പാലക്കാട്ട് ദേശീയപാതയില് ലോറിക്ക് തീപിടിച്ചു; നിർത്തിയിട്ടിരുന്നതിനാൽ വൻ ദുരന്തം ഒഴിവായി
ഡീസല് ടാങ്ക് പൊട്ടിയാണ് തീപിടിച്ചത്. സിഗ്നല് ജംഗ്ഷനില് നിര്ത്തിയിട്ടിരുന്നതിനാല് വന്ദുരന്തം ഒഴിവായി.
പാലക്കാട്: പാലക്കാട് മണ്ണുത്തി ദേശീയപാതയില് ലോറിക്ക് തീപിടിച്ചു. പെരുമ്പാവൂരില് നിന്ന് പ്ലൈവുഡ് കയറ്റിപ്പോവുകയായിരുന്ന ലോറിയാണ് തീപിടിച്ചത്. ഡീസല് ടാങ്ക് പൊട്ടിയാണ് തീപിടിച്ചത്. സിഗ്നല് ജംഗ്ഷനില് നിര്ത്തിയിട്ടിരുന്നതിനാല് വന്ദുരന്തം ഒഴിവായി.
തീപിടിത്തത്തില് ലോറി കത്തിയമര്ന്നു. ആലത്തൂര് സ്വാതി ജംഗ്ഷനിലാണ് അപകടം നടന്നത്. ഡ്രൈവര് ധര്മ്മപുരി സ്വദേശി ജയകുമാര് പരിക്കേല്ക്കാതെ രക്ഷപ്പെട്ടു. വൈകിട്ട് 6.10നാണ് അപകടം ഉണ്ടായത്. സിഗ്നലിൽ നിർത്തിയിട്ടശേഷം വണ്ടി എടുക്കുമ്പോഴായിരുന്നു തീ പിടുത്തം. മറ്റു വാഹനങ്ങൾ സ്ഥലത്തു നിന്നു നീക്കി. ആലത്തൂരില് നിന്ന് ഫയര്ഫോഴ്സ് എത്തി തീയണച്ചു.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona