വീട്ടുമുറ്റത്തെത്തിയ കാട്ടാനയെ തുരത്തിയോടിക്കാൻ ശ്രമിച്ചപ്പോൾ ആന ആക്രമിക്കാൻ തുനിഞ്ഞത് കണ്ട് ഭയന്നോടിയ 70കാരൻ കുഴഞ്ഞുവീണ് മരിച്ചു
കൊച്ചി: ആനയെ കണ്ട് ഭയന്നോടിയ ആൾ കുഴഞ്ഞുവീണു മരിച്ചു. കോതമംഗലം കോട്ടപ്പടിയിലാണ് സംഭവം. കാട്ടാനയെ കണ്ട് ഭയന്നോടിയ വയോധികൻ കൂവക്കണ്ടം സ്വദേശി കുഞ്ഞപ്പൻ (70)ആണ് മരിച്ചത്. വീടിനു മുന്നിൽ എത്തിയ ആനയെ ഓടിക്കാൻ ശ്രമിച്ചപ്പോൾ ആന കുഞ്ഞപ്പനു നേർക്ക് തിരിയുകയായിരുന്നു. ഭയന്ന് വീട്ടിലേക്ക് ഓടിക്കയറിയതിനു പിന്നാലെയാണ് കുഞ്ഞപ്പൻ കുഴഞ്ഞു വീണത്. രാത്രി 8.30നായിരുന്നു സംഭവം. കുഴഞ്ഞുവീണ കുഞ്ഞപ്പനെ ആശുപത്രിയിൽ എത്തിച്ചപ്പോഴേക്കും മരിച്ചിരുന്നു.
