വിസിയുടെ ചേമ്പറിലെ എസ്എഫ്ഐ പ്രതിഷേധത്തിൽ, വിദ്യാർത്ഥികൾക്കും സിപിഎം സിൻഡിക്കേറ്റ് അംഗങ്ങൾക്കുമെതിരെ കേരള സർവകലാശാല പൊലീസിൽ പരാതി നൽകി. സിൻഡിക്കേറ്റ് അംഗങ്ങളായ ജി മുരളീധരൻ പിള്ള, ഡോ. എൻ പ്രമോദ് എന്നിവർ വിദ്യാർത്ഥികൾക്ക് ഒത്താശ ചെയ്തെന്നാണ് പരാതി
തിരുവനന്തപുരം: കേരള വൈസ് ചാൻസലറുടെ ചേമ്പറിലെ എസ് എഫ് ഐ പ്രതിഷേധത്തിൽ സി പി എം സിണ്ടിക്കേറ്റ് അംഗങ്ങൾക്കും വിദ്യാർഥികൾക്കുമെതിരെ നടപടി ആവശ്യപ്പെട്ട് സർവകലാശാല പരാതി നൽകി. സംസ്ഥാന പൊലീസ് മേധാവിക്ക് സർവകലാശാല രജിസ്ട്രാറാണ് നടപടി ആവശ്യപ്പെട്ട് കത്ത് നൽകിയത്. സിൻഡിക്കേറ്റ് അംഗങ്ങളായ ജി മുരളീധരൻ പിള്ള, ഡോ. എൻ പ്രമോദ് എന്നിവർക്കെതിരെയാണ് പരാതി. ചേമ്പറിൽ കയറി പ്രതിഷേധിച്ച വിദ്യാർത്ഥികൾക്ക് ഇവർ ഒത്താശ ചെയ്തെന്നാണ് ആരോപണം. വിദ്യാർത്ഥികളെ തടഞ്ഞ സുരക്ഷജീവനക്കാരോട് ഇരുവരും മാറിനിൽക്കാൻ ആവശ്യപ്പെട്ടു എന്ന് പരാതിയിലുണ്ട്. പ്രതിഷേധത്തിനിടെയുള്ള സി സി ടി വി ദൃശ്യങ്ങൾ അടക്കമാണ് പരാതി കൈമാറിയത്. വിദ്യാർഥികൾക്കെതിരെയും നടപടി വേണമെന്ന് പരാതിയിൽ ആവശ്യപ്പെട്ടിട്ടുണ്ട്.
Add Asianetnews as a Preferred Source
