എസ്എഫ്ഐ പ്രവര്ത്തകര്ക്കുനേരെ ലാത്തിചാര്ജ് നടത്തിയ സംഭവത്തിന് പിന്നാലെ കോട്ടയം ഡിവൈഎസ്പി കെജി അനീഷിനെ ക്രൈംബ്രാഞ്ചിലേക്ക് സ്ഥലം മാറ്റി. സംഘര്ഷത്തിനിടെ ഡിവൈഎസ്പിയെ സ്ഥലം മാറ്റുമെന്ന് എസ്എഫ്ഐക്കാര് ഭീഷണിപ്പെടുത്തിയിരുന്നു
കോട്ടയം: എസ്എഫ്ഐ പ്രവര്ത്തകര്ക്കുനേരെ ലാത്തിചാര്ജ് നടത്തിയ സംഭവത്തിന് പിന്നാലെ കോട്ടയം ഡിവൈഎസ്പിക്ക് സ്ഥലം മാറ്റം. കോട്ടയം സിഎംഎസ് കോളേജിലെ തെരഞ്ഞെടുപ്പിനിടെയുണ്ടായ സംഘര്ഷത്തിൽ ലാത്തി ചാര്ജ് നടത്തിയതി കോട്ടയം ഡിവൈഎസ്പി കെജി അനീഷിനെയാണ് സ്ഥലം മാറ്റിയത്. അനീഷിനെ പത്തനംതിട്ട ക്രൈംബ്രാഞ്ചിലേക്ക് ആണ് മാറ്റിയത്. സിഎംഎസ് കോളേജ് തെരഞ്ഞെടുപ്പിൽ കെഎസ്യു വിജയം ഉറപ്പിച്ചതിന് പിന്നാലെ വോട്ടെണ്ണൽ ഹാളിനുള്ളിലേക്ക് ഇടിച്ചുകയറാൻ ശ്രമിച്ച എസ്എഫ്ഐ പ്രവർത്തകരും പൊലീസും തമ്മിൽ സംഘർഷമുണ്ടായിരുന്നു. തെരഞ്ഞെടുപ്പ് തടസ്സപ്പെടുത്താന് ശ്രമിച്ച എസ്എഫ്ഐക്കാർക്ക് നേരെ പൊലീസ് ലാത്തി വീശിയിരുന്നു. സംഘർഷത്തിനിടയിൽ തന്നെ എസ്എഫ്ഐക്കാർ ഡിവൈഎസ്പിയെ സ്ഥലം മാറ്റുമെന്ന് ഭീഷണി ഉയർത്തിയിരുന്നു. ഇതിനുപിന്നാലെയാണ് ഡിവൈഎസ്പിക്കെതിരെ നടപടി. അതേസമയം, സാധാരണ സ്ഥലം മാറ്റമാണെന്നാണ് ഔദ്യോഗിക വിശദീകരണം.പൊലീസിനെതിരെ ഒരു പരാതിയും നൽകിയിട്ടില്ലെന്ന് എസ്എഫ്ഐ നേതൃത്വവും പറഞ്ഞു
