ഉത്തരപേപ്പ൪ കാണാതായ സംഭവത്തിൽ സംസ്കൃത സർവ്വകലാശാല അന്വേഷണം തുടങ്ങി
സിൻഡിക്കേറ്റ് പരീക്ഷാ വിഭാഗത്തിന് അന്വേഷണ ചുമതല നൽകിയെന്ന് വൈസ് ചാൻസലർ വി സി ധർമരാജൻ അടാട്ട് പറഞ്ഞു.പ്രൈാ വൈസ് ചാൻസല൪ അധ്യക്ഷനായ സമിതിയാകും പരിശോധന നടത്തുക
കൊച്ചി:കാലടി സംസ്കൃത സർവ്വകലാശാലയിൽ ഉത്തരപേപ്പർ കാണാതായ സംഭവത്തിൽ സർവകലാശാല ആഭ്യന്തര അന്വേഷണം തുടങ്ങി. സിൻഡിക്കേറ്റ് പരീക്ഷാ വിഭാഗത്തിന് അന്വേഷണ ചുമതല നൽകിയെന്ന് വൈസ് ചാൻസലർ വി സി ധർമരാജൻ അടാട്ട് പറഞ്ഞു. പ്രോ വൈസ് ചാൻസല൪ അധ്യക്ഷനായ സമിതിയാകും പരിശോധന നടത്തുക.
സംസ്കൃത സാഹിത്യ വിഭാഗത്തിലെ മൂന്നാം സെമസ്റ്ററിലെ ഇരുന്നൂറ്റി എഴുപത്തിയാറ് ഉത്തരപേപ്പറുകളാണ് കാണാതായത്. സ൦സ്കൃതം വകുപ്പിലെ പരീക്ഷാ വിഭാഗം ചെയ൪മാനോട് വിശദീകരണവും തേടിയിട്ടുണ്ട്. കഴിഞ്ഞ ജനുവരിയിൽ നടന്ന പരീക്ഷയുടെ ഉത്തരക്കടലാസുകൾ ആണ് കാണാതായത്.