഘടന ചർച്ചകളിൽ എം പിമാരെ ഉൾപ്പെടുത്തിയില്ലെന്നായിരുന്നു ഉയർന്ന പരാതി.
പാർട്ടി പു:സംഘടനക്കെതിരെ നേരത്തെ എ ഐ ഗ്രൂപ്പുകൾ രംഗത്തെത്തിയിരുന്നു.സംഘടനാ തെരഞ്ഞെടുപ്പ് പ്രഖ്യാപിച്ച സാഹചര്യത്തിൽ ഇനി പുന:സംഘടന വേണ്ടെന്ന് കെപിസിസി യോഗത്തിൽ ഗ്രൂപ്പ് നേതാക്കൾ ശക്തമായ നിലപാടെടുത്തിരുന്നു. ഇത് സുധാകരനും ഗ്രൂപ്പുനേതാക്കളും തമ്മിലുള്ള ശക്തമായ വാക്പോരിന് അന്ന് വഴി വച്ചിരുന്നു.
എന്നാൽ കെ പി സി സി പുന:സംഘടനയുമായി മുന്നോട്ട് പോകുമെന്നും അതിന് ഹൈക്കമാണ്ട് അനുമതി ഉണ്ടെന്നുമുള്ള നിലപാടിലായിരുന്നു കെ പി സി സി അധ്യക്ഷൻ കെ സുധാകരൻ. ഇതനുസരിച്ചുള്ള നടപടികൾ പുരോഗമിക്കവെ ആണ് ചർച്ചകളിൽ സഹകരിപ്പിച്ചില്ലെന്ന പരാതിയുമായി എം പിമാർ ഹൈക്കമാണ്ടിനെ സമീപിച്ചത്.
അതേസമയം സംഘടനാ തെരഞ്ഞെടുപ്പ് വന്നാൽ മത്സരിക്കുമെന്ന നിലപാടിൽ ആണ് കെ പി സി സി അധ്യക്ഷൻ കെ സുധാകരൻ . പാർട്ടിയിലെ ഒപ്പം അംഗത്വവിതരണവും പുരോഗമിക്കുകയാണ്.
കന്റോൺമെന്റ് ഹൗസിൽ ഗ്രൂപ്പ് യോഗം;പരിശോധനയ്ക്ക് സംഘത്തെ അയച്ച് കെ പി സി സി പ്രസിഡന്റ്
തിരുവനന്തപുരം: പ്രതിപക്ഷ നേതാവ് വി ഡി സതീശന്റെ ഔദ്യോഗിക വസതിയായ കന്റോണ്മെന്റ് ഹൗസില് രഹസ്യമായി ഗ്രൂപ്പ് യോഗം നടക്കുന്നുണ്ടെന്ന വിവരത്തെ തുടര്ന്ന് പരിശോധനക്കായി ആളെ അയച്ച് കെപിസിസി പ്രസിഡന്റ് കെ സുധാകരന്. കഴിഞ്ഞ ദിവസം രാത്രി പത്തോടെയാണ് സുധാകരന് അയച്ച കെപിസിസി സംഘം കന്റോണ്മെന്റ് ഹൗസില് അപ്രതീക്ഷിതമായി എത്തിയത്. കോണ്ഗ്രസ് രാഷ്ട്രീയത്തില് അസാധാരണ സംഭവമാണിത്. ഈ സമയം വി ഡി സതീശന്റെ നേതൃത്വത്തില് പത്തിലേറെ പ്രമുഖ നേതാക്കള് ഉണ്ടായിരുന്നുവെന്നും സൂചനയുണ്ട്.
കന്റോണ്മെന്റ് ഹൗസില് നടന്നത് ഗ്രൂപ്പ് യോഗമല്ലെന്നും 'വെറുതെ ഒന്ന് ഇരുന്നതാണെ'ന്നുമാണു അവിടെ എത്തിയ നേതാക്കളുടെ വിശദീകരണം. അതേസമയം നടന്നത് ഗ്രൂപ്പ് യോഗമാണെന്ന നിഗമനത്തില് ഉറച്ച് നില്ക്കുകയാണ് കെപിസിസി. ഹൈക്കമാന്ഡിനു പരാതി നല്കാനും ധാരണായിട്ടുണ്ട്. എന്നാല് പുറത്തുവന്ന വാര്ത്തകളെ വി ഡി സതീശന് തള്ളി. തനിക്ക് എതിരെ ഒന്നും പറയാനില്ലാത്തതിനാല് കുല്സിത പ്രവര്ത്തനം നടത്തുന്നുവെന്ന് അദ്ദേഹം ആരോപിച്ചു. ചിലര് പിന്നില് നിന്ന് വലിക്കുകയാണ്. ടി യു രാധാകൃഷ്ണന് ഒരു പരിപാടിക്ക് ക്ഷണിക്കാന് വന്നതാണ്. ഒരു പണിയുമില്ലാത്തവരാണ് ഗ്രൂപ്പുമായി നടക്കുന്നത്. തനിക്ക് വേറെ ഒരുപാട് പണിയുണ്ട്. നിയമസഭയില് ഒറ്റക്കെട്ടായി പ്രവര്ത്തിക്കുന്നു. പ്രതിപക്ഷ പ്രവര്ത്തനത്തിന് ഒരു തെറ്റും പറയാനില്ല. ടീം വര്ക്കാണ് നടക്കുന്നതെന്നും സതീശന് വ്യക്തമാക്കി.
