സംസ്ഥാനത്ത് 991 പേര്ക്ക് സമ്പര്ക്കത്തിലൂടെ രോഗം; ഉറവിടം അറിയാത്ത 56 പേര്
29 ആരോഗ്യ പ്രവര്ത്തകര്ക്കാണ് ഇന്ന് രോഗം സ്ഥിരീകരിച്ചത്. സംസ്ഥാനത്തെ വിവിധ ജില്ലകളിലായി 1,45,777 പേരാണ് ഇപ്പോള് നിരീക്ഷണത്തിലുള്ളത്. നിരീക്ഷണത്തിലുള്ളവരില് 1,35,173 പേര് വീട്/ഇന്സ്റ്റിറ്റിയൂഷണല് ക്വാറന്റീനിലും 10,604 പേര് ആശുപത്രികളിലും നിരീക്ഷണത്തിലാണ്.
തിരുവനന്തപുരം: സംസ്ഥാനത്ത് ഇന്ന് സമ്പര്ക്കം വഴി കൊവിഡ് സ്ഥിരീകരിച്ചത് 991 പേര്ക്ക്. ഇതില് 56 പേരുടെ സമ്പര്ക്ക ഉറവിടം വ്യക്തമല്ല. തിരുവനന്തപുരം ജില്ലയിലെ 363 പേര്ക്കും, മലപ്പുറം ജില്ലയിലെ 113 പേര്ക്കും, കാസര്ഗോഡ് ജില്ലയിലെ 110 പേര്ക്കും, എറണാകുളം ജില്ലയിലെ 79 പേര്ക്കും, കോട്ടയം ജില്ലയിലെ 70 പേര്ക്കും, കൊല്ലം ജില്ലയിലെ 51 പേര്ക്കും, തൃശൂര് ജില്ലയിലെ 40 പേര്ക്കും, കോഴിക്കോട് ജില്ലയിലെ 39 പേര്ക്കും, പാലക്കാട് ജില്ലയിലെ 36 പേര്ക്കും, ആലപ്പുഴ ജില്ലയിലെ 24 പേര്ക്കും, ഇടുക്കി ജില്ലയിലെ 23 പേര്ക്കും, പത്തനംതിട്ട, വയനാട് ജില്ലകളിലെ 18 പേര്ക്ക് വീതവും, കണ്ണൂര് ജില്ലയിലെ ഏഴ് പേര്ക്കുമാണ് സമ്പര്ക്കത്തിലൂടെ രോഗം ബാധിച്ചത്.
29 ആരോഗ്യ പ്രവര്ത്തകര്ക്കാണ് ഇന്ന് രോഗം സ്ഥിരീകരിച്ചത്. തിരുവനന്തപുരം 11, എറണാകുളം 7, കണ്ണൂര് ജില്ലയിലെ 5, മലപ്പുറം ജില്ലയിലെ 4, പത്തനംതിട്ട, വയനാട് ജില്ലകളിലെ ഒന്നും വീതം ആരോഗ്യ പ്രവര്ത്തകര്ക്കാണ് രോഗം സ്ഥിരീകരിച്ചത്. തൃശ്ശൂര് ജില്ലയിലെ 10 കെഎസ്ഇ ജീവനക്കാര്ക്കും, ഒരു കെഎല്എഫ് ജീവനക്കാരനും രോഗം ബാധിച്ചു. രോഗം സ്ഥിരീകരിച്ച് ചികിത്സയിലായിരുന്ന 688 പേരുടെ പരിശോധനാഫലം നെഗറ്റീവ് ആയി. സംസ്ഥാനത്തെ വിവിധ ജില്ലകളിലായി 1,45,777 പേരാണ് ഇപ്പോള് നിരീക്ഷണത്തിലുള്ളത്. നിരീക്ഷണത്തിലുള്ളവരില് 1,35,173 പേര് വീട്/ഇന്സ്റ്റിറ്റിയൂഷണല് ക്വാറന്റീനിലും 10,604 പേര് ആശുപത്രികളിലും നിരീക്ഷണത്തിലാണ്. 1363 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.