കാലിനും കൈയ്ക്കും മുഖത്തും പരിക്കേറ്റിട്ടുണ്ട്. സംഭവത്തിൽ ചേർപ്പ് പോലീസ് അന്വേഷണം ആരംഭിച്ചു.
തൃശ്ശൂര്: തൃശ്ശൂരിൽ കാറിലെത്തിയ സംഘം യുവാവിനെ വെട്ടിപരിക്കേൽപ്പിച്ചു. പനങ്കുളം സ്വദേശി കൈതക്കപ്പുഴ ത്യാഗരാജന്റെ മകൻ സത്യരാജനാണ് (47) വെട്ടേറ്റത്. പല്ലിശ്ശേരി കാവ് കാർത്തിക വേല കഴിഞ്ഞ് മടങ്ങുകയായിരുന്നു സത്യരാജ്. കാറിലെത്തിയ ആറംഗസംഘമാണ് സത്യരാജനെ വെട്ടിയത്. കരുവന്നൂർ പനങ്കുളം എസ്.എൻ.ഡി.പി ഹാളിന് സമീപത്ത് വച്ചായിരുന്നു സംഭവം. കാറിന് സൈഡ് കൊടുക്കുന്നതുമായി ബന്ധപ്പെട്ട തർക്കമാണ് അക്രമത്തിൽ കലാശിച്ചത്. ചേർപ്പ് പ്രാഥമിക ആരോഗ്യകേന്ദ്രത്തിൽ പ്രവേശിപ്പിച്ച സത്യരാജിനെ പരിക്ക് ഗുരുതരമായതിനെ തുടർന്ന് തൃശ്ശൂർ മെഡിക്കൽ കോളേജിലേയ്ക്ക് മാറ്റി. കാലിനും കൈയ്ക്കും മുഖത്തും പരിക്കേറ്റിട്ടുണ്ട്. സംഭവത്തിൽ ചേർപ്പ് പോലീസ് അന്വേഷണം ആരംഭിച്ചു.