സംഘടനാ ചുമതലയുള്ള കെപിസിസി ജനറല് സെക്രട്ടറി ടി യു രാധാകൃഷ്ണന്, കെപിസിസി പ്രസിഡന്റിന്റെ സെക്രട്ടറി വിപിന്മോഹന് എന്നിവരായിരുന്നു പരിശോധനക്കായി എത്തിയത്. ചേര്ന്നതു ഗ്രൂപ്പ് യോഗമല്ലെന്നും പ്രതിപക്ഷ നേതാവിന്റെ സൗകര്യമനുസരിച്ച് അദ്ദേഹത്തെ കാണാന് എത്തിയതായിരുന്നുവെന്നും അവിടെ കൂടിയ നേതാക്കള് പറയുന്നു. പ്രതിപക്ഷ നേതാവിനെ പ്രധാന നേതാക്കള് കാണുന്നതിനെ ഗ്രൂപ് യോഗമായി ചിത്രീകരിക്കേണ്ടെന്നും ഇവര് പറയുന്നു. പുനസംഘടന ചര്ച്ചകള് പുരോഗമിക്കുന്നതിനിടെ ഗ്രൂപ് യോഗങ്ങള് ചേരുന്നതില് കെപിസിസി നേതൃത്വത്തിന് അതൃപ്തിയുണ്ട്. കോഴിക്കോട്ടും കോട്ടയത്തും എ ഗ്രൂപ്പിന്റെ യോഗങ്ങള് ചേര്ന്നിരുന്നു.നിരന്തരമായി നടക്കുന്ന ഗ്രൂപ്പ് യോഗങ്ങളെക്കുറിച്ച് എഐസിസി ജനറല് സെക്രട്ടറി കെ സി വേണുഗോപാലിനെ അറിയിക്കാനും കെപിസിസി തീരുമാനിച്ചു.
ഗ്രൂപ്പ് യോഗം; നിരീക്ഷിക്കാൻ ആളെ വിട്ടെന്ന ആരോപണം തള്ളി കെ സുധാകരൻ
തിരുവനന്തപുരം: പ്രതിപക്ഷനേതാവ് വി ഡി സതീശന്റെ ഔദ്യോഗിക വസതിയില് ഗ്രൂപ്പ് യോഗം ചേര്ന്നെന്നും അത് പരിശോധിക്കാന് കെ പി സി സി പ്രസിഡന്റ് ആളെ വിട്ടെന്നുമുള്ള റിപ്പോർട്ടുകൾ നിഷേധിച്ച് കെ സുധാകരൻരംഗത്ത്. അത്തരത്തിൽ ഒരു ഗ്രൂപ്പ് യോഗവും നടന്നിട്ടില്ലെന്നും പരിശോധിക്കാന് താന് ആളെ വിട്ടിട്ടില്ലെന്നും സുധാകരൻ പറഞ്ഞു. പ്രതിപക്ഷ നേതാവിനെ കാണാന് പോയവര് തന്നെയും കണ്ടിരുന്നു. അത് എങ്ങനെ ഗ്രൂപ്പുയോഗമാകുമെന്നും കെ പി സി സി പ്രസിഡന്റ് ചോദിച്ചു. പാര്ട്ടിയെ ക്ഷീണിപ്പിക്കുന്ന ഒരു തരത്തിലുമുള്ള പ്രവര്ത്തനവും ഭൂഷണമല്ലെന്നും ഉത്തരവാദിത്ത സ്ഥാനങ്ങളില് ഇരിക്കുന്നവര് അതിന് മുതിരുമെന്ന് ഒരിക്കലും കരുതുന്നില്ലെന്നും അദ്ദേഹം കൂട്ടിച്ചേർത്തു. തികഞ്ഞ ഐക്യത്തോടെയാണ് കോണ്ഗ്രസ് നേതൃത്വം മുന്നോട്ട് പോകുന്നത്. അതില് വിള്ളലുണ്ടാക്കാന് ആരുശ്രമിച്ചാലും അത് വിലപ്പോകില്ലെന്നും സുധാകരന് പറഞ്ഞു.
