വീണ വിജയനെതിരായ ഇഡി അന്വേഷണം അതിൻ്റെ വഴിക്ക് നടക്കട്ടെയെന്ന് മന്ത്രി കെ മുരളീധരൻ. ഇഡിയുടെ അന്വേഷണത്തിൽ പ്രത്യേകിച്ച് അഭിപ്രായം പറയുന്നില്ലെന്നും മുരളീധരൻ
തിരുവനന്തപുരം: വീണ വിജയനെതിരായ ഇഡി അന്വേഷണം അതിൻ്റെ വഴിക്ക് നടക്കട്ടെയെന്ന് മന്ത്രി കെ മുരളീധരൻ. ഇഡിയുടെ അന്വേഷണത്തിൽ പ്രത്യേകിച്ച് അഭിപ്രായം പറയുന്നില്ല. ഇഡിയുടെ കാര്യത്തിൽ പാർട്ടിക്കൊരു നിലപാടുണ്ട്. ഇഡിക്ക് മുകളിൽ കോൺഗ്രസിന് ഒരു ഏർപ്പാടും ഇല്ല. ഇഡിയോട് ഒരു കാലഘട്ടത്തിലും യോജിച്ചിട്ടില്ലെന്നും മുരളീധരൻ പറഞ്ഞു.
മെസ്സിയുടെ വരവിൽ വെട്ടിപ്പ് നന്നായി നടന്നിട്ടുണ്ട്. വരാത്ത മെസ്സിയുടെ പേരിൽ പുട്ട് അടിച്ചവരെ എല്ലാം നിയമത്തിനു മുന്നിൽ കൊണ്ടുവരും. കൃത്യമായ അന്വേഷണം നടക്കുമെന്നും കെ മുരളീധരൻ പറഞ്ഞു. കെപിസിസി പ്രസിഡണ്ട് ഇല്ലങ്കിലും കാര്യങ്ങൾ നന്നായി പോകുന്നുണ്ട്. ബ്ലീച്ചിംഗ് പൗഡർ ഇടപാട് വിജിലൻസ് അന്വേഷിക്കുന്നതിൽ ഭയപ്പെടേണ്ട കാര്യമില്ല. തെരഞ്ഞെടുപ്പ് ഫലം വന്നിട്ടും ഇടപാട് നടത്തി. ആ ധൃതിയിൽ സംശയമുണ്ടെന്നും കെ മുരളീധരൻ പറഞ്ഞു.