സുധാകരന്റെ പ്രസ്താവന
പ്രതിപക്ഷനേതാവ് വി ഡി സതീശന്റെ ഔദ്യോഗിക വസതിയില് ഗ്രൂപ്പ് യോഗം ചേര്ന്നെന്നും അത് പരിശോധിക്കാന് താന് ആളെ വിട്ടെന്നുമുള്ള പ്രചാരണം തെറ്റാണെന്ന് കെപിസിസി പ്രസിഡന്റ് കെ.സുധാകരന് എംപി. മാധ്യമപ്രവര്ത്തകരോട് സംസാരിക്കുക ആയിരുന്നു അദ്ദേഹം. പരിശോധന നടത്താന് താന് ആരെയും ചുമതലപ്പെടുത്തിയിട്ടില്ല. തികച്ചും അടിസ്ഥാന രഹിതമായ വാര്ത്തയാണിത്. പുനഃസംഘടന നടക്കുന്നതിനാല് പലനേതാക്കളും വന്ന് കാണാറുണ്ട്. പ്രതിപക്ഷ നേതാവിനെ കാണാന് പോയവര് തന്നെയും കണ്ടിരുന്നു. അത് എങ്ങനെ ഗ്രൂപ്പുയോഗമാകും. ഇത്തരം ഒരു വിവാദം ഉണ്ടായപ്പോള് വിഡി സതീശന് തന്നെ വിളിക്കുകയും ഞങ്ങള് പരസ്പരം ആശയവിനിമയം നടത്തുകയും ചെയ്തതിട്ടുണ്ട്. പാര്ട്ടിയെ ക്ഷീണിപ്പിക്കുന്ന ഒരു തരത്തിലുമുള്ള പ്രവര്ത്തനവും ഭൂഷണമല്ല. ഉത്തരവാദിത്ത സ്ഥാനങ്ങളില് ഇരിക്കുന്നവര് അതിന് മുതിരുമെന്ന് ഒരിക്കലും കരുതുന്നില്ല. ആഭ്യന്തര ജനാധിപത്യം പൂര്ണ്ണമായും ഉറപ്പുനല്കുന്ന പ്രസ്ഥാനമാണ് കോണ്ഗ്രസ്. ആക്ഷേപം ഉണ്ടെങ്കില് അത് നേതൃത്വത്തെ ധരിപ്പിക്കാന് എല്ലാവര്ക്കും സ്വാതന്ത്ര്യമുണ്ട്. തികഞ്ഞ ഐക്യത്തോടെയാണ് കോണ്ഗ്രസ് നേതൃത്വം മുന്നോട്ട് പോകുന്നത്. അതില് വിള്ളലുണ്ടാക്കാന് ആരുശ്രമിച്ചാലും അത് വിലപ്പോകില്ലെന്നും സുധാകരന് പറഞ്ഞു.
സതീശന്റെ പ്രതികരണം
ഗ്രൂപ്പ് യോഗം നടത്തിയെന്ന ആരോപണം ആദ്യം തന്നെ വി ഡി സതീശന് തള്ളി കളഞ്ഞിരുന്നു. തനിക്ക് എതിരെ ഒന്നും പറയാനില്ലാത്തതിനാല് കുല്സിത പ്രവര്ത്തനം നടത്തുന്നുവെന്ന് അദ്ദേഹം ആരോപിച്ചു. ചിലര് പിന്നില് നിന്ന് വലിക്കുകയാണ്. ടി യു രാധാകൃഷ്ണന് ഒരു പരിപാടിക്ക് ക്ഷണിക്കാന് വന്നതാണ്. ഒരു പണിയുമില്ലാത്തവരാണ് ഗ്രൂപ്പുമായി നടക്കുന്നത്. തനിക്ക് വേറെ ഒരുപാട് പണിയുണ്ട്. നിയമസഭയില് ഒറ്റക്കെട്ടായി പ്രവര്ത്തിക്കുന്നു. പ്രതിപക്ഷ പ്രവര്ത്തനത്തിന് ഒരു തെറ്റും പറയാനില്ല. ടീം വര്ക്കാണ് നടക്കുന്നതെന്നും സതീശന് കൂട്ടിച്ചേർത്തിരുന്നു.
കന്റോണ്മെന്റ് ഹൗസില് നടന്നത് ഗ്രൂപ്പ് യോഗമല്ലെന്നും 'വെറുതെ ഒന്ന് ഇരുന്നതാണെ'ന്നുമാണു അവിടെ എത്തിയ നേതാക്കളുടെ വിശദീകരണം. ചേര്ന്നത് ഗ്രൂപ്പ് യോഗമല്ലെന്നും പ്രതിപക്ഷ നേതാവിന്റെ സൗകര്യമനുസരിച്ച് അദ്ദേഹത്തെ കാണാന് എത്തിയതായിരുന്നുവെന്നും അവിടെ കൂടിയ നേതാക്കള് വിശദീകരിച്ചു. പ്രതിപക്ഷ നേതാവിനെ പ്രധാന നേതാക്കള് കാണുന്നതിനെ ഗ്രൂപ് യോഗമായി ചിത്രീകരിക്കേണ്ടെന്നും ഇവര് അഭിപ്രായപ്പെട്ടിട്ടുണ്ട്.
